نيران في رحلة النسيان

البارت العاشر

#نيران_في_رحلة_النسيان
#بقلمي_الكاتبة_سارا_الجبوري

............................البارت العاشر..............................

نيران-: انضربت على عيني صارت الدنيا كلها سودة بعدين رجع ضربني على عيوني الثانية ونام فوك بطني وضل يضرب بيه بوكسيات وراشديات ويشيل براسي ويركع بالكاع بس اني صارت الدنيا سودة بعيني واسمعة يحجي ويغلط

هيثم:  حقيييرة بووومة مووتي خلي اخلص منج موتي ابوج وبيبيتج وهسه تريدين تموتيني متكبرة وشايفة نفسج انتي وابوج علساس انتو اثقف واحسن من عدنا حتى سميرة بنت عمي انظلمت يمكم

ضل يضرب بيه اني فقدت الوعي صرت مااحس بشي ورا ماادري شكد بعد ماخلص ضرب حسيت مي انذب عليه فزيت وشهكت

هيثم:  نيرااان نيرااان اني اسف مااعرف شلون هيج سوييت اني اسف بس احس شي يكلي اضربها اني اسف بعد مااسويها

نيران:  عيييووونيي عييوننيي مااشوف بيها مغوش ليش هيج سويت بيه لييش مو حرام عليك

كمت ابجي وهو يهدي بيه اني عفته وحطيت راسي عالمخدة وابجي واتمنى ابوية عايش جان مصار بيه هيج

كعدت ثاني يوم الصبح رحت باوعت بالمراية عيوني شوي رجع بيها النظر بس اشوف مغوش حيل شفت وجهي مزورك وعيوني مورمات وزرك وجسمي كلة كدمات وراسي بي دم بسبب انو جان يركع براسي بالكاع

كعد من النوم

هيثم:  نيران اني اسف والله جنت سكران مو بوعي ومحسيت الا واني اضربج اكو شي دفعني اضربج

نيران:  كافي هيثم عوفني الله يخليك

هيثم:  متكولين الامج ولا لأي احد ابداً اذا سمعتج حاجية متلونين الا نفسج

راح للشغل وسمعته يحجي ويه امه واخواته هو شلون ضربني اني ضليت ابجي واتذكر ذكرياتي ويه ابوية وشكد مشتاقتلة فكرت بالطلاق بس شلتها الفكرة من راسي لان فكرت امي هسه بيا حال المصايب الي ع راسها كافيتها

دخللي امة واخواته

ام هيثم:  ها نيران شو بلا اشوف عيونج

سهى:  يااااا عزااا شوف شصاير بوجها

ندى:  اكعدن لاتتعايرن كلشي مابيها

شذى:  لا لا متأذية بس خليها تستاهل

سهى:  اي من ايدها هيج صار بيها جنها بومة ليل ونهار تبجي وتلطم

ام هيثم:  نيران نزعي الاسود

نيران:  خالة شلون انزعة الاربعين مالت ابوية  وبيبيتي مطالع خلوني احزن براحتي الله يخليكم

سهى:  لطامة مو بيدها بس تلطم بنت الباشوات اذا منكسر خشمج شايفة روحج شوفة علينه حتى من خطبناج تحجاينا من ورا خشمج