#نيران_في_رحلة_النسيان
#بقلمي_سارا_الجبوري
.......................البارت الحادي عشر...........................
ام هيثم: دكتور وكعت من الدرج وانضربت وهيج صار بيها
الدكتور: شكد صارلها من وكعت ؟
ام هيثم: اسبوع اسبوع وشوي هيج شي
الدكتور: حملها صارلة اكثر من اسبوع وشوي ممعقولة واكعة والطفل مصايرلة شي
باوعلي الدكتور وكال : بنتي اطلعهم واخليج انتي تحجيلي شكو
باوعت لام هيثم خزرتني نزلت عيني منها وكتله: مابية شي اني صدُك وكعت من الدرج وانضربت بالباب محد مسويلي شي
الدكتور: متأكدة
ام هيثم: اي طبعاً متأكدة ياعيني دعوفها خلينه نفرح بيها حامل ان شاء الله ولد
ندى: شلونة عاد يطلع مثلها مايع
اميرة: شوكت نكدر نطلعها وشنو العلاجات الي تاخذها
الدكتور: هسه حنطيها العلاج بس ادير بالها على نفسها كُلش زين وتهتم بصحتها وشغل هواي ماكو وتاكل وتتغذة زين
اميرة: ان شاء الله دكتور هسه نكدر نطلعها مو ؟
الدكتور: اي اي
ندى: بعد بس نسحبها ونبدللها كل يوم وخلي الخانم تكعد وترتاح كلشي متسوي همداني اي والله مثل حظي
ام هيثم تشاور ندى: ولج شبيج صدكتي هيج حنسويلها بس نقشمر عليهن دمشي امشي خلي نروح للبيت ونتفاهم
...................
سوينة اوراق الخروج من المستشفى وطلعنه لكينة هيثم واكف بالباب
هيثم: ها شبيها
ندى: حامل عيني واضح مستعجلة عالخلفة
هيثم: ها حاامل؟؟ بس صدك شدعوة من هسه شنو مستعجلة بعد وكت
ام هيثم: يلا ياعيني شتسوي هذا هم حظك راح تحتار بيها وببنها
اميرة: على كيفكم شنو هو بس ابنها ترا هو ابنكم قبل ليصير ابنها ميصير هيج تحجون وهاي قسمة ونصيب وشي اجه من الله ميصير نرجعه عيب عليكم شوي استحوا هي مجايبته من الشارع هو ابنكم .......يلا امشي خالة نورة هذا حظج مصخم بعدين هيج يصير بيج اخخخ ياريت ابوج عايش ويشوف شصار بيج وانتي عزيزتة
حطت ايدها على كتفي وتحجي ويايه وعيونها مدمعة وتمشي صعدنه بالسيارة ورجعنه للبيت الطريق كله اني عيني عالدرب وابجي وخالتي تباوع عليه ومقهورة وهيثم وامة واخته ضايجين ومعاجبهم الوضع نزلنه طبينه للبيت خالتي دخلت ويانه كعدت تحجي وياية
اميرة: حبيبتي نورة اني حيل مقهورة عليج ابوج ترابة بعدة اخضر وقبل ليموت وصاهم عليج وشوفي شسو بيج اهخخخ الله يساعدج ياخالة شوفي هسه الفاس وكع بالراس بعد متكدرين تسوين شي وصرتي حامل ومتكدرين تطلكين وترجعين الامج خطية هي هسه عدها كومة ايتام لازم تربيهم وحدها تحمليهم بلكت يعقل هيثم ويتغير من يصير اب
أنت تقرأ
نيران في رحلة النسيان
Genel Kurguقصة تتكلم عن معانات امرأة عراقية عانت الكثير من المجتمع والناس المقربة منها وخسرت كل شيء في حياتها
