غربة في الوطن

الحزء التاسع

#غربة_في_الوطن

بقلم : بنية سوق الجمعة 🥀

الجزء التاسع  ❄️
زدت في عدد الاجزاء.. لانه اغلب الاجزاء الاولات كانوا قصار 💙

نادت عليا أمي..
ركبت طقطقت وخشيت
ابي : السلام عليكم بنيتي تفضلي
اني : وعليكم السلام... 
كانت أمي مبتسمة 
فرحانة الفرحة طالعة من عيونها
تشوفلي بكل حب و تقولي : في بشارة يا بنتي في بشارة..
اني : اا نعمم نعم
أبي : قعمزي بنيتي
امي بصوت واطي وهيا قايمه يديها فوق : الحمدلله الحمدلله ياا رب 
اني : نعم  شن فيه أحكولي 😁
أبي : لو ما تبيش تتزوجي من أحمد إنتي حرة..
أني : كيف يعني؟
أبي : أحمد قال لو هالة ما تبينيش ما تجبروهاش  !
اني : شنييي!
ابي : يعني قال عادي لو ما تبيش مش غصب عليها تتزوحني
اني : ااا وعلاشش؟
امي : خيرك بنيتي مش فرحانة 😁😁 شكلك فهمتي غلط..
يعني قال ما تجبروش هالة عليا عادي لو هيا ما تبينيش ما تزوجوهاش
اني : ااا لاا مش هكيي بس امتى قال هكي ؟
ابي : امس في الفضانية هكي قالي
اني : ااا قصدي يعني عادي هوا عنده؟
امي : خيرك بنيتي؟
خلاص اي اكيد عادي عنده بما إنه هكي قال
ابي : خيرك هالة شن فيك؟

كنت حتى أني مش فاهمه خيرني  من أيام كان واجعني إنه بنتزوج غصب توا وجعني إنه ما صارش!

اني : ااا ولاا شيء بسس هكي مصدومه شويا..
طلعت أمي من الدار ونادتني باش نلحقها
ابي : خلاص بري توا أكيد تعاونيهم.. غدوا الصبح تعالي نهدرز عليك
اني : تمامم حاضر ان شاء الله
تصبح علي خير أبي
ابي : وانتِ من أهل الخير..
طلعت نزلت تحت للمطبخ
كانوا البنات وخالتي  متجمعين علي أمي فرحانين بيطيروا  وهيا تحكيلهم..
شافتني نهى جت تجري تحضن فيا وتقولي الحمدلله الحمدلله ياا روحي
اني : اا الحمدلله علي شني؟
امي : غر هالبنت يلي معاش فهمتها.. خيرك هالة؟
اني : ولا شي يا أمي ولا شيء
هناء : حتى وجهها اصفر بسم الله علي وخيتي
اني : ااا لا غر انصدمت بس هكي يعني
هاجر : هكي يعني شني؟
نهى : ادوي يا بنت خيرك؟
اسمعي في حاجة في راسي ما تقوليليش هيا
اني : تي شن هيا يا نهى خلاص تعبانة شويا اليوم
شدتني هناء من ايدي وقتلي : احكيلنا هالة حني عيلتك..
نحسابوك بتفرحي بتطيري.. اني لو مكانك توا كنت ساجدة سجدة شكر
اني : الحمدلله على كل حال بس هكي اني مش فرحانة بهالشيء
امي : تيي وعلاش يا بنت؟
مش بكيتي قريب متتي لما قالك بوك بتتزوجي احمد؟
اني : ايي بس تغير الوضع توا
نهى : إسمعي ما تقوليليش تحبيه
هناء : تي لالا شنن تحبه.. خير بلوتك؟

من بين يلي حولي كانت هاجر أرحم وحدة..
كانت فاهمتني كانت حاسة بيا..
يمكن لإنها الوحيدة يلي حبت راجل!

أني : مش حب يا نهى مش حب..
كل القصة إني هكي حطيته في راسي وكذا و تخيلت عرسي و فرحانة بإني بنتزوج و بنقرا جامعة وهكي وتوا قال إنه عنده عادي وابصر شني
امي : أول حاجة بنيتي هوا قال عادي يعني عندك حريتك يعني ما يبيش ياخدك غصب زي ما خدي سيف هناء.. ما قالش لا خلاص ما نبيكش..
خالتي وهاجر : اي فعلا صح
بنية سوق الجمعة : في اللحظة هاذيي واني نكتب أمي قالت " في وحدة إسمها هالة باعتتلي السلام عليكم" 😂😂😂😂😂😂😂
بطلة الرواية بتستشيرني في الموضوع؟ 🤔