نيران في رحلة النسيان

البارت الاول

نيران في رحلة النسيان
اوك منين نبدي قصتنا ..خلي نبديها من اكثر الايام برودة بالسنة مثل برود قلوب ومشاعر الناس الي محاطه بنيران 31.12.1967 ساعة 8:30 مساءً
تنزل سميرة من الدرج وهي حامل بشهرها التاسع ومتوقعين تجيب بهاي الايام وجانت بصعوبة تنزل
ناهد خانم :ها سميرة شلونج
سميرة:والله خانم حيل تعبانه احس فد شوي راح اجيب
ناهد خانم:ديلا لعد تحملي شوي توفيق هسه جاي بالطريق من الشركة وياخذج للمستشفى
سميرة بداخلها : اخخ بس لا اجيب بنية ويروح توفيق يتزوج عليه هو اصلاً مامقتنع بيه ياربي اجيبله ولد لان هو الولد الوحيد الامه حتى اربطه واكعده يمي وأكدر اوصل لمستواهم 
الساعة 11:30 بليل
دخل توفيق من الشارع وهو يسمع عياط سميرة اجه يركض
توفيق :شكو شكو شبيج
ناهد خانم:يمة مرتك راح تجيب خلي ناخذها للمستشفى بسرعة بس خلي اصيح على ام تحسين تجيب جنطة غراضها هي والطفل
ناهد خانم :ام تحسيين عيني جيبي جنطة سميرة بيها ملابسها هي والطفل
ام تحسين :تفضلي ناهد خانم
راحوا للمستشفى ورا شوي اجت الممرضة تبشر توفيق انو اجته احلا بنية هي شايفتها بكل حياتها
الممرضة :مبروك اجتك احلى بنية شافتها عيني الله يحفظها الكم وتتربه بعزكم
توفيق :تسلمين بس اريد اشوفها
الممرضة :اي تفضل ادخل شوفها
توفيق طلع من جيبه مبلغ جبير بهذاك الوقت وانطاه للمرضة ودخل للغرفة
-ناهد خانم جانت شايلة الطفلة -
يمة توفيق تعال شوف تشبهك وتشبه جدها الله يرحمة عبود باشا مبروك تتربة بعزك
توفيق جان حيل فرحان اخذ الطفلة من امه وباسها وضل يباوع على ملامحها الحلوه ويشكر الله انطاه احلا بنية
توفيق :سميرة شوفيها شكد حلوة
سميرة جان معاجبها الوضع وخايفه لان جابت بنية خاف فترة ويعوفها ابتسمت ابتسامة بسيطه غصب عنها وكالت :اي حلوة تخبل الله يحفظها
توفيق :شو عبالك معاجبج دتحسسيني مو بنتج عبالك بنت ناس غربة حتى مقربتيها عليج
سميرة:يعني شسويلها حلوة الله يحفظها
توفيق حيل عصب بس بهل اثناء دخلت اخته الجبيرة سهاد وهي تهلهل وراحت حضنت اخوها وباست البنية
سهاد :مبروك داده توفيق الله يخليها الك تخبل طالعه عليك اي عيني خلي تكبر واخذها لأبني هشام ههههه
توفيق:شنو هي بكيفج نيران تصير دكتورة
سهاد :نيران ؟؟ منو نيران ؟شنو سميت البنية بسرعة
توفيق :ماادري جنت مفكرلها بهواي اسماء بس شو هذا الاسم ماادري شلون گلته مجنت مقرر هو طلع من حلكي عبالك مقسوم الها
ناهد :هاهية لعد اسمها نيران
وانولدت نيران والي اسمها عليها انولدت بيوم يحتفل بي كل الكرة الارضية الي هو 1.1.1968 اول يوم بالسنة
نيران عائلة ابوها من ارقى عوائل بغداد بهذاك الوقت اما عائلة امها فهم عائلة بسيطة غير مثقفة تميل للريف اكثر من المدينة وعلى كد حالهم جد نيران الي هو ابو ابوها عبود باشا جان باشا وضابط بالجيش البريطاني وبثورة العشرين جان ياخذ سلاح من البريطانيين وينطي للثوار ويساعدهم وجان اله دور بثورة العشرين ام ابوها ناهد خانم بما انو هي زوجة باشا فجان عندها خدم وحشم يعني نكدر نكول جانت مثل الملكة توفى عبود باشا من جان توفيق ابو نيران صغير يعني مراهق وعندة اخت وحيدة والي هي سهاد اكبر منه بما يقارب ال 10 سنيين
توفيق درس هندسة ميكانيك بهذاك الوقت بفرنسا ومن رجع فتح شركة سيارات وامكانيتة خير من الله ونيران جانت اول مولودة اله وحبها من اول مشافها هسه خلي نرجع للقصة وخلي نيران تبدي تحجيلكم القصة على لسانها
صار عمري 5سنيين وجان بوقتها مطر واني احب العب جوا المطر فجنت اكمز والعب واضحك وصار عندي اخت بيني وبينها بس فرق الحباله يعني تقريباً اقل السنة وجانت حيل مقربة مني مثل تؤامي واسمها جنة وهمين من انولدت امي ضاجت ومحبتها مثلي لان تريد ولد متحب البنات طبعاً اني جنت مدللة عند ابوية اكثر من اختي جنة يعني مو معناهى مامهتم بيها لا بالعكس بس اني جان يكول لان انتي فتحت عيني واول مولودة متعلق بيه  وامي جانت حامل بالطفل الثالث بس بقيت اني المدللة الوحيدة عند ابوية
سميرة:لج تعالي طبي جوا لااجويج يلا مابيه حيلج انوب تتمرضين عليه ويكعد ابوج يحجي عليه
نيران:ما ما عوفيني اريد العب
سميرة اجت وكرصت نيران حيل
سميرة:اذا تحجين او تكولين الابوج وتضلين تبجين اموتج يلا طبي جوا حقيرة
نيران -تبجي-: ماا والله الا اكول لبابا ولبيبي ناهد خانم عليج ورحت ابجي لبيبي
سميرة بداخلها :شلون يربي بهاي الصلفة مثل ابوها حتى تشبها
نيران-تبجي-:بيبي بيبي ماما متخليني العب بالمطر وضربتني
ناهد خانم :يمة حبيبتي لاتبجين تعالي تعالي
ناهد خانم:سميرة ليش ضاربة البنية شعليج بيها عوفيها تلعب بالمطر شتريدين منها واذا تضوجين منها خاف توصخ اخلي ام تحسين تسبحها
سميرة : لا والله ناهد خانم مسويتلها شي هي وكعت ومن كومتها كامت تبجي تكولي انتي كرصتيني
بهل اثناء دخل توفيق وشاف نيران عزيزة گلبه تبجي
توفيق :هاي شنو شبيها نورايتي تعالي بابا منو وياج
نيران:ماما دائماً تضربني وتكول لتكولين الابوج
سميرة : لا عيني لتصدكها هي طفلة شعرفها دتجذب
توفيق :سميييرة نيران متجذب اني اعرفها صح طفلة بس لليوم مجذبت بشي مو مثل باقي الجهال اذا بعد مديتي ايدج عليها تشوفين غير تصرف
توفيق : يلا بابا نوره تعالي اشيلج حمال باشي امشي اشتريلج كلشي تريدين
سميرة: والغدا متريد تتغدا
توفيق :مااريد عود من ارجع
نيران:بابا خلي ناخذ جنة همين ويانه
توفيق :فدوة الام الگلب الطيب يلا نورايتي روحي صيحها وتعالي
راحت نيران تركض بسرعة جان تعثر بالحديقة وتوكع على حديده
توفيق اجه يركض :اسم الله بابا نوره كومي كومي هاااي شنو الدم نورة تسمعيني حبيبتي بابا ام تحسيين ام تحسيين تعالي فدوة شيليها ويايه ماعندي گلب يتحمل اشوف دم نورة
ام تحسين :ها عيني ابو نيران انطينياهة اني اشيلها وياك هاي جرحها يريدله خياط
توفيق :اي عفيه ام تحسين شيليها ترا كلب ماعندي اشوف دم نيران خلي ناخذها للمستشفى وين سميرة وامي
ام تحسين :ام نيران دخلت تسبح خطيه لتخوفها عوفها اني اروح وياك وناهد خانم دتصلي
توفيق :ماشي لعد بس ادخلي كولي الامي وتعالي ويايه انطيني نيران خلي اكعدها بالسيارة
توفيق :بابا نورة حبيبتي تحملي هسه اخذج للمستشفى
نيران :باااباا اني خاايفة -تبجي -
توفيق :لتبجين باباتي انتي سبعة لتبجين اني مو علمتج متبجين ابد لان اني وياج صيري قوية حبيبتي
ام تحسين :يلا ابو نيران خلي نروح خبرت ناهد خانم
-بالمستشفى -
الدكتور :شنو اسم الحلوة
توفيق :نيران
الدكتور :لتخاف ابو نيران الجرح بسيط بس خياطين وان شاء الله ماكو شي
خيطوا جرح نيران ورجعوا للبيت
ناهد خانم :ها يمة توفيق شلونها نيران الحمد لله على السلامة
توفيق :جرح بسيط وخيطولها خياطين ام تحسين اخذيها للغرفة بدلي ملابسها وخلي تاكل وتنام
ام تحسين :اي عيني يلا نورة تعالي حبيبتي
سميرة:ها توفيق شكو سمعت نيران واكعة ومتعورة شبيها
توفيق :جانت دتركض تريد تصيح جنة و وكعت بالحديقة على حديدة وتعورت بحنجها
سميرة:يااا خلي اروح اشوفها
سميرة:ها نيران شبيج
نيران:ماما ديوجعني الجرح
سميرة:يلا مابيج شي نامي وتصيرين زينه هاي لان عاندتيني هيج صار بيج
ام تحسين :عيني ام نيران خطية لاتحجين هيج وياهة خطية سمعيها كلمة زينة هي محتاجه حنانج هسه
سميرة:يعني شكللها مثلاً
سميرة:يلا يلا حبيبتي نورة نامي راح اسد الگلوب ونامي من تكعدين تكعدين زينة