لُجَيْ | عاميّة سعودية

«١٧»

.
السلام عليكم🌺
.

حسابي عالانستا للحابب يتابعني❤
yoka.2001
بفكر أخلي في حلقة وصل بين حساب الانستا وحساب الواتباد..🚶
.

إن أعجبكم الفصل..
أرجو منكم التصويت★ والتعليق على الفقرات...
.
.
.
.

• • • •

#لُجَيْ:

"المصايب تعد من المسلّمات.... ان لازم يعني في حياتك تصادفك مصايب مع تفاوت عددها وحجمها وحلولها...

الشيء اللي يقهر لمّن تعيش فترة بسلام بدون مصايب تُذكر وفجأة كذا مرّه وحده وبدون أي مقدمات تحل عليك كل المصايب اللي في الدنيا دفعه وحدة..!

إيش أسوأ مصيبه ممكن تحل على الإنسان؟.. فقد أو مرض أو ضعف أو ظلم؟
واللّه عن نفسي مدري، يمكن يحتاجلي أفتّش بين مصايبي عشان أعرف الإجابة....".

• • • •

"نظراتهم يوم انتبهوا علي وأنا واقف قدّام الباب خوّفتني...!
خصوصًا نظرات ذاك الشرطي اللي يطالعني من فوق لتحت...".

الشرطي: هذا مين؟
سعد: أخونا "لُجي"...
الشرطي: ساكن معاكم هنا؟
سعد: إيوه...

"رجع الشرطي يناظرني بحدة بعدين شال نظره عني مطنشني...
وفي نفس الوقت خرج أكثر من خمس ضباط من أكثر من غرفة في الشقة بشكل فجعني..!".

ضابط: ما لقينا شيء...
الشرطي: في وحده ثانيه من شقككم ما فتّشناها؟

"لحظه تفتيش إيش؟!.. إيش قاعد يصير؟!".

حمد: في شقة زوجة أبوي في الدور اللي فوق، بس هي حامل وتعبانه فما تقدر تتحرّك عشان.....
الشرطي 'يقاطعه بحزم': مو شغلي، خلّيها تتغطى.. لازم نفتش كل مكان اتواجد فيه المدعو "فهد عبد الملك"...

"لحظه إيش يعني لازم يفتشوا كل مكان يخص أبوي؟!.. ليش طيّب؟!.."

- هيي انت..

"خرّجني من تفكيري الشرطي اللي وجّه كلامه لي..".

لجي 'بتوتر': أنا؟!
الشرطي: ايوه انت.. روح لزوجة أبوك خلّيها تتغطى عشان نفتش شقتها.. يلا اتحرّك..

"أسلوبه خلاّني غصب عني أنفّذ كلامه بدون ما أفهم حتى إيش قاعد يصير...

الوضع جدًا يخوّف..!

طلعت السلالم وأنا أحاول أربط الأمور ببعضها... معنى انهم يفتشوا كل شقق أبوي وحاليّا هم في شقة "سعد" ذا معناه انهم فتشوا شقة أمي اللّه يرحمها.. يعني ذيك الفوضى كانت بسببهم؟!، طيّب ليش كذا يعني هم يفتشوا ولا يخربوا؟!.. على إيش يفتشوا من الأساس؟!