قرارات خاطئة 🌷

19

#قرارات_خاطئة🌼
الحلقة التاسعة عشر 19

👑H e m o t k 👑
_________________

مقدام كان مقعمز ف السيارة وشاد تليفونه يلهي في روحه لين يجي فهد
شرين تليفونه لقاه رقم رد
مقدام:ايواا ... الووو

فادي :الوو معاي مقدام عيسى
مقدام:انشاء الله تفضل
فادي :كيف حالك شن اخبارك
مقدام:الحمد الله تمام
فادي:اني اسمي فادي بعتني ليك ايوب ولد جيرانكم انشاء الله متقصرش معاي
مقدام : اهلين بيك انشاء الله كان نقدر ادلل
فادي :اني قاري تمريض والحق لا توا ماحصلتش خدمة ياريت كان في كيف نبي نخدم عندكم ف العيادة
مقدام:والله اني العيادة ماليا علاقة بيها الموضوع عند عمي وولده حتى بوي شريك معاهم بس لاكن حنكلمهم ولا يهمك شن قتلي اسمك
فادي:فادي ال ###
مقدام:تمام انشوف وانكلمك
فادي: بارك الله فيك ياريت ماتنسانيش
مقدام:اكيد متفكرك انشاء الله

طلع فهد ومصطفى وراه ركب ف السيارة مع مقدام ومشوو

مقدام:شني تعرفت علي العيلة
فهد: اتصدق ان طلعت اني الولد الوحيد ف العيلة
مقدام:عميقة هدي لا شيت تو بتحصل فيهم كلهم
فهد:لا نحصل فيهم لا يحصلو فيا ....اسمع حطني ف الورشة بنشوف السيارة
مقدام:سيارتك معش تتصلح يا غالي بيعها رابش
فهد:الله غالب عليا
مقدام:حتى اني قاعد انهز بلا سيارة هادي متع مهيار داير علي خاطرها العار
فهد :سيارتك مليحة علاش بعتها
مقدام:تي فددتني ديمة واقفة قداش من التصليح
فهد:هات تليفونك ترا
مقدام مدهولك
فهد اتصل بي امه
عائشة:ايواا
فهد :ها امي وصلتي
عائشة:ها فهودي اي وصلنا بكري
فهد :باهي اسمعي عندك رقم عهد
عائشة :اي عندي تبيه
فهد :لا لا اتصلي بيها شوفيها خيرها نسمع في اختها اتقول مريضة شوفيها وكلميني توا
عائشة:ربي يصبرني عليك ادير في عمللل
فهد :غير هيا يما توا شوفيها وكلميني
عائشة:باهي صكر هي
مقدام:وخيرك متكلمهاش انت بينقص منك
فهد:فوتني مقدام
___________

امال مقعمزة جنب عهد: نوضي وراس بنتي تغدي مش باهي اللي اديري فيه راه والله ماهو باهي

عهد:ماعنديش نية يا ماما بنرقد
امال:تي امتى نضتي انتي يا همي امتى
عهد:خلاص خلووني تربحوو خلووني
امال ناضت وقفت :ربي يهديك اني عيت فيك
وعد:خلاص خليها توا
امال طلعت وصكرت الباب
ايات:عهد يا غبية مفروض ماتبينيلاش ان هوا مهم لدرجة هادي شوفي هوا كيف مخلي روحه عادي نوضي يا غبية بدلي وتحركي ومكيجي وخليه يشوفك ان انتي مش معدلة عليه واحرقيه يا حمارة
عهد غامة وجهها وراقدة
وعد قعمزت جنبهم علي السرير:اي صح نوضي انخططو كيف نحرقوه بدل ما انتي مقعمزة تتبكي هكي خليه ينقهر وتعرفو خطرت علي بالي فكرة جهنميية نووضي انقولهالك نووضي
عهد حولت الغطى ونااضت قعمزت :شني قولي
شرين تليفونها
ايات: هادي ام فهد
عهد ردت:ايواا
عائشة:اهلين بنتي كيف حالك توا
عهد:الحمد الله بخير
عائشة:قالولي مريضة شن حالك
عهد :لا مني قالك مش مريضة عادي
عائشة ضحكت :هدا فهد غير متقوليش خليها بيناتنا توا كلمني وقالي عهد مريضة كلميها واتصلي بيا طمنيني
عهد ضحكت ومسحت دموعها :ماهو ماما ووعد يسحابوني مريضة واني مرهقة شوية بس
عائشة:اي هوا سمع اختك تدوي اتصل بيا توا
عهد :علي اساس انشغل يعني قوليله مافيها شي
عائشة ضحكت:باهي هي انشاء الله مافيك سو بسلامة
عهد:بسلامة وصكرت
وعد ضحكت:نجحت خططتي يعني
عهد:شن قلتي قدامه يخرا
وعد:قلت لي ماما عهد مريضة
عهد:مبردك قديمة الحركات هادي
وعد :خليه ينشغل يستاهل
خشت ابرار للدار :باهي اللي قاللهم عمي هيا وروحو درهولي كبدي ولو شلالات
وعد:ركزي معاي شن بنديرو توا ونفدي بلحرف