قرارات خاطئة 🌷

23

#قرارات_خاطئة💐

🔥الحلقة الثالثة والعشرين 23 🔥
👑H e m o t k 👑

علي اساس نبيها الاخيرة لاكن طولت الاحداث علي خاطركم
____________

عائشة:فهد تسمع فيا
فهد 😓😓
عائشة:فهد
فهد:جااي لاكن مش عارف انلحق ولا لا
عائشة:انت توكل علي ربي وتعلا وانشاء تلحق
فهد:تمام صكري اهو طالع

صكر فهد وخش لي مقدام
فهد :مقدام نوض توا لازم انروح
مقدام:خيرك شن في
علي : تي لا عاد عازمكم عندي ف الليل روح غدوا
فهد:جدي ف المستشفى يا نلحق يا لا
مقدام ناض وقف : انشاء الله خير شن صارله
فهد:امي قتلي نوبة قلبية
مقدام:باهي اطلع عي بسرعة
ناضو ولاد عم مقدام طلعو معاهم هما وعلي ومقدام وفهد طلعو روحو

كانت الساعة 5 لما طلعو من قدام الحوش وصلو قدام المستشفى اللي فيها بلقاسم السبعة الاربع

نزل فهد يجري من السيارة اتصل بي امه قالتله وين هما وخشلها

عائشة :فهد 🥺
فهد جاي طول حضن امه
عائشة تبكي :دخلووه للعملية ليهم ساعة داخل مزال ماحد طلع
فهد: انشاء الله خير خلاص شدي حيلك وتلفت لي مرت بلقاسم انشاء الله ربي ينوضه بسلامة

محسن ولد بلقاسم: وين كنت ياوفهد بوي طلب يشوفك هلبا
فهد: ماكنتش ف طرابلس كلمتني امي طلعت طول
محسن:ياريت تنسى اللي صار وتسامحه انت تعرف ان بوي يحبك هلبا ونص مرضه من تفكيره فيك صح الموضوع صاعب علينا كلنا لاكن اللي صار صار توا
فهد هز راسه وساكت

قعمز فهد جنب امه يستنو ف الدكتور يطلع وشوية وجاهم مقدام وهدا كله الدكتور مطلعش

_____________

مصطفى مقعمز ف الجنان يدخن يتصل بي فهد ميردش عليه
طفى السبسي وناض خش

اسلام :هياا امتى بنقصو الطورتا
مصطفى:تي قصوهالها خلي تريحلي راسي
سميرة:خلي تتعشى قبل اللطف
اسلام:اووف ياماما هلبا تشحوري فينا
سميرة ضحكت : اني انشحور فيكم توا يا معفنة
مصطفى ضحك عليها وخش قعمز ف وسط الحوش

امال:مصطفى
مصطفى :نعم
امال :قتلك علي وعد حولتوها من الكتيب ولا مزال
مصطفى:لا مزال لما بنرفع الكتيب بنرد عهد وبنحول وعد تبي يوم واني فاضي باش نمشي الصبح بكري

شوية وشرين تليفونه رد

مصطفى:ها ياولدي خيرك متردش شغلتني
فهد:سامحني مقدرتش انرد اني ف المستشفى مالياش ربع ساعة كيف واصل
مصطفى:شن ادير ف المستشفى خيرك مش قتلي بتبات غادي
فهد :جدي ف العناية جاته نوبة قلبية كلمتني امي وقتلي يبي يشوفني جيبت طول
مصطفى:لا حول ولا قوة الا بالله شن حاله توا به
فهد:قاعد ف العمليات مطلعش
مصطفى:في اما مستشفى انتو باهي اهو جاي اني هي صكر مصطفى التليفون وناض وقف
امال:خيرا مني مريض
مصطفى :بلقاسم خال عايشة قال جاته نوبة قلبية
امال:مسكينة عيشة كان تطرا في حاجة تهبل شبه بوها هوا رباها من هي صغيرة
مصطفى مشي طلع
سميرة:وين مشي هدا توا
امال:خال عائشة ف المستشفى ماشي لي فهد
سميرة:ماشي لي فهد اي صدقت حتى اني 😒 وخشت للكوجينة
امال ضحكت:اضحك سميرة