قرارات خاطئة 🌷

الحلقة3

#قرارات_خاطئة🌷
🔥الحلقة الثالثة 3🔥

👑H e m o t k 👑

________________

الساعة12

طقطق باب حوش مصطفى طلعت امال فتحت لقت خوها عبد الباسط
امال قلبت وجهها
باسط:السلام عليكم كيف حالك يا امال
امال ::حالي باهي
باسط تلفت :هي تعالي ياا احلام
امال قرنت حواجبها :من احلام 🤨
جت احلام مرت باسط التانية السلام عليكم😌
امال شبحتلها من فوق لا لوطة لقتها فرخة من عمر بنات باسط :تي شن العار هدا هبلت انت ولا شني 😡
باسط:تي خيرك يا امال صبح
امال:معقولة واخد وحدة ند بنتك
باسط:هي حولي ترا خليها تخش من غير دوة زايدة
امال سيبت الباب وخشت تعارك
واحلام وجهها مايتفسرش

باسط:خشي خشي

طلعت سميرة من الدار :خيرك امال شن في
امال:جايبها معاه هوني عمرها زي بشرى بري شوفيها
سميرة:مني بااسط؟؟😳
خش باسط: السلام عليكم
سميرة خشت تجري غطت راسها وطلعت :وعليكم السلام
باسط :تعالي سلمي اهي هادي سلفتك سميرة
سميرة فوق من قلبها :اهلين بيك
احلام سلمت عليها بأربعة بوسات :اهلين شن اخبارك ☺
سميرة:الحمد الله وشبحت لي باسط امتى قريت الفاتحة خيرا مسمعناش
باسط :ماحدش سمع قريتها امس وروحت بيها واليوم جبتهالكم
سميرة:حتى خوك مايندريش ولا غير داس علينا
باسط : تي قتلك ماحدش يعرف
طلعت عهد من الدار : خالي كيف حالك وسلمت عليك
باسط:اهلاا شن حالك
عهد شبحت لي احلام عرفتها مرته انصدمت :ااءا م مني هادي ؟ 😐
احلام ضحكت:اهلين اني احلام وجبدت عهد من ايدها سلمت عليها بستلاف بوسة 😂
عهد :🙄🙄
ابرار:حي علي امها فرخة
سميرة قرصة ابرار
باسط:هي اني طالع ماشي للعيلة بنعطيهم علم وانجي انروح بيك
احلام:حاضر
مشي باسط طلع واحلام قعدة واقفة
امال :شني مشي وخلاها هادي
احلام حطت راسها لوطة وسكتت
عهد :ماااماا خلاص
اااء تعالي تفضلي خشي
خشت احلام لي دار الضيوف وقعمزت
عهد :اءء شني كيف قهوتك
احلام :ماتعبيش روحك صحيتي
عهد:لا والله ماصارت
خشت امال :تو اني نبي نفهم انتي بعقلك ولا لااا اااه كيف تتزوجي واحد متزوج ونديد بووك كيف
عهد:مامااا
امال :اسكتي انتي اسكتي
احلام توترة :اني م ممش بي ايدي والله 😟
امال:شن هوا اللي مش بي ايدك شن هواا غير تسهويك زايد وخلاص

سميرة:امال انهار حرف متحشميناش
احلام :صدقوني الوقت يجبرك اديري حاجات ماكنتي تتوقعي روحك اديريها
عهد :ماما خلاص اطلعي وخليها
امال :لا مانييش طالعة

جتها سميرة طلعتها بسيف وقعدة عهد مع احلام في الدار

عهد :خلاص ماتبكيش ماما هكي طبعها انفعاليا وغير هكي هي صاحبت خالتي عايدة هلبا ومارضتش فيها
احلام تبكي:اني والله ماكنت نبي نتزوج راجل واخد وعنده صغار لاكن بوي جبرني مش بي ايدي
عهد:علاش يجبر فيك حتى في الدين حرام
احلام سكتت شوية وهي تشبح لي عهد وبعدين تكلمت :اني كنت متزوجة من قبل وقعدة عنده شهرين بس وبعدين تطلقت وانتي تعرفي مجتمعنا كيف يشبح للمطلقة كرهت عيشتي في الفترة اللي قعدة فيها في حوش بوي واني مطلقة كنت نرقد علي هزايب وانوض علي هزايب ولما جي باسط طلبي بوي وافق طوول وبدون حتى شروط
عهد انصدمت ومعش عرفت شن اتقول
خشت ابراار بي صفرة فيها قهوة وحلويات
ابرار:شن جوك يا عروسة
احلام مسحت دموعها وابتسمت:الحمد الله
ابرار عطتها قهوة :نحس فيك صغيرة قداش مواليدك
احلام:واحد وتسعين 😊
ابرار:مش كبيرة خيرك واخدة عمي كبير عليك هلبا
عهد:خلاص تو بعدين اني نحكيلك
ابرار سكتت وقعدو يشربو في القهوة ويهدرزو