#غربة_في_الوطن
بقلم : بنية سوق الجمعة 🥀
الجزء الثالت من عشرة أجزاء تقريبا ❄️
بدت هناء تجينا مرة مرة..
تخش تسلم علينا
وتقعد تهدرز هيا وامي
كان ممنوع عليا نسمع هدرزتهم 😒
في يوم استنيت هاجر تمشي تقرا 😁
ومشيت وقفت جنب بابا الصالون 😁
سمعت أمي تقول لهناء : توا جاي دور هاجر
توا جايها يا كبدي..
دور شني؟
خيرها هاجر؟
قربت ودني اكثر من الباب
ومعاش نحس الا في رقبتي تقول ركبتها نارر
تلفتت نلقى اختي هاجر وراي...
اني : مصحكككك حااارة
هاجر : مني معلمهالك العادة الخاربة هاذي؟
طلعت امي وهناء من الصالون
امي: شن صوت الضربة هذا؟
اني : هاااجر ضربتني علي رقبتييي
امي : خيرك علها يا هاجر؟
شبحتلي هاجر وشبحت لأمي وكأنها تسأل فيا " نقول؟" 😐
هاجر : لقيت تتصنت عليكم
..
شبحتلي امي شبحة كانت أوعر من ضربة هاجر..
ومن بعدها معاش فكرت نوقف نتسمع لحد
👑 روايٰاتہٰ بٰٰنيٰة سہٰوق الہٰجمعه 👑
مروا ايام وشهور تانية 💙
كملت عامي ال15 وخشيت لل16
اختي هناء حملت وجابت بنية..
قعدت 40 يوم عندنا من بعد ما جابت.. قالت إنها ما تبيش تقابل فيهم سيف..
حتى يجي لحوشنا تعطيه بنته يشوفها ويروح..
👑 روايٰاتہٰ بٰٰنيٰة سہٰوق الہٰجمعه 👑
قاعدة نسأل في روحي " دور شني..؟ خيرها اختي هاجر؟..
ومش قادرة نحكي لحد لانه ما كانش من حقي نسمع اصلا..
يوم 14/11/2011
يوم بدي بصوت عراك بين امي وبوي
كان شيء نادر انه يصير همي بصوت عالي لانه دسما امي وبوي يتعاركوا في دار بروحهم..
طلعت من غرفتي اني وهند..
لقيتهم يتعاركوا في الصالون وهاجر مقعمزة على الأرض
مصدومة
اني : خيرك هاجرر؟
هاجر : لالا ولا شيء
اني : خيره بوي وامي يتعاركوا؟
هاجر : لالا ولا شيء
من صوت بعيد..
امي : لأمتىىى لأمتىىى انيي عيييت عييت هاذم بنياتي هاذم روحييي انييي عييت يا ناس
ابي : نقصي حسك قلنا.. ودوينا فيه قبل الموضوع هذا.. بري قوليلها هي
امي : لا قتلها يا ناري عليا يا ناري علي بنياتي يا ناري
ابي : ياسرك بلا نويح وانزلي تحت..
...
جتنا امي جنبنا قعدت تعنق في هاجر و تقوللها معليشي معليشي
فات الصبح هكي واني كل دقيقة يخطر سؤال في بالي..
في العشية
جت أمي قتلي انه بتجي عمتي فدوة بتخطب هاجر لولدها منذر..
وتيت روحي... وساعدت هاجر في مكياجها
كانت هاجر نوعا ما فرحانة 💙
فرحانة اكثر من هناء في خطبتها
قعدت حيوية زي ما كانت وهذا كان شيء مطمني هلبااا
شخصية هاجر تختلف علينا كلنا..
ذكية.. ذكية جداً
كل تفكيرها في قرايتها
بعدين في المسلسلات المصرية 😂
هادية.. و ديما تعطي في رايها الواقعي يلي نكرهوه كلنا فقط لمجرد انه " واقعي"..
أنت تقرأ
غربة في الوطن
Short Story#غربة_في_الوطن.. خامس رواية ليا.. وأول رواية ح نحكي فيها عن الزواج.. وعن الخيانة وعن طعنات الناس يلي حكيتلهم أما أكثر اماكن في جسمك ضعيفة! فا طعنوك منها.. عن الناس يلي اعطيتيهم الأسلحة باش يدافعوا عليك وحاربوك بيها .... عن قصص البنات يلي نسمعوا...
