قرارات خاطئة 🌷

الحلقة7

#قرارات_خاطئة❤
🔥الحلقة السابعة7 🔥

👑H e m o t k 👑

هي بحبحو درتلكم حلقة طويلة 😁
______________

عائشة:مدت لي فهد التليفون
فهد:شن هوا اللي كلمك عليه غيرلك وجهك هكي ااه ؟
عائشة:ااه لا عادي وجهي متغيرش غير تعبت بس
فهد:باهي شن هوا اللي قلتي خلي ياخده ومن خوا
عائشة:تي موضوع ورت ولد خالتي الله يرحمها داير عليه العار قتله خلي ياخده
فهد:اااه باهي هي اتنوضي انروحو ولا نقعدو مقعمزين هني
عائشة:زي ماتبو
مقدام:لا لا مدام اليوم عطلة خلينا هني تو نمشي انجيب قهوة وحاجة حلوا خليكم
علي :تعالا نمشي معاك هي

_______________

في حوش مصطفى

مقعمزة امال تفطر هي وسميرة وابرار و وعد راقدين

اسلام:كلميها توا يا ماما نبي انكلمها
سميرة:من غير دلع وين بنلقاهالك اني ماعنديش نت
امال:بري لي بوك ياا حنة هوا اللي عنده النت حتى اني من نهار روحت عويشة معش كلمتها
سميرة:بري اهونا بوك مقعمز برا
مشت اسلام طلعت لي بوها برا
اسلام:بابا
مصطفى :نعم يا بنتي
اسلام:بابا اتصل بي عهد نبي انكلمها
مصطفى:وين بنلقاهالك عهد اني ماعنديش نت
اسلام تبكي:لا لا عندك نبي توا توا كلمها
مصطفى:اووف باهي هاك التليفون اعطيه لي امك قوليلها كلموها فييسع
اسلام خدت التليفون وخشت تجري :ياا ماما هاك سييفع بابا قال كلموها سيفع
امال خدت التليفون هاك يا ايات اكتبي رقم عهد كان حافظتيه
ايات:اكيد بابا مخزنه وكتبت اسم عهد مطلع شي كتبت رقمها واتصلو بيها علي الفايبر

عهد متنكدة من موضوعها وشاغل بالها ان كان طلع يزن من جماعت الشواذ شن بدير وكيف بتتصرف كيف بترجع لي ليبيا معش عرفت شن ادير
شرين تليفونها لقاته رقم خالها فتحت الخط وقعدت ساكتة
اسلام:الوو عهد
عهد:اسوو حبيبتي شن الجوو
اسلام:حمدالله شن جوك انتي
عهد:كويسة شن اديرو
اسلام:مقعمزين نتغدو واني قتلهم بنكلم عهد تواا
امال:نفطرو مش نتغدو
اسلام:المهم توا امتى بتجي انتي
عهد ضحكت: خلي انجدد جوازي واني باهي
اسلام:كيف تجددي زوازك يعني بتتزوجي واحد تاني
عهد : ههههههه لا لا جواز سفر
اسلام:اي اي عرفته اللي درنا عركة لما خشينا بنصورو ولا
عهد:ايوااه😂 وين ماما
اسلام عطت لي امال التلييفون وقعدو يهدرزو عليها وكل مرة تكلمها وحدة لين جي مصطفى قاللهم هاتو التليفون

______________

فات الوقت وجت العشية

ناض يزن من النووم راسه زي السطل خش دوش وطلع غير حوايجه وفتح باب الحوش وطلع

عهد طول خدت دجاكتها ومفتاح الحوش ومشت وراه منغير ماينتبه

وقف علي محل خدي باكو دخان وطلع وهي وراه علي الدعسة
وقعدو يمشو مساافة لين وصل قدام جردينة كلها طاولات وكراسي ومزينة والواضح ان في عرس خش يزن وسلم علي واحد واقف اول واحد ومدله شكلاطة