قرارات خاطئة 🌷

الحلقة 9

#قرارات_خاطئة🌹
🔥الحلقة التاسعة 9 🔥

👑H e m o t k 👑

____________

فهد :مقدام دخلها لي امي بالله وولع سبسي ومشي

خشت جنات مع عهد وعائشة فرحت ان عهد وافقت تقعد عندها وبعدها ادن المغرب ناضتو صلو وخشو يديرو في عشي مع بعضم

جنات:صرلي زمان ماحسيت بلأجواء العائلية فرحت كتير عنجد
عائشة: حتى اني ديما خاطري يكونو عندي بنيات يعاونوني وربي معطانيش الا وليد واحد
عهد:قصدك ماعندكش الا ولد بس
عائشة :وليد واحد وكان متزوج وتوا بيطلق
جنات :لييش ؟ احمم بعتزر انا فضولية كتير
عائشة: ماكانتش بنت اصل مع ان ديمة ندعيلها ربي يهديها ومع هدا العافن يقعد ديمة عافن
طقطق باب الحوش
عائشة:افتحي الباب هدا اكيد فهد
عهد :اااه ااء به حاضر ومشت فتحت الباب لقاته فهد
فهد:امي وين
عهد:ف في الكوجينة
فهد خش وصكر الباب وعهد ولت للكوجينة
مشي فهد خدي دوا امه عد الحبوب لقاهم مش ناقصات مشالها
فهد:امي
عائشة تلفتت :نعم يما
فهد وراها الدوا :مخديتيشي ولا
عائشة ابتسمت :انسيته
فهد:اني ديمة انقولك امري الدوا بصلاة المغرب
عائشة:باهي جيبها تو ناخدها
مدلها فهد الحبة وعطاها طاسة امية
فهد:اهيا الحبة الصفرة تاخديها الساعة12 تفكريها مش تنسي ديري منبه في تليفونك
عائشة: باهي خاضر
فهد:اني تو انزيد نتصل بيك
عهد:مش لازم تتصل بيها اني اليوم بنروح مع جنات والصبح انجيكم
عائشة:لا لا اني حلفت وماعنديش جهد انصيم اني قلت مش حتطلعي من هني الا وانتي راكبة الطيارة بتمشي لي امك
عهد:ضحكت:باهي حاضر خلاص
فهد:قرارات امي اقوا من قرارات الاتحاد السوفييتي
عائشة:قراراتي ديمة صح اني
فهد باسلها راسها:هي اني طلع
عائشة:باهي تو اني نبعتلكم عشاكم
فهد وهوا ماشي :باهي تو يجيك مقدام
جنات نخصت عهد وعهد شبحتلها
جنات:علي فكرة ماكنت بعرف الليبين حلوين هيك
عهد ضحكت

جنات:جنتل مان كتير
عهد فنصت فيها :اشش تو تسمعنا
عائشة:عطيني الملح من جنبك ترا
عهد:هي

كملو تطيب العشي وبعتو للولاد عشاهم وتعشو هما وبعدين ناضت جنات بتروح سلمت علي عهد وعلي عائشة وطلعت قتلهم تو انجيكم قبل طيارتي
صكرت عهد الباب ورجعت جنب عائشة
عائشة:اااء قوليلي انتي امبكري قلتي انكم عايشين في حوش جدك مع خالك ااء بوك متوفي ؟
عهد:منعرفش لو كان متوفي ولا لا نعرف ان نضنا الصبح معش لقينااه
عائشة:كيف ؟

انفتح الباب وخش فهد
عائشة شبحتله
فهد:بناخد حوايجي وطالع وخش للدار

عائشة:اي كيف ملقيتوشي
عهد :بابا كان يخدم في الصحرة زمان يقعد خمسطاش اليوم غادي وخمسطاش معانا و في يوم نضنا الصبح ملقينااشي ولما نسألو في ماما اتقول اكيد رجع لي خدمته مع انه كان ليه يومين بس مروح بعدها قعدنا نتصلو بي صحابه اللي يخدمو معاها يقولو ماجاش وسألنا كل اقاربه يقولو ماريناشي وهداكا يوم وهدا يوم معش لا ريناه ولا سمعنا عليه شي مشينا لي حوش جدي وين ماساكن خالي وقعدنا معاه
عائشة:ومرت خالك شن اسمها
عهد:سميرة
عائشة: في عقلها من سميرة هادي غريبة مخداش سليمة اللي دارت حالة عليه