نيران في رحلة النسيان

البارت الخامس

#نيران_في_رحلة_النسيان
#بقلمي_سارا_الجبوري

•••••••••••••••••البارت الخامس••••••••••••••••••
ابو هشام:  على كيفك عيني شنو نطلكها شنو هاي ترا هي بالشرع والقانون زوجتة ومنطلكها وشتريدون تسون سوو يلا سهاد كومي نروح الظاهر اخوج ماعنده احترام لأحد

توفيق:  هاااي منووو الي ماعنده احترام بالعكس اني محترمك لان اكبر مني وبيتي لتخليني اقلل احترامي وياك وغصباً عليكم تطلكون نيران ويلا تفضلوا طلعوا براا

سهاد:  عيني اخويه فدوة لعينك اعصابك على كيفك لاتتخربط مو زين عليك وارجع فكر بالموضوع اذا طلكناها تتسمى مطلقة وهي بعدها ممتزوجة وصغيره

توفيق:  انتو خليتو عندي اعصاب فكرتو بيه لو بس عرفتو تضحكون عليه وخطية نيران بركبتكم وتتطلك احسن من ماتتزوج وتظلموها انتي وابنج وبعد ماأمن بيكم ابد وياريت تتفضلون تطلعون برا لان تعبتوني وباجر ورقة نيران تجيني

ابو هشام:  كومي كومي امشي نروح اخوج مدري شبي

....................
نيران:  بعد ماسمعنا صياحهم وصياح ابويه واني ابجي وخايفة عليه اكول خاف يصير بي شي مو زين عليه يعيط ويتعصب سمعناهم طلعو صار هدوء ماحسينه الا صوت طبه وشي انكسر ركضنه كلنه

وجان نشوف ابويه واكع بالكاع ومن واكع وجار الفازه (المزهرية )مالت الورد ومكسورة وايده شوي داخل بيها كزاز ركضنا اني وامي واخويه همام واختي جنه هم بس هذولة كبار شوي قريبين على عمري ويفتهمون

ركضنه كلنه يلا كدرنه نشيله نحطه عالتخم لان ابويه طويل وعنده عظلات بسبب ممارسة شغله الميكانيك وهو اصلاً رياضي ورباع

واجتي بيبي ناهد جان بيومها مالها خلك ونايمة بالفراش وحيل تعبانه ومريضه اجت تركض على ابوية فاقد وميحجي بس يون

وبعدين كام بالكوة تطلع منه الكلمة ويكول نيراان.. نيران... بابا اني اسف ظلمتج وجان تنزل من عنده دمعة

مجان يحس بينه وجانت حرارته مرتفعه فوك ماهو مريض فضل يهذي بأسمي ويتأسف اني بسته وكتله: بابا حبيبي لتخاف عليه اني مابيه شي بس صير زين

سميرة:  نيران روحي دوريلي رقم الدكتور صديق ابوج الي يطلعلة للبيت وخلي اخابره احجي ويا يجي لأبوج يشوفة

رحت اركض ادور بين الارقام الي مكتوبة بسجل الارقام لكيت الرقم اتصلت وخليت امي تحجي هو كال بس مسافة الطريق وجاي

والله مطول اقل النص ساعة وهو يمنه واني كاعده يم ابوية ولازمه ايده وابوس بي اجه الدكتور ابتعدت