#نيران_في_رحلة_النسيان
#بقلمي_سارا_الجبوري
••••••••••••••البارت الخامس عشر••••••••••••••••
نيران: بطني صارت توجعني حيل كمت اعيط اجني خالتي وامي يركضن
سميرة: شبيج نيرااان شبيج
نيران: ماما بطني توجعني حموت من الوجع
اميرة: حتصير عدها ولادة بسرعة خلي ناخذها
سميرة: همزين عصام بالبيت روحي صيحي خلي يحضر السيارة بسرعة حتى ناخذها
راحت خالتي تركض تصيح خالي عصام وامي بدلت بسرعة واني همين لبست بسرعة واخذنه جنطة الطفل امي جانت مجهزتها لان تعرف دخلت بشهري
سميرة: اخخخ الله لاينطيك ياهيثم حتموت بنتي يلا ترتاح
نيران: مامااا بسرععةةة خلي نرووووح
اميرة: اي اي يلا امشوا للسيارة
نيران-: رحنه للمستشفى واختي جنة اخر شي همين صعدت ويانه بالكوة امي قبلت تجي واجت ويانه واني الطريق كله ابجي كلها التمت عليه وصلنه ودخلت لغرفة الولادة واني اعيط السستر هدأتني شويه بعدين جيبوني واسمعهم يكولون مبروك اجاج ولد يخبل طلعوا الامي شافته
...............
الممرضة: عيني مبروك اجاكم ولد يجنن شوفي مبروك عليج بيبيته
سميرة: يمةةةة هاي اول فرحة تجيني بعد موتت توفيق همزين اجاها ولد مو بنية الف الحمد لله والشكر شو بلا اشوفة ...يااااالله هذا توفيق الصغير يشبها بالضبط شهل جمال ياربي لاينحسد
اميرة: مبروك عيني ان شاء الله يتربه بعزكم
جنة: ماما شكد حلو يخبل فدوة يشبه بابا ونيران
سميرة: ااايي
اميرة: شوكت تطلعوها للغرفة؟
الممرضة: بعد شوي وهمين وراها بساعتين هيج تكدرون تاخذوها للبيت عادي
اميرة: تمام شكراً
سميرة-تباوع على الطفل وهي مبتسمة-: ياعمري شكد حلو نيران همين من انولدت هيج حلوة بس اني مفرحت بيها هواي لان جنت اريد ولد
اميرة: ماكو فرق بين البنية والولد وان شاء الله هذا الولد يطلع حباب ومايعذبها مثل همام هسه حيلعب بيج طوبة
جنة: ماما شحنسمي؟
سميرة: تطلع نيران وهي تختار شتريد تسمي
............
نيران-: ورا شوي طلعوني للغرفة امي وخالتي وجنة لكيتهن بالغرفة كدامي والولد امي شايلته والنسوان ملتمات عليه مااعرف شبيهن دخلوني حجوا ويايه وتطمنوا عليه كتلهم انطوني ياه بحضني اريد اشوفه حطته امي بحضني ، شفته وياسبحان الي خالقه بحياتي مشايفة هيج جمال ولاهيج طفل العيون كباااار كُلش لدرجة مو طبيعية بحيث تحس تغرك بداخلهن عميقات نفس عيوني اني وابوية ورموشه بعد اكثر مني مثل ابوية ثخاان وطوال ومكلوبات يطخن بالحاجب وحواجبه مرسومات كأنو شخص جبير الحلك صغير على شكل قلب حب واحمرررر وابيض حيل والخشم مرسوم رسم منحوت والشعر كأنو طالع من صالون ثخين واسود وحرير مثل المي وعبالك مكصوص كصة فرنسي بس هو من الله طلع هيج حلو
أنت تقرأ
نيران في رحلة النسيان
General Fictionقصة تتكلم عن معانات امرأة عراقية عانت الكثير من المجتمع والناس المقربة منها وخسرت كل شيء في حياتها
