#نيران_في_رحلة_النسيان
#بقلمي_سارا_الجبوري
•••••••••••••••••البارت السادس •••••••••••••••••
سمعنه اني وامي النسوان ديحجن عليه ويطعنن بعرضي هاي الي تكول عدها واحد ومقبلت بأبن عمتها وعرف تحب واحد غيره وعافها وهاي الي تكول الله واعلم شبيها وهيج عافوها وحجي هواي مينحجي هن جانن ممنتبهات احنه يمهن ودنسمع اني كمت ابجي امي كامت تريد ترزلهن لزمتها وكتلها مااريد ابقى بعد هنا خلي اروح اسلم على سلوى ونروح للبيت
......................
نيران: يلا حبيبتي سلوى اني حروح ابوية مريض بالبيت ونريد نرجعله
سلوى: ولج شبيها عيونج حمر شنو جنتي دتبجين
نيران: لا لا مو تدرين بيه عندي حساسية موسمية تصير عندي من يتغير الجو
سلوى: نيران قابل اني مااعرفج انت جنتي دتبجين شبيج احجي
نيران: مو وكتها بعدين اكلج يلا لازم اروح
سلوى : ماشي حبيبتي براحتج مع السلامة
......................
امي همين باركت لسلوى وسلمت عليها وعلى امها وانطتها هدية وطلعنه امي تحجي ويايه وتهدي بيه وجانت مقهورة وكلتلي ليش مخليتيني اردهن ليش يضلن يطلعن اشاعات عليج اني ماجاوبت بقيت ابجي وطبيت للبيت كبل صعدت لغرفتي ابويه شافني ابجي صاح عليه بس جنت مخنوكه كبل رحت للغرفة وابجي
.................
توفيق: سميرة شبيها نيران ليش تبجي شكو صاير شي
سميرة: عوفها عيني مااريد اضوجك انت مريض
توفيق: شنو تضوجيني احجي شكو
ناهد خانم: اكو احد سمعها شي حجايه ؟
سميرة: النسوان بالحفلة كلهن يتباسسن علينه ويحجن على نيران ويطلعن اشاعات عليها ويطعنن بيها وهي مخلتني اردهن كامت تبجي وسلمت على صديقتها واجينه
توفيق: لو ضاربتني بسجينه ولا كلتيلي هيج ديسمعون نيران حجي اخخخ منج سهاد اخخ ليش هيج دمرتي بنتي ودمرتيني .... وعد مني بس اصير زين واوكف على حيلي اخذكم ونروح نعيش خارج العراق حتى نيران تخلص من هالحجي
ناهد خانم: هسه هي وينها نيران
سميرة: فوك بغرفتها سودة عليه دتبجي
ناهد خانم: خلي اروح اصعدلها
توفيق: اني همين اصعد وياج نشوفها
سميرة: وين رايحين ياعيني اثنينكم مابيكم تصعدون اكعدو اني اصيحها
توفيق: لا لا نصعد عادي
...............
ناهد خانم : ها بيبي نوره كاعده نكدر ندخل
نيران: اي بيبي دخلو
أنت تقرأ
نيران في رحلة النسيان
General Fictionقصة تتكلم عن معانات امرأة عراقية عانت الكثير من المجتمع والناس المقربة منها وخسرت كل شيء في حياتها
