قرارات خاطئة 🌷

18

#قرارات_خاطئة🌼
🔥الحلقة الثامنة عشر 18 🔥

👑H e m o t k 👑

________________

فهد وخر طوول وقعد يضعط علي الجهاز باش الممرضة تجييه
حس ان الاكسجين هرب مرة وحدة بدي يكح ويشهق
خشت الممرضة تجري وصكرت الباب

الممرضة:قعمز قعمز
فهد قعمز علي السرير والممرضة ركبتله الاكسجين وقواته شوية
فهد يستنشق فيه بلقوة ومغمض عيونه
الممرضة :اسند ظهرك التاني لازم تكون راقد
فهد حط راسه علي المخدة وساوة روحه
الممرضة :اني بنكلم الدكتور ايجي يكشف عليك انت متخولش الاكسجين بكل
ومشت طلعت المنرضة وفقهد مستغرب شن اللي صاير معاه

_________

مقدام :خلااص يا خالتي عائشة تو اني انكلمه والله لما يندم اني نعرف بدات معاك انتي مايقدرش يكسر بخاطرك
عائشة:ولدي ضاع مني يا مقدام ضااع ماكنتش نحساب هكي بيصير اني فلت ولدي حيتفهم امه ويوقف معاي مشي اختار بوه وانسااني اني كيف يقدر هكي كيف
مقدام :هاك اشربي امية وامسحي دمووعك بس
بلقاسم :هياا يابنتي تعالي معاي هدي روحك
عائشة:فهد يا خالي قاعد مريض اني مانقدرش انخليه هني بروحه ياسر اليومين اللي فاتو
بلقاسم : مستحيل انخليك هني بروحك
مقدام:بري حتى اني معش انبات هني فهد حاله كويس صدقيني و اني حنقنعه ان يسامحك ويكلمك انتي روحي للحوش بس
عائشة سكتت وحطت راسها لوطة
بلقاسم:هياا قدامي هياا

طلعت عائشة هي وخالها روحو ومقدام رجع لي فهد
خش لقي عنده الدكتور وفهد راقد وحاطيله اكسجين
مقدام :شن في دكتور خيرا
الدكتور شاد الصور اللي داروهم لي فهد علي صدره
الدكتور:صور الصدر نضيفة وشافهم الدكتور المختص قبلي لاكن صور اللي علي الرئة هما اللي مش تمام عندك صربة قوية علي الرئة مسببتلك رضة او تجلط دم وهي اللي تخلي فيك مش قادر تتنفس وبلاخص لما تنفعل
فهد حول الاكسجين: شن الحل به
الدكتور:في علاج للموضوع هدا لاكن قبل كل شي لازم المحافظة انت مدخن صح ؟
فهد :اي اندخن
الدكتور:هدي اول حاجة لازم تسيبها تاني حاجة الصوت العالي والاعصاب مش لي صالحك بكل لازم اتكون متحكم في اعصاابك ونقص التوتر مع العلاج حتكون امورك مية مية
مقدام يشبح بي فهد ومتعفلق
الدكتور :حنخليهم يكتبولك علاجك كله ويسلمهولك يوم اللي بتطلع انشاء الله لاباس
مقدام :ميوريك باس
طلع الدكتور ووراه الممرضة
مقدام:ارتحت تواا
فهد:مانبيش نتكمل ورد الاكسجين
مقدام:تي امك هادي يااراجل مها داارت امك حتى كان سحارة ولا قاتلة امك ميجيش تكلمها هكي تي انت اكتر واحد عارفة فيسع ماتمرض وماتتحملش كيف تهون عليك هكي كيف
فهد:حتى اني هنت عليها
مقدام ضحك بهزوة:لا لا مستحيل انت فهد اللي نعرفه اللي مايرضاش في امه حتى كلمة مستحيل
فهد :فهد الاول مات ف الحادث فهد الجديد اللي قدامك توا اني معش بنسكت لي حد وبنعامل بلمثل
مقدام تعفلق منه فتح الباب وطلع