السلام عليكم🌺
.
.
إن أعجبكم الفصل..
أرجو منكم التصويت★ والتعليق على الفقرات :)
.
.
.
• • • •
#لجي:
”الدنيا مليانه مصايب.. مصايب أشكال وألوان..
منها اللي يضحّك.. منها اللي يبكي.. منها اللي يخليك تعجز عن التعبير...
في جملة شهيرة تقول "اللي يشوف مصايب غيره تهون عليه مصيبته"..
طيب اللي يشوف مصايب غيره ويحس مصيبته أسوأ، إيش وضعه؟! “
• • • •
”راح "أحمد" يفتح الباب، ولما فتحه ظهرت من وراه بنوته صغيرة شعرها أسود قصير وتناظرنا بعيونها العسلية البريئة...“.
بندر 'بسعادة': سندوستي يا زينهاااا...
”ضحكت البنت و علطول راحت ل"بندر" و حضنته..
كانت مره قصيرة مقارنة به فهو نزل على ركبه عشان يصير بطولها وحضنها...“.
لجي 'بابتسامة': مين الأمورة؟
”ناظرتني البنت بطرف عيونها وهي مازالت في حضن "بندر" بعد ما جلس على الأرض وجلّسها على رجوله... كانت متشبثه فيه و تناظرني بحذر، أكيد عشان مو متعودة على شكلي..“.
بندر: يلا سندوستي قوليله إسمك..
البنت 'بهدوء': "سنتس"...
”ضحكت على لدغتها... خلّتها كيوت أكثر..“.
أحمد 'بضحك': دي أختي..
لجي: "سُندس"، صح؟
سندس: انت تعرفني؟
لجي: يب أعرفك.. أخوكِ شبّهني فيكِ يوم عاندتهم..
أحمد 'بطفش': إيش وضعك تحب تطيّح الناس في بعض؟!
لجي: هيه مو قصدي كذا..!
”الحمد للّه والشكر... رسّخت في عقولهم فكرة عنّي صعب يقتنعوا بغيرها..“.
سندس: "أحمت" ماما بتقلّك روح خت الأكل...
بندر 'بضحك': يلا روح يا "أحمت"..
أحمد 'بطفش': انقلع...
”خرج "أحمد".. أو خلّينا نقول "أحمت" زي ما زعمت الأخت.. وبقينا إحنا مع سندوسه الجميلة...
استعجبت كيف "بندر" مدللها وكل شوي وهو حاضنها و بايس خدها، وهي مرّه متعوده عليه...
طيّب يمكن هو عارفها من يوم مولدها بس مو لذي الدرجة يعني هي مو أخته عشان يعاملها زي كذا..! “.
لجي: "سندس" ليه ما رحتي مع "أحمد"؟
سندس: عايزه أفضل مع "بنتر"..
”ضحكت بصوت عالي على كلمة "بنتر"، و"بندر" صار يناظرني بغيظ..“.
بندر: "سندس" قولي "لجي"..
سندس: "لتي"..
”هنا "بندر" صار هو اللي يضحك وانا أناظر بغيظ..
البنت شوّهت اسمي حتى أكثر من التوأم..!
أنت تقرأ
لُجَيْ | عاميّة سعودية
General Fiction" حياتي عباره عن ماضي كاذب، حاضر مرير، مستقبل مخيف... " . . الرواية عفوية بشكل كبير، ويمكن أكثر تصنيف يمثلها هو "شريحة من الحياة".. ولكنها أكيد لن تخلوا من الأحداث والمواقف الصادمة.. ملحوظه: مع تدرج الأحداث ستطرؤ بعض السوداوية على الرواية.. . (الروا...
