لُجَيْ | عاميّة سعودية

«١٠»

دا يعد أطول فصل كتبته مقارنة بكل اللي قبله..
.

إن أعجبكم الفصل..
أرجو منكم التصويت والتعليق على الفقرات...
.
.
.
.

•  •  •  •

#لجي:

”بعض الأمور تكون في قمة السخرية...!

قد ايش شعور يقهر انك تنولد وبدل ما تحصل على الاهتمام والعناية من أمك تحصلهم من وحده ثانية لأن أمك تعبانه وما تقدر تهتم فيك...

دائمًا كانت حولي وأكيد انها كانت مقهوره لأنها أم ومو قادره تهتم بطفلها الأول بسبب حالتها الصحية، وهي تشوف طفلها يبكي ووحده ثانيه تسكته لأن هي تعبانه، وان وحده ثانيه ترضع ابنها ومو هي اللي تضمّه لصدرها وتشوف عيونه وهو يناظرها وينام بين يدينها بهدوء..

كانت تشوفني أكبر قدامه، بس مو هي اللي كانت تعطيني العناية اللازمة عشان أكبر بشكل صحي...
وأنا كنت أشوفها قدامي وأدري انها أمّي، بس كنت أحصّل الإهتمام من وحده ثانية لين سن معيّن...

مو أنا لحالي اللي انحرمت من حنان الأم.. هي بعد انحرمت من شعور الأمومة..

وبعد كل ذا الحرمان عشان صحتها تموت بسبب خطأ؟!.. ذا هو اللي منجد أمر من الأمور اللي في قمة السخرية..“.

•  •  •  •

”من قبل ما أوصل الرياض قررت اني ما بدخل غرفة أمّي؛ عشان ما أقلّب على نفسي المواجع وأزيد من الذكريات اللي من أوّل ما داست رجلي أرض الديرة وهي مو تاركتني في حالي...

لكن أوّل شيء سويته بعد رجعتي من المقهى هو اني دخلت غرفتها وفتحت أدراجها وخرّجت كل اللي باقي من أدويتها اللي كانت تاخذها في الفترة الأخيرة..

لازم أتأكد، أكيد لازم.. يمكن في خطأ.. يمكن أبو "سالم" غلطان.. يمكن "سالم" فاهم غلط.. يمكن الموضوع أصلًا كذب...!

أخذت كل الأدوية اللي حصّلتها ومرّيت على أوّل صيدليّة شفتها في طريقي وقرّرت أسأل الصيدلي...
الأدوية كانت عبارة عن ثلاث علب كل علبة فيها شوية حبوب...“.

الصيدلي 'وهو يطالع العلب': ذي الأدوية كلها تنوصف لمرضى القلب..

”طيب إيش؟!..
بدأت أرتاح.. شكل الموضوع كذبه..!
بس لازم أكون أكثر دقّة..“.

لجي: ممكن تشوف الأدوية اللي جوا العلب؟
الصيدلي: حاضر..

”أخذ الصيدلي يفتح العلب علبة علبة ويطلّع حبّه من كل علبة ويناظر فيهم بتمعّن.. شكله كان مستمتع وهو يسوي شغله وكأنه زي اللعب بالنسباله... شوي وشفت علامات الدهشة على وجهه..