مازلت ملكة فى بيت أبى
.................................
الحلقة الأولى بقلمى #كوثرمحمد
........................................
فى شقة الحاج عبد الرحمن
عبد الرحمن:- وهو يضع الفطار على السفرة ( صغيرة الحجم)........ يلا ياصفاء هتتاخرى على المدرسة
صفاء:- وهى تخرج من غرفتها ....... مدرسة إيه بس يا عبودى اللى هتاخر عليها....... انا مدرسة مش تلميذة
عبد الرحمن:- ما هو علشان انتى مدرسة لازم تكونى قدو ليهم
صفاء:- وهى ترتشف الشاى ........ خلاص انا نازلة اهو........ واعمل حسابك أنى هتاخر النهاردة عندى الحصة الأخيرة
عبد الرحمن :- ربنا معاكى
صفاء :- وهى تقبله من جبينه........ يلا سلام عليكم
عبد الرحمن:- وعليكم السلام ورحمة الله ......... ربنا معاكى ....... خلى بالك من نفسك
صفاء :- وهى على السلم ......... أن شاء الله
وتنزل صفاء لتذهب إلى المدرسة
وهى نازلة تقابل رضوى بنت عمها
رضوى:- صباح الخير يا أبلة صفاء
صفاء :- صباح الخير يا رضوى........ اتأخرتى ليه يا رضوى
رضوى :- أسفة اصل أبيه رامى جيه وكنت بسلم عليه
صفاء :- بحب........ هو رامى جيه امته
رضوى :- لسه واصل من شوية علشان كدا اتاخرت
صفاء :- طيب يلا بينا وماتتاخريش تانى
رضوى :- حاضر ..... إحنا وصلنا اهو والحمد لله الجرس لسه ماضربش
صفاء :- طيب يلا على الطابور
........... وتذهب كل واحدة فى طريقها
.......... استتتتتتتوب بقا
( نتعرف على رضوى هى فتاة فى الثانوية العامة عندها 18 سنة وتحب عمها وبناته بس صفاء اكتر علشان هى أقرب واحدة ليها)
.... ....... أما رامى فهو شاب يبلغ من العمر 30 عاما ويحب صفاء جدا فهى حب الطفولة.
يعمل مهندس بترول فى البحر الأحمر
ويأتى كل شهر أجازة كام يوم ويرجع تانى
أما رامز دآ اخوهم الكبير يبلغ من العمر 35 عامآ خريج تجارة ويعمل الصبح فى إحدى شركات الاستيراد والتصدير واخر النهار يقف فى محل والده الله يرحمه ومتزوج من بنت جارتهم ( هالة) وليس لهم اولاد
ويعيش فى شقة والده مع اخواته
.............................................
نروح لشقة رامز
رامز:- انا نازل يا هالة عايزة حاجة.
هالة:- وهى تخرج من المطبخ .......... بصوت خافض .......... آه عايزة فلوس عشان انزل أجيب أكل عشان اخوك
رامز:- وهو يخرج بعض النقود من جيبه ويعطيها لهالة......... اتفضلى يا ستى حاجة تانى
هالة:- شكراً يا حبيبى........... مع السلامة
رامز:-الله يسلمك...... وينزل إلى عمله
رامى:- هو رامز نزل
هالة:- آه نزل عايز حاجة
رامى :- ﻻء شكراً..... عن إذنك
هالة:- وهى امرأة لعوبة ....... على فين
رامى :- وهو يخرج من باب الشقة......... مش شغلك
....... وينزل إلى شقة عمه ويرن الجرس
عبد الرحمن :- حاضر ........ ويفتح الباب
عبد الرحمن :- أهلاً أهلاً يا رامى حمد الله على السلامة
رامى :- وهو يحضنه.......... الله يسلمك يا عمى
عبد الرحمن :- أدخل واقف عندك ليه
رامى :- هى صفاء هنا
عبد الرحمن :- ﻻء صفاء نزلت من شوية
رامى :- طيب يا عمى ممكن أدخل أنام عندك شوية
عبد الرحمن :- بفهم....... مرات رامز تانى
رامى:- وهو ينظر إلى الأرض......... والله يا عمى ما عارف اعمل إيه
عبد الرحمن :- وهو يرتب على كتفه........ ادخل يابنى نام شوية....... وبكرة يحلها الذى لا يغفل ولا ينام
ويدخل رامى حجرة عمه. لينام
............................................
فى المدرسة عند صفاء تجلس هى وصديقاتها المقربة منار
منار:- مالك يابنتى مسهمة كدا ليه من ساعة ماجيتى
صفاء :- بهيام....... أصله جيه
منار:- هييييح......... هو مين ياختى اللى جيه
صفاء :- وهى مازالت على وضعها.......... رامى جيه
منار:- وهى تثغرها فى كتفها........... ما تفوقى يا ختى بادل ما تلاقى هولاكو داخل علينا.
صفاء :- حرام عليكى إيه السيرة اللى تغم دى
منار:- يلا ياختى على حصتك الجرس ضرب وانتى ولا هنا.
صفاء :- بقولك إيه ما تاخدى الحصة الأخيرة بدالى
منار:- تدفعى كام
صفاء :- طول عمرك مادية
منار:- اخلصى عندى حصة
صفاء:- خلاص تعالى اتغدى معانا النهاردة.
منار :- إذا كان كدا ماشى
صفاء:- طول عمرك طفسة كدا وهمك على بطنك
منار:- طيب يلا ياختى على حصتك خلصى وامشى
.......... وبعد ما كل واحدة اتجهت إلى فصلها وانتهت صفاء من حصتها....... اتجهت إلى حجرة المدير لكى تستأذن منه......... وبعد أن دقت الباب
المدير:- ادخل
صفاء :- بعد ما دخلت ......... السلام عليكم ورحمة الله
المدير:- وعليكم السلام ورحمة الله وبركاته.......... خير يا أستاذة
صفاء :- خير إن شاء الله يا أستاذ يحيى
يحيى :- جيبى اللى عندك يا أستاذة صفاء بسرعة
صفاء:- كنت بستأذن حضرتك انى امشى بدرى النهاردة
يحيى:- وحصصك
صفاء:- معنديش غير الحصة الاخير ....... وميس منار هتخدها بدالى
يحيى:- يعنى انتى مرتبها مع صحبتك بقا ......... على العموم انا موافق
صفاء:- شكرآ حضرتك
يحيى:- بس فى علمك دى اول و اخر مرة
صفاء:- اكيد حضرتك ........ عن اذنك
يحيى:- اتفضلى
........ وتخرج صفاء وتتجه الى خارج المدرسة وتقابل زميلة لها
زميلتها:- خير يا صفاء ماشية بدرى ليه
صفاء:- ابدآ يا سارة بس معنديش غير الحصة الاخيرة ومنار هتخدها
سارة:- ماشى يا حبيبتى يا بختك فى اللى بيشيل عنك
صفاء:- فى سرها اعوذ بالله منك ........ طيب عن اذنك سلام ......... وتذهب وتتركها.
وتذهب صفاء الى خارج المدرسة .......... وتتجه الى السوق لتجلب بعض الاشياء التى تحتاجها لعمل بعض المأكلات
......... وتقابل هالة زوجة رامز
هالة:- خير يا صفاء رجعة بدرى يعنى
صفاء:- شئ مايخصكيش
هالة:- هو انتى هتجيبى حاجه من السوق
صفاء:- عندك مانع ولا حاجة
هالة:- هو انتى بتتعملى معايا كدا ليه
صفاء:- بصى يا هالة انا وانتى عمرنا ما كونا صحاب او فى كلام بينا ....... وانتى اللى طلبتى كدا من يوم ما دخلتى بيتنا ....... فحفظى على كلامك وبلاش تتحكى بيا ........ عن اذنك
......... وتركتها ورحلت
هالة:- وهى مازالت مصدومة من كلام صفاء ........... يعنى انتى يا ست صفاء مش ناسية الكلام اللى قولته وانا لسه عروسة
فلاش بااك
بعد كام يوم من زواج رامز وهالة
صفاء:- بفرحة ......... الف مبروك يا ابيه رامز ...... الف مبروك يا هلولة
رامز وهالة:- الله يبارك فيكى ......... عقبالك
صفاء:- بخجل ....... ميرسى
هالة:- ايه مكسوفة بكرا لما تتجوزى هنشوف
رامز:- ايه اللى انتى بتقوليه دا
صفاء:- سيبها يا ابيه عادى احنا بنات زى بعض وبكرا نبقا صحاب واكتر كمان
هالة:- لا يا حلوة انا مش بتصاحب على حد وكل اللى هيبقا بينا صباح الخير يا جارى انت فى حالك وانا فى حالى
رامز:- ليه ان شاء الله ....... هو انتى هتلاقى احسن من صفاء علشان تصحبيها ........ على العموم انتى اللى خسرنا مش صفاء........ ويقبل صفاء فى جبينها ويتركهم
صفاء:- وهى تحارب الدموع بعنيها ........ عن اذنكم انا نازلة ........ وتنزل صفاء قبل انا تسمع الرد من احد
بااك
هالة:- كان يوم اسود يوم ما دخلت عيلتكم......... وترجع الى المنزل
.......................................
اما عند صفاء بعد ما تركتها اشترت كل ما تحتاج اليه
...... وذهبت الى المنزل ....... وقفت امام محل والدها
صفاء:- السلام عليكم يا حج عبودى
عبدالرحمن:- وعليكم السلام ورحمة الله وبركاته ....... خير يا حبيبتى ايه اللى رجعك بدرى
صفاء:- بضحك ...... هههههه ايه ياحبيبى مش عايزنى ارجع ولا ايه
عبدالرحمن:-لا ابدا يا حبيبتى ....... بس انتى قولتى هتتاخرى النهاردة
صفاء:- اصل انا معنديش غير الحصة الاخيرة. ومنار خادتها مكانى
عبدالرحمن:- جدعة جدا منار ............. ربنا يخليكم لبعض
صفاء:- وهى تقبله ........... ويخليك ليا يا عبودى
عبدالرحمن:- ماشى يا بكاشة ......... تعالى بقا اقعدى معايا شوية
صفاء:- معلش يا عبودى انا هطلع اعملك شوية اكل انما ايه عجب
عبدالرحمن:- طيب استنى اطلع معاكى
صفاء:- بضحك ...... ليه مش هعرف اطلع لوحدى
عبدالرحمن:- لأ يا حبيبتى بس رامى ابن عمك نايم عندنا
صفاء:- وقلبها يدق جامد ........ ليه يا بابا فى حاجه ولا ايه
عبدالرحمن:- لا يا حبيبتى ........ بس انتى عارفة مرات اخوه لوحدها وهو ماينفعش ينام وهى فى الشقة لوحدها ...... انتى عارفة كلام الناس
صفاء:- بشك ....... طيب يعنى هما الناس عارفين ان هو نايم عندنا
عبدالرحمن:- مش مهم يعرفو ولا ميعرفوش المهم الاصول
صفاء:- خلاص ماشى يا حبيبى انا هستنا معاك لحد ما تخلص
عبدالرحمن:- لأ انا طالع معاكى وهسيب الواد على واقف مكانى
صفاء:- ماشى اللى يريحك
......... وتصعد صفاء مع والدها الى شقتهم .......... ومازال رامى نايم
....... تذهب صفاء الى المطبخ وتضع ما بيداها ......... وتذهب الى حجرتها لتبدل ملابسها ....... وتلبس اذدالها تحسبآ لخروج رامى فى اى وقت
وتذهب الى المطبخ وتبداء فى عمل الطعام ........... وبعد فترة استيقظ رامى وخرج من الغرفة بدون ان يعرف ان صفاء موجودة .......... وكان يرتدى بنطلون قطن اسود وصدره عارى عضلات صدره متعرقة ....... وذهب الى المطبخ ليشرب ......... واثناء التهاء صفاء بعمل الطعام لم تشعر ب رامى الواقف خلفها واقترابه منها
رامى:- هامسآ........... بتعملى ايه
صفاء:- بفزع وصراخ ....... عاااااااااااا
........ يأتى عبدالرحمن جرى
عبدالرحمن:- ايه فى ايه ...ايه اللى حصل
رامى:- بضحك......... هههههههههه طول عمرك قلبك خفيف كدا
صفاء:- بغيظ .......... وانت طول عمرك دمك تقيل كدا
عبدالرحمن:- بعتاب ........ كدا يا رامى تخض بنت عمك
رامى:- ومازال يضحك ....... اسف والله يا عمى ...... كنت بضحك معاها.
عبدالرحمن:- وبعدين انت ايه اللى مخرجك من الاوضة بالشكل دا
رامى:- وهو ينظر لنفسه ......... انا اسف والله ما اخدش بالى ومكنتش اعرف ان صفاء رجعت
عبدالرحمن:- طيب اتفضل ادخل البس هدومك وتعالى نلعب دورين طاولة على ما صفاء تخلص الغدا
رامى:- حاضر يا عمى عن اذنك ........ ويذهب رامى لغرفة عمه لارتداء التيشرت الخاص به وذهب الى عمه ليلعب معه الطاولة
............ اما عند صفاء هى مازالت مغمضة عنيها من منظر رامى وتضع يداها على قلبها
صفاء:- لنفسها ........ ادا هو فى كدا ....... هو بقا كدا امته وبقا مز كدا امته وعضلاته دى طلعت امته
نفسها :- ايه الهبل دا فوقى كدا
صفاء:- اه صحيح ايه الهبل اللى انا بقولوا دا ........ انا اكمل الاكل احسن
............................................
ونكمل بكرا ان شاء الله
ايه رايكم فى الحلقة؟
وايه اللى هيحصل بين رامى وصفاء؟
وهالة دى حكايتها ايه؟
عايزة توقعتكم
واشفكم على خير الحلقة الجاية
مع تحياتى #كوثرمحمد
