قرارات خاطئة 🌷

الحلقة2

#قرارات_خاطئة📝
🔥الحلقة الثانية 2🔥

👑H e m o t k👑

_______________

عائشة ورااه :لااا ياافهد لااا يااولدي مدييرش هكي اني الغالطة مش هي اني
فهد:اسكتي يمااا معش اداافعي علييها اسكتييييي سمعت كل شي كل شي 😡😡 وشاد فدوى ويهبك فيهاا وين ماايجي وهي ترك فيه بواااصي
فهد قاملها راسها من شعرها وشبحلها :امييي تحطيها تاج علي رااسك تسمعي فيااا مش امي اني اللي اتكلميهااا هكييييي وعطااها كف وقاملها وجها تاني 😡
فدوى:اس اسمعني 😭 انت فاااهم غلط والله فاااهم غلط اا اني 😭..
فهد :ضمي فمكككككك اسكتييييي اسسسكتيييي ويضرب فيها وجبدها من شعرها حطها في الدار وسكر عليها بلمفتاح وهي تقربع وتعيط

فهد شبح لي امه ومشي باسها من راسها :سامحيني يماا وباسلها ايدها ساامحيني لانك تسمعي منها في كلام زي هدا كل يوم واني غاافل سامحيني
عائشة:شن دخلك انت يااولدي كله مني اني اني اللي خديتهالك هدا علاش كنت ساكتة ومتحملة نتيجة غلطي انت اللي سامحني ياا ولدي لانك متحملها علي خاطري
فهد:وعد يما وعد مش حنطلقها لين انخليها اتكون تحتك زي الشغالة وتطلب منك الرضي
عائشة :رد بالك راهو ابغض الحلال عند الله الطلاق ماتغلطش اعطيها فرصة مرات تتغير
فهد:تي فرصة شني يماا فرضة شني تي هادي زي البهيمة حشاك ماتربتش في حوش اماليها ولا خطمت عليها
عائشة شبحت لوطة وسكتت :ب باهي شن الكلام اللي قالته عليك حق ولا تكدب
فهد:يما اني مااانبيش صغار من وحدة زي هادي مانبيش صغاري يطلعو يشبهولها عاجبك اسلوبها عاجبك ربايتها راهو ساكت علي خاطرك انتي بس راه
عائشة :لاكن يا ولدي ...

فهد: خلاص تم المووضوع ..... اني قااعد اليوم مش طالع مش مخليك معاها
عائشة: لا برا لي خدمتك يا ولدي برا متخافش عليا
فهد:اصلا اني اليوم مامشيتش بكل وقتلكم متغدي برا بلعاني باش نكبس عليها
عائشة:ربي يهديك
فهد:اامين هي تعالي قعمزي توا واني انديرلك شن تبي
عائشة: باهي حطلي كرسي في الكوجينة واني انقولك شن ادير

__________

الساعة 3:30

مصطفى متكي في وسط الحوش يتفرج علي التلفزيوم ويشرب في الشاهي وامال وسميرة جنبه واسلام تلعب بي تليفون بوها

اسلام:بابا
مصطفى:نعم يابنتي
اسلام:اني نبي ايباد بروحي معش نبي انشحت منك
مصطفى ضحك :تي منين جبتيها الكلمة يا ملوية اللسان اااه ؟
اسلام:نعرف اني كبيرة راه مش صغيرة
مصطفى: تي صبية بنتي امالا شني
اسلام:باهي خلاص معناها نبي ايباد
مصطفى:حاضر ناخدلك
سكت مصطفى وسرح بلموضوع اللي ديمة شاغل باله وتنهد :وين ديااارك وين ياريت نسمع عليك اي خبر زعمة حية ولا ميتة
اسلام:بابا
مصطفى شبحلها
اسلام:ماما قتلي بنطلعو اليوم بنشرو فيلو لي عيوشة حقاا
مصطفى شبح لي سميرة :بتطلعو اليوم ؟
سميرة غمزتله:ااي ااي كان سلتت شعرها بنطلعو اليوم
اسلام:تي سلته امبكري
مصطفى: كان تبو تطلعو اليوم انطلعكم خلي البنت توازي براحتها باش بعدين تفضى للمواضيع التانية
سميرة:باهي عادي
مصطفى:باهي انصلي العصر ونطلعو
سميرة:بري قولي لي اختك هي
ناضت اسلام تجري
مصطفى ناض طلع من جنبهم