نيران في رحلة النسيان

البارت السابع

#نيران_في_رحلة_النسيان
#سارا_الجبوري

••••••••••••••••••البارت السابع••••••••••••••••••

نيران: اي خالو تفضل شنو السر

هيثم: اووو هم كالت خالو ولج بابا اني مهاز كاروكج هههههههه

نيران: لا والله مو على شي بس احتراماً الك ولماما لأنو انت ابن عمها يعني شنو قابل تريدني اكولك بأسمك وانت ابن عم ماما

هيثم: اي عادي صيحيلي بأسمي ..... المهم اني احب وحدة قريبة على عمرج شلون اعرف تحبني لو لا وشلون اعترفلها لان ممتأكد من مشاعرها

نيران: هي اكيد اذا تحبك حتبينلك وانت صارحها احسن من متبقى هيج الامور ...واخيراً راح ننعزم بزواجك

هيثم: ها اي ان شاء الله اذا الله هداها وانتي اول المعزومين

نيران: ان شاء الله والله اني حدعيلك حتى تتزوج لان احنه من زمان محاضرين افراح

هيثم: نيرااااان ....

همام: ها خالو الله يساعدك شلونك شخبارك تفضل هنا كل خالاتي وبيبيتي هنا

هيثم: هلو حبيبي همام اني بخير انت شلونك هااا يعني امي وخواتي يمكم ما شاء الله صدفة حلوة

همام: اي تفضل خالو

هيثم: انت هم تكلي خالو شلون بلا سويتوني شايب ههههههه يلا امك بنت عمي بحساب اختي

نيران: ههههههه

همام: هههههه

هيثم: يلا خلي ندخل جوا همام سويلي طريق

سميرة: تفضل تفضل عيني ابن عمي قابل انت غريب

هيثم: زاد فضلج ام نيران .....هاي شنو يوم انتو هنا شهل صدفة

ام هيثم: اي والله اجينه هنا عصرية اني وخواتك دنشوفهم بس احنه خوما مثلك مقيم هنا عبالك عندك دوام هههه

هيثم: ههههه والله اذا مااشوف ابو نيران ماانام

توفيق: اهلاً هههههه والله اني همين من مااشوفك ماارتاح احسك كلش قريب لكلبي واحس عندك مستقبل كلش زاهر ........ والله ياام هيثم اني ابنج كلش احبه واعزه يذكرني بشبابي عنده طموح وان شاء الله يوصل ودياخد من عندي معلومات بخصوص المكيانيك والسيارات اتوقعله مستقبل حلو ان شاء الله يفتح شركة مثل شركتي

ام هيثم: الله يسلمك عيني وانت هم اعتبره ذراعك الايمن قابل انت غريب

توفيق: اشكرج ان شاء الله اذا الله انطاني عمر افتح مشروع جبير اني ويا بس صحتي شوي تتحسن

هيثم: ان شاء الله ابو نيران تكوم بالسلامة

توفيق: الله يسلمك يلا امشي نفوت جوا نعوف النسوان براحتهن