مازلت ملكة فى بيت أبى
------------------------------
الحلقة 31....بقلمى كوثر محمد
_______________________
قدري في حبك ،
أن أشتاقك رغما عن قلبي ،
وأهيم بك رغما عن عقلي
هل تذكرين يا فاتنة حين قلتِى لي..
أنا أنثى عشرينية العمر مشاكسة..
سأمارس معك شرعية العشق بشراسة..
وسأثير أحاسيسك الدفينة وأرويها من سحر جنوني
فأنا بحبك وبعشقك..
دعيني اسرق من شفتيك قبله
بدايتها خجل
واولها عشق
واوسطها شغف
ونهايتها جنون
وبعدها
فلتسقط القوانين
------------------------------------------------------
فى اجمل شواطئ مطروح....لقد استأجر رامى شاليه يطل على البحر مباشرةً.....والهواء يحاوطهم من جميع الاتجاهات....... ورغم برودة الجو
الا انهم لا يشعرون ببرودة الجو وهم فى احضان بعضهم... ومازالوا بالسرير
رامى:- وهو يضمها الى صدره.... ويلعب بيده فى شعرها..... مبسوطة يا حبيبتي
صفاء:- وهى تضم نفسها الى حضنه..... وتملس على صدره العارى...... كلمة مبسوطة دى قليلة اوى على اللى انا حاسه..... انا حاسة انى طايرة فوق السحاب
رامى:- وهو يقبلها فى شعرها..... ربنا يقدرنى واقدر اسعدك طول العمر......( ثم ينهض من السرير بسرعة) يلا يلا قومى البسى بسرعة
صفاء:- وهى تنهض أيضاً..... ليه هنروح فين
رامى:- وهو يتجه الى الحمام.... مفجأة.... بس البسى بنطلون وبلوزة...بس بسرعة
صفاء:- طيب افهم هنروح فين.....
لكن رامى بالفعل دخل الحمام ولم يسمعها
بعد وقت قليل كانوا الاثنين فى الخارج ويستقلوا سيارة اجرة
السائق:- على فين حضرتك
رامى:- اخ كدا المفجأة هتتحرق
السائق:- خلاص حضرتك انا فهمت.... انتوا عرسان
رامى:- ايو لسه فى شهر العسل.... ولو انت فعلاً عرفت انا عايز اروح فين.... انا هبسطك
السائق:- بضحك..... خلاص يا باشا ولو طلع غلط مش هاخد منك اجرة
رامى:- تمام..... يلا بقا اطلع بينا
ويسوق السائق ويتجه بيهم الى الطريق..... وبعد وقت ليسه بقليل وصل بيهم الى شاطئ اخر
السائق:- وصلنا يا باشا.... والاسم قدام حضرتك اهو
رامى:- وهو يضع يداه على عين صفاء.... والايد الاخرة يعطى السائق مبلغ من المال..... عفارم عليك يا سطى طلعت زكى اهو....
السائق:- وهو يقبل المال..... احنا فى الخدمة يا باشا.... ولو حبيت استنا حضرتك على ما تخلص جولة
رامى:- لا شكراً اتفضل انت احنا هناخد وقت
السائق:- اللى تأمر بيه انا تحت امرك
رامى:- وهو يوجه كلامه لصفاء...... انا هشيل ايدى بس انتى غمضى عنيكى.....علشان نعرف ننزل من العربية
صفاء:- حاضر
..... وبالفعل ينزل رامى من السيارة وهو يمسك بيد صفاء وهى مغمضة العين...... ويتجه بيها الى اتجاه الشاطئ
صفاء:- افتح بقا
رامى:- ثانية واحدة.... كمان خطوة.... ايو فتحى خلاص
..... واول ما صفاء فتحت عنيها وجدت نفسها على شاطئ بحر
صفاء:- ادا يا رامى كل دا علشان تجبنى البحر..... طيب ما احنا الشاليه جمب البحر....فين المفجأة فى كدا
رامى:- ايو يا حبيبتي بس دا مش اى بحر.... بصى كدا.... ويشاور لها على يافطة مكتوب عليها شاطئ الغرام.
.........( انا بصراحة معرفش ان كان اسم الشاطئ كدا فعلاً ولا لأ)
صفاء:- يعنى دا شاطئ الغرام بتاع ليلى مراد وبحب اتنين سوا
رامى:- ايو هو دا ايه رأيك بقا
صفاء:- وهى تقبله فى خده.....مفجأة جميلة اوى
رامى:- تعالى بقا نروح نقعد على الصخرة ونتصور عليها
وبالفعل ذهبوا الى الصخرة واخذوا بعض الصور فى اوضاع مختلفة مع بعض اشكال السلفى
صفاء:- بغناء.... بحب اتنين سوا يا هنايا بحبهم..... الماية والهوا.... وراااااامى جمبهم..... هههههههه
رامى:- بقا رامى جمبهم
صفاء:- وهى تقوم ..... اه رامى جمبهم اهو..... وتتجه للبحر......ورامى خلفها
رامى:- وهو يحضنها من الخلف ويرفعها عن الارض ويلف بيها......تعالى هنا انتى رايحة فين
صفاء:- بضحك.... رايحة للمية والهوا
رامى:- انا هوريكى المية والهوا على حق..... وعلى غفلة وهو مازال يحملها حدفها بالمية.... حلوة المية
صفاء:- وهى تقوم من المية.... كدا يا رامى غرقت لى هدومى.... همشى ازاى انا كدا
رامى:- بضحك..... دلوقتى الهوا ينشفك هههههههه...... مش بتحبى الاتنين سوا.... اهو المية والهوا مع بعض هههههههه
صفاء:- وهى تبعد عنه...... بقا كدا يا رامى ماشى انا زعلانة منك
رامى:- وهو يحضنها من الخلف..... لا يا قلبى مقدرش على زعلك.... ويخلع عن الچاكت ويلبسها ايه.... البسى دا يدفيكى..... ويقبل جبينها.... لسه زعلانة
صفاء:- تؤتؤ.... انا مقدرش ازعل منك ابدا.
رامى:- طيب يلا بينا نرجع الشاليه
صفاء:- لأ خلينا شويه الجو حلو
رامى:- يا حبيبتي نبقا نيجى تانى بس علشان متبرديش..... انا كانت دماغى فين بس اما رميتك فى المية
صفاء:- خلاص يا حبيبي محصلش حاجه... ودلوقتى الهوا ينشف الهدوم.... ما انا كمان مش هعرف امشى كدا وهى مبلولة.... على الاقل مافيش حد غيرن هنا
رامى:- طيب تعالى نقعد على الصخرة وادفيكى فى حضنى
صفاء:- قول بقا انك بتتلكك علشان تاخدنى فى حضنك
رامى:- بضحك.... ايو بتلكك... عندك مانع
صفاء:- بضحك.... لأ معنديش هو انا اقدر هههههههه
وبالفعل يجلسا على الصخرة ويأخذها بحضنه
رامى:- عارفة يا حبيبتي انا نفسي احقق لك كل اللى بتحلمى بيه واللى بتتمنيه
صفاء:- وانا كل احلامى وامنياتى انى اكون معاك وفى حضنك طول العمر ومافيش حاجه تبعدنا عن بعض أبداً
رامى:- وهو يشدد من احتضنها..... يعنى انا كل احلامك....يعنى مش عايزة اى حاجه
ترد صفاء وهى تغنى ( اغنية لطيفة يا حياتى)
