قرارات خاطئة 🌷

الحلقة 12

#قرارات_خاطئة⚘
🔥الحلقة الثانية عشر 12🔥

👑H e m o t k 👑

_____________

عهد راقدة علي السرير في المستشفى وراكبة في ايدها الكانيولة وفهد مقعمز علي الكرسي جنبها ومتكي راسه علي ايده
عهد:ما ما ما ما 😔
فهد ناض قعمز جنبها علي السرير وشدلها ايدها
عهد شبحتله :فهد
فهد: اني جنبك ارتاحي
عهد:متخلينيش ماعنديش حد غيرك انت بس تحبني 😫
فهد:ايي هادي شكلها تهتري
عهد:لما تشبحلي انت اني قلبي يبدا يدق لانك حلو
فهد ضحك وهوا يشبحلها قاملها خصلتها :به وشن تاني
عهد تشبحله:او و و
فهد :وشني عهد ادوي
عهد تشبح لي ايدها:حولها هادي خلاص نبي انروح
فهد:لا لا حولي خليها
عهد:باهي نبي امية اعطيني امية 🥺
فهد شبح جنبه لقي شيشة امية فتحتها وشربها منها
عهد:فهد
فهد :نعم
عهد:انت تحبني ولا؟ 😢
فهد ضحك : اي اكيد هي ارقدي 😅
عهد:باهي حتى اني نحبك خليك جنبي باهي
فهد يضحك:باهي قاعد اني ارقدي انتي غمضي عيونك هي 😂
عهد تبكي :اني نبي ماما 😭
فهد:استغفر الله وناض عدل تقعميزته جي جنبها ولف ايده عليها خلاص عهد غمضي عيونك وارقدي هي شوية وانوضو انروحو
عهد غمضت عيونها وهي قاعدة تبكي
فهد حط ايده علي جبهتها لقاها قاعدة سخونة :تي امالا لاش جايبها اني وجي بينوض عهد شداته
عهد :خليك خليك 😣
فهد:تي قاعد بنكلم الممرضة وانجي
عهد طلقاته :باهي متعطلش

فهد ناض طلع وهوا يضحك :هادي لازم تفيق كارثة كان بتقعد هكي مصطولة تهرلي الشكارة كلها وطلع كلم الممرضة ورجع تاني
جت الممرضة قاستلها حرارتها وحطتلها مضاد في الكانيولة وطلعت
وعهد مزالت مش فايقة وفهد قعد مقعمز جنبها لين خداها النوم ورقد جنبها حتى هوا

واول مازرقت الشمس طول عهد فتحت عيونها لقت روحها راقدة عند فهد وفهد متكي راسه عليها تحشمت وناضت بسرعة قعمزت
فهد لما هي تحركت فاق عدل تقعميزته وقعد يشبحلها
فهد:شن تحسي توا ومسلها جبهتها
عهد :الحمد الله سامحني تعبتك معاي وانت عندك خدمة
فهد قام تليفونه لقي مكالمات من امه ومقدام :امي اكيد انشغلت ماكلمناهاش واتصل بيها ردت طول

عائشة:ايواا ها فهد خيرك متردش ياولدي شغلتني
فهد:تليفوني كان صامت ما انتبهتش اهو عهد فاقت هي خلي يجي الدكتور وانشوفوه شن يقول
عائشة:باهي اعطيهالي
فهد مد لي عهد التليفون وناض للحمام
كلمت عهد عائشة وصكرت التليفون حطاته جنبها تلفتت لقت فهد يصلي قعدت تستنى فيه يكمل

سلم فهد وناض وقف
عهد:فهد قوللهم يحولوهالي هادي
فهد جي شافها :قاعدة معبية شكلها مركبينها الصبح
عهد :مش لازم منها خلاص معش فيها شي
فهد: هما ادرى قعمزي
عهد :اوووف 🙄 وخرت عدلت تقعميزتها
فهد اتصل بي مقدام شوية ورد عليه
مقدام وعيونه مصكرات:تحلم بياا مزال الوقت راه
فهد: صباح الخير اولا تانيا نوض صحصح
مقدام:تي شن في
فهد:برا بعدين للشركة بكري شوية وقوللهم اني مش جاي وخودلي الملفات اللي في مكتبي لونهم احمر روح بيهم للحوش اعطيهم لي امي تقيمهم
مقدام:لحظة بس علاش انت وين
فهد:في المستشفى من امس في الليل عهد مريضة
مقدام ناض قعمز:خيرها
فهد:حراراتها ارتفعت هلبا
مقدام:باهي في اما مستشفى
فهد:في ### اللي جنب الفندق اللي كنا فيه قبل
مقدام:مية مية عرفتها ماشي هي تشاو
صكر فهد الخط وتلفت لي عهد
فهد:اني بنمشي انكلم الدكتور خلي يجي يشوفك باهي
عهد هزت راسها
طلع فهد كلم الممرضات قالوله الدكتور بيمر علي المرضى الساعة 8