#نيران_في_رحلة_النسيان
#بقلم_الكاتبة_سارا_الجبوري
-----------------البارت الثاني ------------------
سميرة: توفيق الحكلي الولد راح مني
توفيق: شكو شكو سميرة شنو شبي همام
سميرة: كعدت من النوم دااريد اشوف شبي لكيته مصخن حرارته مرتفعه حيل
توفيق : ياربي سترك خلي اكعد امي تعرف بالجهال اذا منزلت حرارته ناخذه للمستشفى
...................
توفيق: يوم اكعدي فدوة همام حرارته مرتفعة بس كومي شوفي
ناهد خانم : يايمة شبي الولد شوكت صخن لحد المغرب من نومته مابي شي سميرة جيبيلي مي بارد خلي
نسويله كمادات
نيران-: بقوا يبردون بأخويه همام بس حرارته منخفضت ابد
...........
ناهد خانم : يمة الحك روحو للمستشفى الولد مدتنزل حرارته اني ابقى يم البنات لان ام تحسين اليوم ماخذه اجازه يم اهلها مموجوده
-المستشفى - الساعه 4 الفجر
الدكتورة: لاتخافون عيني هاي مجرد حرارة تصير عند الاطفال بهيج عمر ماكو شي بس انتو ديرو بالكم عليه اكثر بهاي الفتره اخاف ترجع الحرارة هسه انطيتكم خافض حرارة تنطوهيا وحالياً حرارتة نزلت تكدرون تاخذوا للبيت
توفيق : تسلمين دكتورة الله يحفظج هسه نكدر ناخذه مو مابي شي
الدكتورة : اي اكيد اخذوا كلشي تمام
توفيق : يلا سميرة هاهيه مابي شي خلي نروح
سميرة -تبجي وكاعده بالكاع -
توفيق : يلا حبيبتي سمورة شبيج كومي مابي شي عادي عند كل جاهل هيج يصير ليضل بالج كومي
سميرة : لا توفيق عبالي خسرته وهذا اعز شي عندي ابني الوحيد اعز مااملك وراد يروح مني -تبجي بحركه -
توفيق: يلا لاتبجين حبيبتي كافي كومي
كامت سميره ومن وكفت حست بدوخة ووكعت
توفيق: سميييرة سمممييرة شبيج حبيبتي دكتورة الحكيلي زوجتي مااعرف شبيها
.....................
اخذوا سميرة وراحو يسولها فحوصات وتوفيق جان شايل همام بأيده وينتظر وخايف طلعت الدكتورة
توفيق: ها دكتورة بشريني شبيها
الدكتورة : مبروك زوجتك حامل بشهرها الثاني وهسه تكدر تدخل عليها وتاخذها للبيت بس شوي خلي تنتبه على نفسها واكلها واخذلها ادوية ومقويات
توفيق : تسلمين دكتورة الله يبارك بيج
......................
سميرة:- جنت داابجي على ابني وخفت اخسره وهو اعز شي عندي بعدين بشرونه مابي شي بس بقيت خايفه ومن وكفت نريد نروح حسيت بدوخه حيل قويه ووكعت من كعدت الدكتورة بشرتني اني حامل يارب يطلع بيه هم ولد ويصيرون اثنين ولد وبهيج يصير اسمي ام الولد احسن من ام البنات مابيهن فايدة
توفيق : ها سمورة حبيبتي مبروك طلعتي حامل
سميرة: اييي حبيبي ان شاء الله همين ولد
توفيق : كلشي يجي من الله هلا بي يلا كومي اخذتلج ادوية ومقويات الدكتورة كتبتهن الج خلي نروح للبيت امي هسه هم ضل بالها خطيه
..........................
نيران-: بعد مرور سبع اشهر امي خلصت اشهرها وطبعاً همام هو المفضل عندها وجانت متخلينه نتقرب منه او نحجي ويا او نلزمه ودائماً تسمعنه كلمة انتن بنات وهو ولد وتحترمنه ابوية اكيد جان ميقبل بحجيها وجان يكللها لتفرقين بينهم وهن اخواته الكبار وهو لازم يحترمهن مو هن
أنت تقرأ
نيران في رحلة النسيان
Fiction généraleقصة تتكلم عن معانات امرأة عراقية عانت الكثير من المجتمع والناس المقربة منها وخسرت كل شيء في حياتها
