لُجَيْ | عاميّة سعودية

«١٢»

.
ممكن الفترة الجاية أنشغل عشان عندي اختبارات عملي..
بس برده بحاول أنزّل بقدر المستطاع..

.
.
إن أعجبكم الفصل..
أرجو التصويت★ والتعليق على الفقرات..
.
.
.
.

• • • •

#لجي:

"فكرة انك..... ياخي مو بحالي أعبّر؛ خلاص مافي بداية...."

• • • •

"لمتى كنت بهرب يعني؟، ولوين؟!
ذي الاستراحة أنا مدري وين موقعها بالضبط وخرجت منها وأنا مو داري وين بروح ولا إيش بسوّي.. أصلًا مو بحالي أسوّي أي شيء...

بإرادتي وقفت عن الركض وضلّيت واقف بمكاني لين ما وصلي الشرطي كأني أقول "يلا عادي امسكني ما عاد فرقت..! ".
رغم اني داري انه بتصير مصايب بعد ذي السالفة..

بدايتها في مركز الشرطة شكوا اني شارب شيء؛ لأن ريحتي دخان أصلًا بسبب أن الغرفة اللي كانوا فيها الشباب ريحتها كلها دخان..
وأصلًا أسلوبي المفهي واني كنت بره البيت في ذا الوقت، ذا كان كافي بالنسبه لهم عشان يحتجزوني ويطلبوا رقم ولي أمري..

صراحة عطيتهم الرقم بدون نقاش ولا حاولت أدافع عن نفسي ولا أوضّح..
ليه؟!، مب حالي..!

ضليت جالس على كرسي قدام مكتب الشرطي وهو قاعد يعطيني محاضرات في الأخلاق ومواعظ وغيره، وأنا بس منزّل راسي وقاعد أسمعله ولا قلت شيء..
ساعتين ثلاثة وسمعنا طرق على باب المكتب، ولما سمح له الشرطي بالدخول دخل.. زي ما توقعت، كان أبوي.. أكيد جا طيران..".

فهد: السلام عليكم..
الشرطي: وعليكم السلام، أستاذ "فهد"؟
فهد: ايوه..
الشرطي: اتفضل أجلس..

"اتقدّم أبوي وجلس على الكرسي الثاني اللي قدام المكتب وصار مقابل لي مباشرة، وطول الوقت وهو يناظرني بنظرات مستفسرة...
شكلهم استدعوه وما علّموه السالفه كاملة..".

فهد 'بتعجب': إيش فيه؟، سألتكم قلتوا يفضل تدري لما تجي.. إيش سوّى "لجي"؟!

"كل خير يا أبويا..! ".

الشرطي 'بتنهيدة': استاذ "فهد" أكيد حضرتك تدري ان سن المراهقة سن خطر، والشباب في ذا السن لازم يكون عليهم رقابة مشددة شوي...

"بكلامه ذا بيخلي أبويا يشك اني صرت تاجر مخدرات..!".

فهد 'بعدم فهم': إيش صار بالضبط ممكن تشرحلي؟!
الشرطي: في ضابط شاف ابنك يمشي في شارع فاضي وكان واضح عليه انه مو طبيعي ومفهي، ولما وقّفه الضابط وحاول يفهم منه إيش فيه ركض في محاولة منه انه يهرب من الضابط.. بس شكله كذا حس انه بينمسك فوقف...