نيران في رحلة النسيان

البارت الثاني عشر

#نيران_في_رحلة_النسيان
#بقلمي_سارا_الجبوري

••••••••••••••••البارت الثاني عشر••••••••••••••••

شعور يشبه محاولة اطفاء حريق كامل بكأس ماء واحد 🖤!.

...................

سميرة:  رجعت من نيران واني مقهورة وابجي الطريق كله وافكر لو هسه توفيق عايش جان هم هيج صار بينه زين لو ماخذة ابن عمتها جان همين تعذبت او لو ماخذة اياد جان شلون هسه حياتها، رجعت الطريق كله واني عيني عالدرب وعيوني متوقفت من الدمع واختي اميرة تهدي ،بيه نزلنه بداية الفرع جان اكو اسواق بداية الفرع كلت الاختي ادخلي اشتري للجهال حلويات واني انتظرج هنا لان ميصير رجال يسمع صوتي ،اشترت حلويات واشياء للجهال كلت افرحهم من مات ابوهم لليوم مفرحانيين جان هو كل يوم ميطب للبيت اذا ماشايل كومة غراض حتى جايب عمال وياه شايلين غراض واني دائماً اكله لتبذر بفلوسك لدرجة اكوم اوزع من المسواك للجيران لان ماكو مكان

طبيت للبيت كلهم ركضولي يحضنون بيه انطيتهم حلوياتهم ورحت دخلت يم امي وابوية شافو عيوني حمر سألوني شبية وشسويت على نيران حجيتلهم كل شي صار

ابو سميرة:  يابة اني مو نصحتكم وكتلكم وكحات مو كلت الابو همام الله يرحمة اخواته وامة وكحات حيل حتى اخوية تمرض ووكع بالفراش بسببهن مكدرلهن صلفات ووكحات ومحد يكدرلهن وهذا هو بالفراش بين الحياة والموت

سميرة:  يايابة شنسوي احنه شفناه خوش ولد وانطيناها اله مندري بي هو همين مو زين وطلع سكير وحقير ونذل وشخصيتة ضعيفة كدام امة واخواته  الله لاينطي ويكسر أيدة جان مسوي روحه ملاك

ام سميرة:  ياعيني انتي بيت عمج وين شايفتهم شفتيهم كم مرة من جنتي صغيرة وهسه قبل كم سنة من تزوجتي من اجو لبغداد هم شفتيهم كم مرة بس هم لوكية يسون روحهم مساكين لحد مايتمكنون

سميرة:  اي والله يايوم جان مسوي روحة ملاك هيثم هو وامة واخواتة وشفتيهم شكد توسلوا على نيران وحتى ام هيثم شكد توسلت حتى نزوجهم نيران بسرعة وقنعتني وقنعت ناهد خانم الله يرحمها وحتى كالوا حيخلوها تكمل دراسة طلع كلة جذب

همام:  هسه اروح احرك البيت على راسهم وراس الخلفهم وانعل والديهم جلاب خاف عبالهم احنه على كد ايدهم والله اروح اكسرر روسهم هالأدبسززية

ابو سميرة:  همام جدو عيب هالحجي هذا هم همين يعتبرون بيت جدك اكعد هاهيه بعد هو الفاس وكع بالراس اني لو بيدي اروح هسه اطلكها بس تزوجت وصارت حامل بعد مابيها مجال الشغلة

همام:  اخخخخ منج ماما سميرة جايبتلي ست بنات شسوي بيهن انييي فهميييني حخلص حياتي كلها محتار بيهن وبمشاكلهن

ابو سميرة:  انت شنو هالحجي عيب عليك هذني اخواتك شو ابوك مجان هيج يحب اختة ومؤدب ومحترم انت شو ماعندك احترام تربيتك وتفكيرك غلط حيل