#نيران_في_رحلة_النسيان
#بقلمي_سارا_الجبوري
••••••••••••••البارت السادس عشر••••••••••••••••
نيران: سمعنا جدي يكول هلا هلا ابو عماد شلونك امي كالت هذا ابن عم ابويه ابو عماد وعماد دخلهم جدي جوا كعدوا يسولفون امي راحت همين سلمت عليهم واني مجطوله بالصالة وهم بالاستقبال بس اسمع صوتهم وشيحجون بعدين صار الحجي عني
عماد: عمي هذا هيثم شكد واحد دايح وممتربي
ابو سميرة: تورطنه ورطة جبيره وياه و ويه اهله اني كلت الابو همام الله يرحمة لتنطيها الهم امه واخواته مو زينات هو خطية شمدري عباله ملاك وحباب كال اني منطيها اله مايدري هالساقط شسوا بنيران اخخخخ منة
ابو عماد: تدري هو متعارك ويه عماد ورايح ضاربه وعماد همين مساكتله شابعه كتل وهسه صايره بينهم عداوة واحد يتهدد للثاني
ابو سميرة: شنووو ليييش شسوه احجيلي عماد
عماد: هالادبسزز اجاني ويحجي حجي مينحجي ويغلط ويسوي وبعدين ضربني بوكس اني همين مسكتت اله خربطت وجه تخربط والله الا اندمة اكسره واكعده بالبيت هالجبان
ابو سميرة: اني بحياتي مشايف بشر مثله يعني حتى ابنه مااجة وشافه حايرلي بالنسوان والسرسلوغيه
عماد: عمي طلك نيران منه وخلصوا من عنده لان حيعذبها هواي
ابو عماد: لا لا يابة شنو يطلكها هاهيه بعد هو هذا حظها وتتحمل امها خطية الي بيها مكفيها انوب تتطلك وترجعلها والطفل خطية شنو ذنبة هاهيه بعد خطية هاي قسمتها وتتحمل وهمين هو مو غريب ابو يصير ابن عمنه وعيب وانت عماد ابني على كيفك عيب احنه كلنه كرايب ميصير تصير مشاكل بينكم
ابو سميرة: والله ماادري انطيته مهله كم يوم يطلك هذيج يلا يرجع نيران
عماد: المشكله هذيج مرتة حامل منه
ابو سميرة: دينكر ويكول محامل واني ممتزوجها بس مصادقها
عماد: جذاب عمي
ابو سميرة: ادري بي جذاب
ابو عماد: الله يهدي سرهم ان شاء الله وتنحل المشكلة هجمان البيت محلو ويارب يرتاح گلبكم وگلب نيران خطية مارتاحت ابد
ابو سميرة: الله يسمع منك
ابو عماد: يلا خويه احنه نروح
ابو سميرة: ووين بعد وكت هستوكم اجيتوا
ابو عماد: لا والله تعبان اريد ارجع للبيت وهمين عماد لازم يرجع للبصرة خلصت اجازتة اجينه نشوفكم مشتاقيلكم وهمين نبارك لنيران ولسميرة هذا اول حفيد الها
ابو سميرة: اهلا وسهلاً بيكم يابة والله نورتونا ولو تبقون بعد شوية
عماد: لا والله عمي نروح بس خلي نشوف نيران والطفل نباركلها ونروح وهمين اسلم على بنت عمي سميرة
أنت تقرأ
نيران في رحلة النسيان
General Fictionقصة تتكلم عن معانات امرأة عراقية عانت الكثير من المجتمع والناس المقربة منها وخسرت كل شيء في حياتها
