عشق الانتقام

الفصل السادس

فاقت من شرودها على فتح باب غرفتها على مصراعيه فكانت اسيل وملك ينتظروها لكي يتحدو معا
دارين :حد يخض حد كده دا انا قطعت الخلف حرام عليكو مكافحه المخدرات داخله عليا ياربي
نظرتا اسيل وملك لبعض ثم انفجرو ثلاثتهم من الضحك
اسيل :عرفتي الي حصل
دراين :خير في ايه
ملك :ماهي سافرت إيطاليا عشان الحرب الي في دماغها
دارين :هي لسه فاكر بعد السنين دي كلها دا عدى اكتر من تمن سنين
اسيل : ايوه للاسف واضح أن ماهي كانت مستنيه وقت معين وعندها حق انا نفسي مش قادره والله لو كنت مكانها كنت ولعت فيهم من ساعتها يا صبرها
ملك :مش بمزاجها هي مكنتش في مركز قوه زي دلوقتي كلنا اتغيرنا اوي يا اسيل
دارين وكانت أيضا شارده في انتقامها الذي صبرت عليه ست سنوات
دااااارييين
دراين:الله يخربيتك فجعتيني
اسيل :مانتي الي مش مركزه ايه لسه بتفكر في الموضوع ايااااه
دارين :اه لانه لسه مشافنيش من ساعتها ولا يعرف حاجه من الي وصلتلها
ملك :مكفايه بقا كلنا عمالين ننتقم ايه في ايه
اسيل :والنبي ايه بذمتك انتي منفسكيش نتنقمي من سيف على الي عمله فيكي وأنه سابك وخطب واحده تانيه يوم تخرجك من الكليه بدال ميخطبك انتي
ملك :لو انتي كنتي انتقمتي من حازم كنت أنا انتقمت من سيف
اسيل وقد تغير وجهها للحزن الشديد :ايه الي جاب السيره دي
ملك :عشان لحد امتى هتفضلي قافله على نفسك عشان واحد زباله وقذر زي حازم
اسيل وقد جلست بأهمال على الأريكة وقد تغير صوتها اثر البكاء
اسيل :عايزاني اعمل ايه انا كنت قويه لحد اخر لحظه عارفه يعني ايه احساسي ان صاحبت عمري تيجي تقولي قبل فرحي بيومين أنها حامل من خطيبي عارفه كنت حاسه بايه لما واجهته ومأنكرش عارفه كان نفسي ينكر كنت هصدقه وهكدبها لكن هو مأنكرش اتنازلت عن فرحي وحتى فستاني ليها وبدال ما انا ابقى مراته بقيت هي لا وعاشت في نفس البيت الي انا وضبته بايدي كل حاجه فيه كل حته فيه بس خلاص كل دا اتقفل عايزاني أثق في راجل تاني عشان أتوجع تاني انتي بتحلمي حرام عليكو بقا جرت من أمامهم الي غرفتها
دارين وهي تنظر لملك :حرام عليكي مكنش ينفع تفتكر
ملك :وهي مش حرام عليها لما تفكرك وتفكرني انا كمان
دارين :لا لان الي حصل من سيف كان عادي جدا وممكن يتصلح لكن الي حصل لآسيل لا ربنا يعوضها
ملك : سيف جرحني كتير اوي يا دراين اوي انا استحملت عشانه كتير اوي وكنت بذاكر ليل ونهار عشان اخلص الكليه وفي الاخر يوم الحفله يعلن خطوبته على جومانه وهو كان وعدني انا بالجواز
دارين وقد اشفقت على حال اختها التي جرحت
دارين :خلاص بقا يا ملك محدش بيهرب من المكتوب واضح فعلا اننا كلنا بننتقم يكش يحسو على دمهم في الاخر
ملك وهي تضحك :يكش بت انتي متاكده انك اختي يابت دا احنا امنا الله يرحمها كانت تركيه
دارين وهي تذهب الي سريرها :ياختي اتوكسي ماهو ابوكي وعمك فؤاد ومراته وعمك شهاب من مصر ومن اسكندريه كمان عايزاني ابقى ايه
ملك وهي تقوم من مكانها لتخرج :لا ياختي متقوليش حاجه حلو اوي عليكي يكش دي تصبحي على خير
دراين :وانتي من أهله ياروحي

في الصباح تركو خبر مع الخادمه لفؤاد أنهم ذهبوا الي ايطاليا لماهي
فؤاد :ماشي يا جزم تغفلوني
قسمت وهي تنظر له وتكتم ضحكاتها على فتياتها العنيدات
مش فاهمه انت مضايق ليه
فؤاد وهو يشرب قهوته :مش عايز ملك تشوف سيف ولا دارين تشوف عاصم مش ناقص انا وجع ليهم انا خايف عليهم
قسمت :بناتك كبرو يا فؤاد وبعدين البنات الله اكبر عليهم بقو اقويا مش محتاجين اي حد يخاف عليهم انت المفروض تخاف على سيف وعاصم مش على البنات
فؤاد :قصدك ايه ؟!
قسمت :يعني البنات دلوقتي غير الاول دارين كانت في ثانويه عامه دلوقتي ماشاء الله عليها دكتوره مخ واعصاب وشاطره في مجالها ولا ملك الي دلوقتي بقيت ماسكه مشاريع شركاتك كلها بما فيهم شركتها الي عملتها بمخها في اقل من سنتين انت بتهزر واسيل الي دلوقتي خلصت سياسه واقتصاد ومسكت جزء من شركاتك مع ماهي وكمان شغاله في السلك الدبلوماسي دي كل واحده فيهم الله اكبر عندها حراسه تاكل البلد بناس الي فيها
فؤاد : تصدقي معاكي حق انا الحراسه بتاعت السفاره لما بشوفهم مع اسيل بتخض والله ايه يا قسمت دا دول تيران يا ماما مش بني ادمين عادي كده
قسمت وقد ضحكت حتى أدمعت عيناها :وتقولي خايف انت تخاف علي عيال شهاب مش على البنات الحق اتصل بيه حظره
فؤاد :صح معاكي حق انا هقوم أكلمه
قسمت :يااارب تحميهم من كل شر يارب

في ايطاليا وبالتحديد في فيلا ماهي
دخلو غرفتها بهدوء تام وقفزو مره واحده على السرير لتصرخ ماهي باعلى صوتها
اسيل وملك ودراين :مفااااااجااااااااا
ماهي :اااااااااااااعاااااااااااا
عم الصمت ثواني معدوده قبل الاحضان الفتيات لماهي والتي كانت مصدومه ولكن سعيده لأنها تستمد منهم القوه
ماهي :تصدقو انا كنت هقولكو تعالو
اسيل :اه ماهو واضح بدليل انك مشيتي واحنا منعرفش هان عليكي
ملك :احنا عارفين انتي جيتي ليه بس برضه كنتي قولتلنا
دراين :انتي قلبك قاسي
ماهي واسيل وملك :اوي اوي
دارين : أنت مش بتحس
ماهي واسيل وملك :كده وكده
دراين :انا جعانه
ملك وماهي واسيل :واحنا كمان
دراين :طب يلااااا

في ايطاليا ولكن في مكان آخر في قصر شهاب العطار كان يفكر فيها منذ هذه الليله وكانت جميله في كل شئ حتى في صوتها
اوعدك يا ماهي هجبلك حقك وساعتها هتبقي بتاعتي ملكي انا ملك الذئب !