قرارات خاطئة 🌷

الحلقة 4

#قرارات_خاطئة🔥
🔥الحلقة الرابعة4 🔥

👑H e m o t k 👑

____________
جي فهد وقف جنب امه وهي اتقيم في باكو صغير وبيصكر الشنطة اللي قدامها طاح الباكو من ايد عائشة
وطاحو منه صور
طبص فهد قامهم وشاف الصور وقعد يشبح لي امه
فهد:مني هدا ؟
عائشة:😥
فهد: مصورة معاه بلا وشاح خوك ولا شني
عائشة:ااء اا ه هدا هدا ولد عمي كان خاطبني زمان هادي الصورة في البيان
فهد:ولد عمك ؟؟ اما منهم اول مرة نسمع🤨
عائشة:ماتعرفاش اتوفى بعد البيان بي اسابيع وخالي اصر ان ناخد ولده اللي هوا بوك

فهد قعد يشبح للصور وساكت وبعدين مد لي امه الصور وكمل ترتيب الحاجات وطلع لي وسط الحوش

شرين تليفونه رد لقااه المحامي
فهد:ايوا السلام عليكم
المحامي :وعليكم السلام كيف حالك استاد فهد
فهد:الحمد الله بخير
المحامي:استاد فهد ياريت لو تقدر اتجي للمحكمة يوم الخميس لان جلسة اليوم ماكانتش تمام
فهد عدل تقعميزته:خير انشاء الله شن صار
المحامي : بوها طلب المؤخر كامل فب مرة والا مش حيوافق علي الطلاق
فهد :باهي في حاجة زي هادي في القانون
المحامي :هوا مش من حقه يطلب خاجة زي هادي لاكن حتتعرقل الاجراءات يعني الجلسات بيكترو
فهد:شن تبي مني الخرا اهيا تو نمشي نتفاهم معاها
المحامي:لو انكون معاك يكون افضل مرات تتهور وادير حاجة اتجي ضدك
فهد:باهي تمام تو لما بنمشي انكلمك وبارك الله فيك
المحامي: فيك بارك الله هي بسلامة
فهد: سلام وصكر التليفون ولوحه جنبه

عائشة:فهودي وليدي تعالا بالله مدلي شبشبي خلي نطلق رجيلاتي برا
فهد ناض :هي هي جيتك وطبس قدام امه لبسها شبشبها وطلع هوا وياها
عائشة:الله الله يا جنااني شوق مازرعت فيك وماسقيتك وما كنست فيك اهو جي اليوم اللي بنخليك وبنمشي
فهد:والله اتزيدي كلمة تانية نحلف ماني قاص خطوة برا الحوش
عائشة:ياسر بلا تسهويك عاد
فهد:تعرفيني منحبش انشوفك متحسرة علي شي اللي تبيه انتي يصير تبي نمشو باهي تبي نقعدو نقعدو
عائشة : اني نبيك انت مرتاح بس بنمشي معاك لي اخر الدنيا المهم اتكون مرتاح بس
فهد باسلها ايدها :جاية الايام الحلوا جااية وتو تشوفي

_______________
👑H e m o t k 👑

الساعة 11:30 الصبح

سميرة:ووينه هوا ؟
امال تشبح من الروشن :اهواا واقف قدام الباب اركبي انتي بسرعة واني تو انلهي
خدت سميرة الصفرة وركبت بيها تجري

كمل مصطفى دخانه وفتح الباب وخش
مشتله امال تجري :صطوفة صباح الخير
مصطفى:صباح النور
امال :شني امتى بتسأل علي الناس اللي جايين لي عهد بنتي
مصطفى:مش وقته توا
امال:العفو امتى وقته امالاا من عندي غيرك اني ولا تبيني نمشي بروحي
مصطفى :باهي يصير خير يا امال حولي توا خلي انهش للحمام
تلفتت امال لقت سميرة خشت للكوجينة
امال:ب باهي برا ومشت لحقت سميرة
امال :عطيتيها تاكل اووه
سميرة :اي حطيتلها الصفرة وطلعت نجري