نيران في رحلة النسيان

البارت السابع عشر

#نيران_في_رحلة_النسيان
#بقلمي_سارا_الجبوري

••••••••••••••البارت السابع عشر•••••••••••••••••

نيران:  من سمعت اني حامل تخبلت وكمت ابجي واعيط واصيح مااريدة مااريدة خالتي هدأتني ورجعنه يم امي من بجي وعياطي واصيح مااريدة مااريدة الردهة كلها انتبهتلنا والنسوان يكولن حرام عليج ولاتحجين هيج وهاي عطية الله واستهدي بالرحمن

سميرة:  يوم نيران اسكتي ميصير هيج تسوين حرام رب العالمين انطاه الج

نيران:  ماما انتي تدرين اني اريد اطلك شلون انوب اجيب بعد واحد

سميرة:  ميخالف حبيبتي ارضي بالي اجاج وهاهيه بعد هي صارت وحتى بلكت يعقل هيثم العار ويصير زين

نيران:  مايعقل يمة مايعقل

اميرة:  عيني اخذي نيران وروحوا للبيت اني ابقة يم توفيق شوفيها وجها صار اصفر لاتتخربط خلي ترتاح

سميرة:  شكرًا حبيبتي هسه اخابر عصام يجي ياخذنا

نيران:  لا خالة خاف تتعبين

اميرة:  لا لا لااتعب ولاشي عادي

................

نيران:  امي خابرت خالي عصام واجه اخذنة رحت لبيت اهلي بقيت يومين وراها رجعت للمستشفى لان خالتي همين تعبت وعدها بيت ومسؤلية وزوج واولاد وراها بأسبوع طلعت توفيق من المستشفى واني حالتي النفسية تعبانة ومباشر من المدرسة خالي وصلني ع بيت عيالي لان هيثم افندي يجي باجر دخلت البيت عبالك دخل بعبع عليهن حجيهن وياية عبالك اني جنت دااتونس

سهى:  اشرقت وانورت بعد وكت

نيران:  ليش اني وين جنت بالسينما غير هذا الولد بين الحياة والممات

سهى:  ديلا علساس جبتي ولي العهد هو عيونة طاكات ويشبهج

ندى:  هسه يطلع عليها شلون هي تزوجت 2 هو يتزوج 4

سهى:  خطية ليش تجرحين مشاعرها وتذكريها بأبن عمتها الي مطلكها ههههههه

-ضحكن كلهن-

نيران:  حرام عليجن تحسبن ابن عمتي عليه رجال وتسمني مطلقة

ندى:  اوووي بدينة بسوالف المساكين بابا درووووحي -غمت نيران ومشت -

ام هيثم:  دعوفنها عوفنها تلكيتنها، هاا نيران شلونج

نيران:  شلوني اني هذا الولد مريض وبس اني محتارة بي وانوب هسه طلعت حامل

ام هيثم:  اوكفي اوكفي شنوو؟؟ حامل شنو انتي بزونة ارنب شنو تردين تثولين ابني بالخلفة ماخذتي حبوب منع الحمل؟

نيران:  خالة ميصير هذا الحجي خلي الله بين عيونج اعتبريني وحدة من بناتج اني هسه شنو الي افتهمته من حياتي وبشنو اني ثاولة ابنج حتى علاج الولد كله من امي ومصرفي وزايدي وناقصي والحليب والحفاظات انوب حتى حب المانع امي تشتريلياه اني حتى مااعرفة