قرارات خاطئة 🌷

الحلقة10

#قرارات_خاطئة🌹
🔥الحلقة العاشرة 10 🔥

👑H e m o t k 👑

____________

طلع فهد من المحل لقاه يضرب في واحد جي يبعد فيه :خيرك مني هدا
عهد:فهد هدا اللي رجله مقطوعة خنب شنطتي 🥺
فهد مدلها الشكارة وطبس يضرب فيه
جي شرطي يجري من بعيد
فهد قام الكناس من حوايجه
الشرطي :Was passiert hier ماذا يحدث هنا
مقدام شبحله :ميكا انت تفاهم معاه اني مانفهمش هكي
فهد تلفت لي الشرطي وقاله هدا خنب مننا شنطة
الشرطي شد الكناس وبدي يتفتش فيه
فهد قاله ان الموضوع قداش ليه وقعدو قريب عشرة دقايق وفهد يتناقش مع الشرطي والكناس راعش ويبي يمشي

عائشة وعهد واقفين بعيد عليهم شوية
عائشة:شن يقوله يوخيتي زحما يحبسوهم
عهد:بعيد الشر لا لا انشاء الله لا
عائشة :اهو مشي الشرطي الحمد الله
جو مقدام وفهد وشادين الكناس
عهد:شن صار كيف طلقكم
فهد:اهوا الحيوان قاله اني مش مشتكي وعلي اساس حليناها ودية وجبد كرسي وقاله قعمز
مقدام جي يجري حط كرسي قدامه :فهد اسمع اللي انقوله باش اترجمله
فهد :تي نوض نوض
مقدام:شن نوض هادى زيد غادي بنهدده
فهد:باهي هدده هي
مقدام شبح للكناس :احممم الفاسد اللي اسمه يزن ويين اااه تكلمم
الكناس شبح لي فهد وقاله مش حنتكلم لين تدفعولي فلوس
فهد :يبي فلوس مش حيتكلم
مقدام طلع فوس من جيبه
الكناس ضحك بهزوة
فهد طبس عليه وقاله ارضى بيه لان غيرهم مش حتاخد وحتتكلم
الكناس خدي الفلوس وقال لي فهد عطيني ورقة
مقدام :فهمتها هاادي هاتوله ورقة
عائشة:اني عندي في شنطتي وطلعت ورقة وبيرو
الكناس خدي الورقة وكتبلهم عنوان يزن
فهد قاله ان لو العنوان كان غلط ف حنعرف كيف انجيبك
الكناس هز راسه وقاله لا
مقدام دفه: باهي براا برااا
عهد :شن بيصير توا امتى بنمشوله
فهد:اني بنمشيله غدوا بعد مانروح من الخدمة
عهد:نبي نمشي معاك
فهد:لا مستحيل مانعرفش شن وضع المكان خليك اني انحل المووضع
مقدام:اي صح حني رجالة نعرفو اندبرو روسنا وين بنجرو بيك كان صارت حاجة
عائشة:وشن بيصير ردو بالكم مانبيش الرعاش
فهد عفس علي رجل مقدام:تي شن بصير يعني هوا يأفور
شرين تليفون عهد ردت طول
عهد:تي وينك ياا بنتي شغلتيني عليك
جنات:ولك حمارة شتأتلك كتير
عهد:اني اكتر شن جوك
جنات:منيحة شو كيفك انتي تأقلمتي ولا لا
عهد:لا وضعي كويس هلباا قوليلي شن صار في خالتك

فهد يشبح للعنوان وساكت
عائشة:متورطوش روحكم في شي ردو بالكم راهو والله مانسامحك
فهد:خيرك امي لا لا مستحيل شن بنديرو يعني
مقدام:مش حاسين ان الدنيا سحبت زيادة كأن المطر بتصب
فهد شبح فوق :اي صح
عائشة:هي نوضو عهد امبكري دوشت بعد الغدي حي عليها تو تمرض
فهد:باهي نوضو هي

عهد:ماشي باي وصكرت الخط بتنوضو
عائشة:المطر بتصب وانتي مدوشة تو تمرضي
عهد:ميصيرلي شي جفتته شعري
فهد:هي نوضو فيسع