ملحوظة هامة.. المنعطف الآخر اللي كنت أقول ان الأحداث هتاخده نقدر نعتبر بدايته من ذا الفصل...
.
إن أعجبكم الفصل..
أرجو منكم التصويت والتعليق على الفقرات...
.
.
.
.
• • • •
#لجي:
”مدري إذا أنا الوحيد اللي أذكر أول يوم لي في أولى ابتدائي...
أذكر وقتها ان أغلب الأولاد في الحوش كانوا يبكوا لما راحوا آباءهم وسابوهم، إلا أنا جالس بهدوء تام وآكل من التوزيعات اللي وزعوها علينا..
يمكن عشان كنت متعوّد على الجو بسبب الروضة؟، بس لحظه في كثير أعرفهم كانوا معاي في الروضة فليه يبكوا المفروض متعودين بعد؟!، ما علينا..
لما جلسنا في الفصل كان جالس قدامي ولد أطول منّي ومتين وما أشوف السبورة منّه.. ظل كذا الوضع لمدة أسبوع بعدين اشتكيت للإستاذ وغيّر أماكنّا خلاني أنا مكانه وهو مكاني.. وقتها الولد عصّب وجا يبغى يضارب معاي في الفسحة.. أنا الصراحه فكّرت انّي أخرج من الموضوع بهدوء وما أسوي مشاكل لكن بعدين قلت لنفسي أن ذا الولد تقريبًا في نفس سني وكمان الفرق في الطول بيني وبينه كام سانتي متر مو زي "سعد" اللي يمكن فرق الطول بيننا متر أو أكثر ويستغل ذا الشيء.. يمكن قررت وقتها أطلّع غيظي من "سعد" في ذا الولد، وكنت فخور وقتها اني قدرت أردله كل ضربه بمثلها أو يمكن أسوء منها..
ذي كانت أوّل مضاربة بيني وبين "بندر".. ومن وقتها لين صف رابع ما اتوقّفت المضاربات بيني وبينه هو وسعات يدخّل ناس تانين..
أوقات كانت تنتهي المهاوشة بدون ما يدري المدير وذا إذا تدخّل "أحمد" وقدر بمعجزه يفكنا عن بعض..
وأوقات توصل لإصابات بليغة زي المرة اللي انكسر فيها ذراعي“.
• • • •
”انتهى فينا الأمر واقفين قدّام المدير في مكتبه، أنا و "بندر".. و "أحمد" المسكين حاول يفك بيننا ودخل في السالفة..“.
المدير 'بحدة': دحين أنا أبغا أفهم إيش السالفة؟، يعني الأخ "بندر" متعودين عليه وانه راعي مشاكل المدرسة، لكن انتوا الأثنين صدمتوني.. انت يا "أحمد" كل المعلمين يشكرون فيك وفي أخلاقك ومستواك الدراسي..
لجي: "أحمد" ماله دخل هو بس حاول يفك بيننا..
المدير: وانت يا "لجي" اليوم أول يوم لك، توّك تقول بسم اللّه..!
لجي: أعتذر وأوعدك ما بيتكرر ذا الشيء...
”أحاول بكل الطرق انّي ما أخلّيه يدخّل أبوي في الموضوع.. والحمد للّه بعد كام كلمة المدير قال لي أنا و "أحمد" انه حيتغاضى عن الموضوع عشان أول مرّه.. أما "بندر" فما ندري عنّه خرجنا وتركناه عند المدير..“.
أحمد 'بتعجّب': إيش صار بالضبط؟!، أنا جيت من تحت فجأه لقيتكم مكفخين بعض..!
لجي 'بضيق': ياخي ذا الإنسان مريض وربي هو من نفسه كذا جا يبغى يتهاوش.. منجد مريض..
أحمد: أسمع، ترا "بندر" طيب هو مشكلته بس انه يحب يظهر نفسه بس بشكل سلبي..
أنت تقرأ
لُجَيْ | عاميّة سعودية
قصص عامة" حياتي عباره عن ماضي كاذب، حاضر مرير، مستقبل مخيف... " . . الرواية عفوية بشكل كبير، ويمكن أكثر تصنيف يمثلها هو "شريحة من الحياة".. ولكنها أكيد لن تخلوا من الأحداث والمواقف الصادمة.. ملحوظه: مع تدرج الأحداث ستطرؤ بعض السوداوية على الرواية.. . (الروا...
