#غربة_في_الوطن
بقلم : بنية سوق الجمعة 🥀
الجزء الخامس من عشرة أجزاء تقريبا ❄️
اتصلت رن عشرة ثواني وحدفتلي التليفون علي قفطاني 😐😐😐
وتأشرلي وتقولي ادوويي ادويي
قمت التليفون لقيت الخط مفتوح ... 😐
اني : اااا سلاام عليكمم
سعد : ااا ساااويكمم
اني : ااهلين انييي انيي هالة
سعد : من هالةة؟ اا بنية الصيد.. اهلين هالة
كنتت متحشممه ومشش عارفة شن نقولل 😐😐💔 أول مرةة نكلم ولد بسس كان احساس غريب
نهى حاطه ودنها في التليفون و تأشرلي بمعنى ادوي ادوي 😐
اني : ااا كيف حالك؟
سعد : في حد يشوفك وحاله يبدا مش باهي؟
اني : ااا اههه الحمدلله الحمدلله
هي مع السلامة
و سكرت الخط
نهى : يااا حماارة خيررك سكرتييي
اني : لالاا ما قدرتشش.. سمعتيهه شن قاللل؟ 😐
نهى : ايي وشننن فيها
بالعكس حاجة حلوةة افرحيي يا بقرة
اني: لالا بعدين شن هكي من اول مكالمة غر خلي نعرف كم عمره وشن يقرا قبلل شنن هكي بعدين تو يحسابني خفيفة ونكلم في ولاد
نهى : ياا غبية ياا غبية لامتى بنقعد انعلم فيك؟
هوا عارفك وله؟ وقالك قعدت نستنى في فرصة باش نكلمك وله؟ ويبيك وله؟ خلااص
بعدين هوا قالك اني معجب فيك يعني من حقه يقولك هالكلمة هاذي يلي تحسابيها حاجة كبيرة
اني : بسس اني....
قاطعني صوت كلاكسات وألعاب نارية 😍😍
معناها اختي هاجر روحت من المزين 😍
طلعت نجري اني ونهى
وقفنا في باب الخيمة جنب امي وخالتي 😍😍😍
نزل بوي هاجر من السيارة ودخل معاها للخيمة 😍
كااان أحلى بنت نشوفها😍
مكياج خفيف و شعرها مفتوح وفلو 😍
فيلو كبيير ومنفوخ وفيه ديل طويل😍
تاج زي تاج الملكة إليزابيث 😍
خشت قعمزت علي الكوشة وكانها أميرة ❤️❤️
كنت مش مصدقة انها هاذي اختي 😂
للحظة معاش قدرت نتحكم في مشاعري
بدت دموعي تنزل ومشيت نحضن فيها
كانت فرحانة وتضحك وتسلم علي الناس ❤️
تمنيتها تزوجت من قبل بما انها ح تفرح هكي..
قعدت جنبها صورنا و حطينا العشي كلينا ولا يخلوا الأمر من : إنتي بنت عواطف ولا منيرة؟ 😂😂😂
بديت نقول يلي لابسة بنفسجي بنت عواطف ويلي لابسة اصفر بنت منيرة 😂😂
جي العريس ❤️
تعبى الشارع بالصغار يلي يلعبوا بالالعاب النارية 😂
وبالسيارات و ولى صوت التزغريط اعلى من الكلاكسات😂
طلعت اختي هاجر من الخيمة و جي العريس ركبها في السيارة ❤️
دارتلنا باي وهيا بسمتها من أول سن لأخر سن 😂😂❤️
ما كنتش زعلانه لانه بنقعد من غيرها
اني يكفيني انها فرحانة ومتريحة هيا وهناء
ومعاش نبي شيء من الدنيا ❤️
روحوا الناس..
ضميت اني وامي وهناء وخالتي ونهى باقي الحوسة وروحت عمتي فدوة بكري وتبان حرجانة من الاول 💔
ايي بعدين فرشت اني و نهى في وسط الحوش وقعدنا ساهرين للفجر نهدرزوا 😂
أنت تقرأ
غربة في الوطن
Short Story#غربة_في_الوطن.. خامس رواية ليا.. وأول رواية ح نحكي فيها عن الزواج.. وعن الخيانة وعن طعنات الناس يلي حكيتلهم أما أكثر اماكن في جسمك ضعيفة! فا طعنوك منها.. عن الناس يلي اعطيتيهم الأسلحة باش يدافعوا عليك وحاربوك بيها .... عن قصص البنات يلي نسمعوا...
