نيران في رحلة النسيان

البارت التاسع

#نيران_في_رحلة_النسيان
#بقلمي_سارا_الجبوري

............................

ذهب والدي للأبد لن استطيع رؤيته مرة اخرى تلاشى من الحياة امامي كنت انا اخر شخص يرى عيونه الجميلة
منذ ذلك اليوم وانا ليس لدي سند في الحياة ولايوجد من يساعدني للخروج من حزني سقطت بعده في حفرة عميقة بداخلها فقط الذئاب ينهشون جسدي ولايوجد من ينقذني اصبح ابي فقط حلم اراه عندما انام ليتني استطيع اعيش في داخل احلامي مدى الحياة ولن استيقظ مرةً اخرى لكي ابقى بجانبه منذ رحليه وانا ليس لدي جناح لكي احلق به لقد كسرو جناحي من بعدك ياابي،اشتياقي لك ليس عادي بل عميق لدرجة ان استيقض من عمق نومي وانا اريد رؤيتك  ...

................................البارت التاسع ...................................

راح ابوية بجيت وصحت وعيطت ولطمت وملخت روحي وجلبت بي ومخليت احد ياخذه بس مااكدر ارجعه ابويه بعد مرجع راح من عندي بعد مشفته صار مجرد خيال اشوفة مرات

مااعرف شلون اوصفلكم موقفي الموقف الي اني جنت بي مينوصف ابداً

ابوية بحياته كلمة غلط ممسمعني مو بس اني حتى اخواني والناس واصدقائة يصيحولة الملاك بكد ما طيب وحباب وميطلع منه شي غلط

حتى عمتي شكد أذتنه بس مات وهو يحبها وقبل ليموت طالبها ومن رحت جانت موجوده بس مشفتها

البيت انخبص خبص كلها صارت تبجي وتلطم اخواني همام وجنه هم الوحيدين الي يفتهمون شويه تخبلو يبجون ويعيطون امي ملخت روحها بيبيتي تخربطت وشالوها للمستشفى بس رغم كل الي صار اني مجنت منتبها للناس جنت بس ابجي واعيط ونمت فوكاه واجر بي واصيح بلكت يكعد واشوفه

نيران:  بابا اكعد بابا حبيبي فدوة اكعد كوم اوكف خلي اشوف طولك الحلو
بابا شلون تعوفني هيج شلووون اني مااكدر اعيش بدونك اخذني وياك اخذني لاتعوفني هنا
بابا اني مااكدر اشوف الحياة وانت مابيها
بابا فدوة كوم اريد اسمع كلمة نورة منك
باااابااا كوووم لتسوي هيج بيه كوووم حبيبي كوم اوووكف
اني محتاجتك والله بعد مااعوفك بس ارجعلي
كوم خلي نشوف فيلم اني وياك واجيبلك حلاوة جزر انت تحبها بابا شبيك متجاوبني ليش هيج ساكت
انت مو تحبني اني مو حبيبتك وبنتك هيج تعوفني بسرعة وتروح بعدني ماشبعت منك
بابا كوووووم اترجاك كوم اكعدد انت تدري بيه شكد احبك موووو انت تدري ؟؟ والله مااكدر اتنفس الهوى الي انت متتنفسه بابا بحياتي مجنت اتخيل اللحظة الي انت حتروح بيها من هالحياة اتمنى هسه اشوف ايدك الحلوة تحطها على كتفي وتكلي نورة بابا لتبجين اتمنى ارجع اشوف هاي عيونك الحلوة واسمع صوتك الحنين بابا معقولة انت هسه رحت ؟يعني بعد مااشوفك؟ ولااكعد احجي وياك كل يوم ؟بعد اني ماعندي ابو؟ محد بعد يهتملي ويهتم لحزني ؟ انت رحت هاهيه بعد متاخذني وياك ؟ انت موو تاخذني وياك وين  متروح ليش هالمرة مااخذتني وياك؟؟ ربييي اخذننيي ويه ابويه اريد اروح وياااااااه ارررجوووك ياااربييي اخذنييي