مازلت ملكة فى بيت أبى
................................ بقلمى كوثر محمد
الحلقة الثلاثون
------------------
بعد ما طلعوا بالسيارات على القاعة اول ما وصلوا صفاء وجميع البنات انبهروا بجمال القاعة
وبعد دخولهم مع الزفة.....وبعد اول رقصة ل صفاء و رامى...... وهما بيقعدوا فى المكان المخصص ليهم ( الكوشة) صفاء بانبهار
صفاء:- الله يا رامى بجد مكنتش متوقعة ان القاعة تكون بالجمال دا
رامى:- مش قولتلك يا حبيبتى هتعجبك جداً
صفاء:- بجد اختيارك جميل جداً ورائع.... وفعلاً كانت مفاجأة حلوة اوى..... بس شكلها غالية قوى
رامى:- بضحك.... بس انا ما دفعتش فيها حاجه
صفاء:- ازاى يعنى
رامى:- دى هدية من وليد.... القاعة والمكان كله يبقا بتاع خاله وهو عمل معانا الواجب دا كله
صفاء:- احلى واجب والله هههههههه
وتأتى فى هذا الوقت منار
منار:- مش كفاية رغى بقا وتقوموا ترقصوا مع الناس ولا هو فرح رغى
صفاء:- هههههههه لا فرح رقص
ويقوموا للرقص بين الحب والسعادة والفرحة مع الجميع...... وبعد وقت طويل جداً.... جميل ورائع انتهى الفرح على خير واتجه العروسين الى شقتهم لقضاء اول ساعات فى حياتهم الجديدة
وبعد ان وصلوا الى البيت طلب عبد الرحمن من رامى ان يقول له كلمتين قبل ان يدخل شقته
عبد الرحمن:- طبعاً مش هوصيك على صفاء
رامى:- طبعاً يا عمى مش محتاج توصية صفاء فى قلبى قبل عنيا
عبد الرحمن:- ودا عشمى فيك يا بنى.... ومتنساش اللى قولتلك عليه
رامى:- بضحك... اطمن مش هنسي..... حاجة تانية ولا ادخل بقا
عبد الرحمن:- مستعجل اوى يا خويا اما نشوف .... اتفضل ادخل وبراحة ها برااااحة فاهم ولا ايه 😉
رامى:- وهو يدخل الشقة...... متخفش واطمن
وينزل عبد الرحمن..... ويدخل رامى الشقة
اول ما دخل شاف صفاء واقفة مكانها ووشها فى الارض
قرب عليها واحدة واحدة حتى اصبحت المسافة بينهم لا تذكر
رامى:- بهمس.... مالك
صفاء:- ما... مافيش
رامى:- طيب مش هندخل الاوضة ولا ايه
صفاء:- وشها احمر وجسمها اترعش ولا ترد
رامى:- وهو يقبل يداها.... خايفة ليه.... انا مش هعمل حاجه غصب عنك... ماشى.... ودلوقتى هندخل نغير ونتوضي ونصلى الاول تمام
صفاء:- تهز راسها بمعنى اه
وفجأة يميل رامى عليها ويضع يده على ظهرها واليد الاخرى اسفل خصرها ويحملها....... ومن المفجأة تلف يداها حول رقبته دون شعور...... ويدخل بيها الى غرفة النوم...... وينزل بالقرب من السرير..... ويقبلها فى جبينها.... ويأخذ ملابس له وخرج من الغرفة
بعد ما خرج
صفاء:- تاخد نفس جامد جداً ..... اااااه بموت فيك..... وتبدأ فى تبديل ملابسها.... ومن حسن حظها ان سحابة الفستان بالجانب فاستطاعت ان تفتحه بسهولة........ وبعد وقت قليل انتهت من تبديل ملابسها.... وتوضأت ولبست اذدالها فوق القميص..... وانتظرت رامى حتى يأتى
عند رامى بالخارج بعد ان ابدل ملابسه وتوضئ..... انتظر بعض الوقت حتى يعطي صفاء الوقت الكافى لتبديل ملابسها..... ثم اتجه الى الغرفة وترك على الباب... وانتظر حتى سمع صوتها تأذن له بالدخول
رامى:- اتوضيتى
صفاء:- تهز راسها بمعنى اه
رامى:- طيب يلا نصلى
ووقف رامى الامام وهى خلفه..... وبعد ان انتهى من الصلاة.... التفت اليها وامسك يداها اليمنى بيده اليسرا ..... ووضع يده اليمنى أعلى رأسها وقال دعاء الزواج
آلَلَهّمً إنِيَ أسِألَك خِيَرهّآ وٌخِيَر مًآ جّبًلَتٌهّآ عٌلَيَهّ
وٌأعٌوٌذِ بًك مًنِ شُرهّآ وٌمًنِ شُر مًآ جّبًلَتٌهّآ عٌلَيَهّ
وقبل جبينها ونهض وهو مازال يمسك يداها ويجلس على السرير ويجلسها بجواره
رامى:- عايز اقولك كلمتين صغيرين
صفاء:- اتفضل
رامى:- اولآ.....مش عايزك تخافى طول ما انا جمبك.....ثانيآ....اى حاجه تحصل بينا مش عايز اى حد يعرف بيها ولا حتى عمى
صفاء:- حتى لو زعلتنى
رامى:- مع ان دا مستحيل يحصل لكن حتى لو زعلتك تعالى اشتكى منى ليا انا وتقوليلى على اللى مزعلك ووعد عليا اجبلك حقك منى تمام
صفاء:- تمام....خلاص كدا ولا فى حاجه تانى
رامى:- اخر حاجه.....مش عيزك تخبى عليا اى حاجه مهما كانت صغيرة ومن وجهة نظرك هايفة..... ممكن تكون بالنسبه ليا انا مهمة تمام
صفاء:- تمام.....ممكن اقول حاجه
رامى:- اه طبعاً...اتفضلى
صفاء:- انا مأكلتش حاجه من الصبح ممكن ناكل
رامى:- وهو ينهض.....يا خبر.... ثوانى واجبلك الاكل
صفاء:- طيب استنا.......وقبل ان تكمل كلامها كان قد خرج من الغرفة....... وقامت صفاء خلفه
صفاء:- انت رايح فين
رامى:- وهو داخل الى المطبخ...... هجيب حاجه نكلها.... انا كمان مأكلتش من الصبح وجعان جداً...... وبصراحة مرات عمى عملة اكل كتير وحرام يبات كدا من غير ما ندوق ولا ايه
صفاء:- بس انا مش هقدر أكل من كل دا
رامى:- مين قالك اننا هنكله كله.... انا بقول ندوق بس.... وبعدين احنا على ما ندوق من كل صنف هنكون شبعنا... صح
صفاء:- صح
رامى:- هو انتى هتفضلى واقفة مكانك كدا كتير
صفاء:- طيب اعمل ايه
رامى:- تعالى شغلى البتاع دا وسخنى الاكل مش هو للتسخين بردو ولا ايه
صفاء:- ايوا للتسخين..... وبعدين اسمه ميكرويف
رامى:- ما انا عارف بس بتلغبط فيه هو والفرن
صفاء:- طيب اتفضل انت استنا برا وانا هسخن واجبلك الاكل
رامى:- لا انا هسعدك وبعدين هناكل هنا فى المطبخ
صفاء:- خلاص اللى يريحك اعمله
رامى:- تمام يلا شوفى هنعمل ايه
وبدأت صفاء فى وضع الطعام فى الاطباق المخصص للميكرويف ووضعها بداخله للتسخين..... ورامى يتعمد المرور من خلفها وملامستها ومش واخد حريته بسبب الاذدال
رامى:- هو انتى مش مخنوقة من الاذدال دا
صفاء:- لأ أبداً عادى واخدة على كدا.... وكمان انا بردانا
رامى:- بردانا ايه بس يا حبيبتى دا انا هولع نار
صفاء:- ازاى بقا دا الجو برد جداً..... يمكن جسمك سخن من كتر الرقص اللى رقصته فى الفرح
رامى:- وهو يجز على اسنانه...... يمكن بردوا...... طيب انا الحمد لله شبعت..... كملى انتى اكلك
صفاء:- لإ انا كمان الحمد لله..... تحب اعملك حاجه تشربها
رامى:- لأ الوقت اتأخر وعايز انام.... مش هتنامى ولا ايه
صفاء:- بخجل وهروب من القادم..... اه طبعاً هنام ادخل انت نام وانا هلم الاكل واحصلك
رامى:- سيبى كل حاجه مكانها ويلا علشان تتدافى مش بتقولى بردانا
صفاء:- طيب بس
رامى:- صفاء انا مابحبش اعيد كلامى مرتين
صفاء:- حاضر
ويأخذها رامى من يداها بلطف ويدخل بيها الى غرفة النوم
رامى:- يلا غيرى وتعالى نامى
صفاء:- ما انا كدا كويسة اهو
رامى:- فى ايه يا حبيبتي هتنامى بالاذدال ولا ايه..... وبعدين انتى لسه خايفة منى ولا ايه
صفاء:- لا أبداً مش خايفة ولا حاجه
ويقترب منها رامى ويفك حجابها
رامى:- فى واحدة تلف طرحة قدام جوزها بردوا......
ويفرد شعرها البنى الطويل الذى يصل الى قبل نهاية ظهرها
رامى:- بًسِمً آلََلََهّّ مًآ شُآء آلَلَهّ.... بقا مخبيا عليا الجمال دا كله طول الفترة دى..... طول فترة الخطوبة اقولك عايز اشوف شعرك وانتى مش راضية لحد ما شكيت انك تكونى قرعة......( كل كلامه وهو يملس على شعرها)
صفاء:- بخجل.... ما انا مكنش ينفع تشوفوه
رامى:- يا حبيبتى انا كنت كاتب عليكى يعنى جوزك ويحقلى اشوف كل حاجه عادى يعنى مش حرام والله
صفاء:- ما انا عارفة بس كنت بتكسف
رامى:- وهو يرفع الاذدال عنها..... طيب ودلوقتى لسه بتتكسفى بردوا
صفاء:- ما هو.. اصل.. انا.. اول... مرة... اكون... لوحدى... معاك
رامى:- وكان قد انتهى من رفع الاذدال عنها.... ومش هتكون اخر مرة يا قلبى
وكانت صفاء ترتدى قميص نوم ابيض بيه قلوب صغيرة قصير يصل الى الركبة وعليه روب بنفس الشكل..... وبدأ رامى يقبل يداها بلطف ثم صعدا الى جبينها واتجه الى خديها بالتبادل مع الهمس بكلمات الحب الرقيقة حتى ذاهبوا الى عالم اخر
وتسكت شهرزاد عن الكلام المباح
______________________________________
قبل وقت ليس قليل
عند رامز بعد ما رجعوا من الفرح ودخلوا شقتهم
رضوى:- ااااه يانى انا مش حاسة برجلى خاااالص
رامز:- طبعاً ما انتى مقعديش على حيلك طول الفرح مبطلتيش رقص.
منار:- قال يعنى انت اللى قعد ما انت كمان مابطلتش انت و صاحب رامى دا اللى اسمه وليد دا انت مرقصتش كدا يوم فرحنا
رامز:- بصراحه مكنتش حاسس بنفسى.... وبعدين انا كانت الفرحة مش سيعانى النهاردة... أخيراً رامى وصفاء اتجوزوا... عقبال رضوى كمان واكون ريحت ابويا وامى
رضوى:- الله يرحمهم..... طيب اقولكم تصبحوا على خير.... علشان انا هموت واناااااااام
رامز ومنار:- وانتى من اهل الخير
وتدخل رضوى غرفتها لتنام
رامز:- وانتى يا حبيبتي مش هتنامى
منار:- اكيد طبعاً.... بس كنت عايزة اطمن على صفاء الاول اصلها كانت خايفة اوى
رامز:- وهو يدخل بيها غرفتهم.... ما انتى كنتى كدا يا حبيبتي مين اللى طمنك مش انا.... دلوقتى رامى يطمنها على الاخر ويقوم بالواجب على اكمل وجه..... وبعدين انا مش عارف هو ما سفرش ليه ذى ما كان بيقول
منار:- عمى عبد الرحمن هو اللى طلب منه انهم ما يسفروش قبل ما يكمل اسبوع فى شقتهم الاول... مش عارفة ليه.... ورامى كان زعلان اوى ان هيضيع اسبوع من شهر العسل وهو كان عامل حسابه على شهر كامل... بس الظاهر حد قر عليهم
رامز:- بضحك..... انا هههههههه اصل انا قولته هتاخد شهر بحالوا يا بختك فالظاهر الكلمة اصابت الهدف هههههههه
منار:- هو انت حرام عليك والله. ..... رامى والله صعب عليا كل شويه يقول انا مبصوص لى فى الشهر.... اتاريه انت
رامز:- بقولك ايه احنا هنقض باقى اليوم نتكلم عن رامى ولا ايه.... تعالى اقولك هيعمل ايه
وياخدها الى عالمهم الخاص
______________________________________
ومع اشراقت يوم جديد
صفاء وهى مازالت نائمة.... ورامى بجوارها يمسك خصلة من شعرها ويلعب بيها فى وجهها
رامى:- بهمس..... صافى.... حبيبى..... يلا يا قلبى اصحى..... انتى يا كسلانة...يلا يا قلبى اصحى بقا...وحشتينى
صفاء:- بنعاس..... حاضر يا بابا هقوم اهو
رامى:- هههههههه..... بابا وماما كمان بس قومى...... احسن اصحيكى بطريقة تانية
صفاء:- وهى مازلت تحت تأثير النوم...... حاضر حاضر هقوم والله يا عبودى اهو
رامى:- هههههههه عبودى كمان.... طييييب... مبداهاش بقا...... وظل يقبل فى كل مكان بوجهها واخذا شفايفها فى قبلة طويلة ورقيقة..... حتى استيقظت
صفاء:- بخضة..... ايه فى ايه.... انا فين
رامى:- بضحك قطع فيه النفس...... هههههههه ايه يا حبيبتي انتى فقتى الذاكرة ولا ايه
صفاء:- اه صحيح احنا اتجوزنا امبارح
رامى:- لا والله.... هو انتى بتصحى من النوم ناسية اللى بيحصل معاكى ولا ايه
صفاء:- بخجل..... لا والله أبدآ..... بس انا فكرت انى بحلم
رامى:- وهو يعطيها باكو شكولاتة 🍫 ومعاها 🌷 صباحية مباركة يا قلبى
صفاء:- الله يبارك فيك يا حبيبي.... طيب الوردة وفهمتها.... لكن الشكولاتة ليه
رامى:- هههههههه.... مش متعودة تصحى من النوم تلقيها جمبك
صفاء:- عرفت ازاى..... من بابا صح
رامى:- اكيد طبعاً هو فى غيره
صفاء:- طيب هو قالك امتى
رامى:- قالى وانتوا بتفرشوا الشقة اما دخلت لقيتوا فاتح الثلاجة وعمال يحط فى شكولاتة 🍫 اشكال والوان اما سألته ليه كل الشكولاتة 🍫
فلاش باك
عبد الرحمن:- صفاء متعودة من وهى صغيرة تصحى من النوم تلاقيها جمبها... وانا جبتلك كمية علشان كل يوم تحط لها واحدة جمبها قبل ما تصحى... يعنى اعمل حسابك تصحى كل يوم قبل منها
رامى:- ماشى يا عمى.... بس يعنى جايب دا كله ليه يعنى انا مش هعرف اجيب لها يعنى
عبد الرحمن:- معلش يا بنى انا عارف انك تقدر تجبلها كل حاجه..... بس دا بقا تعود عندى وعهد خدوا على نفسى انى اجبلها كل يوم الشكولاتة 🍫 لحد اخر يوم في عمري
رامى:- ربنا يطولنا فى عمرك يارب...... وتجيب لولدنا وولاد ولدنا كمان
عبد الرحمن:-هههههههه ربنا يبارك فيك وانت تكمل مكانى..... بس بقولك.... محدش يعرف الموضوع ده غيرك.... اخواتها ميعرفوش علشان محدش يزعل منهم
رامى:-حاضر يا عمى
انتهاء الفلاش باك
رامى:- وادى كل اللى حصل
صفاء:- بدموع فى عنيها.... ربنا يخليكم ليا وميحرمنيش منكم أبداً
رامى:- ويخليكي لينا يا قلبي ❤..... بس ايه لازمة الدموع دى...... ويمسح دموعها..... يلا قومى اغسلى وشك علشان نفطر وتصلى الضهر علشان العصر قرب يأذن
صفاء:- يا خبر انا نمت دا كله .... وتقوم لتتؤضئ
رامى:- بضحك.... مش يا حبيبتي نايمين وش الصبح
صفاء:- وهى تلبس الأذدال... طيب كنت صحتنى معاك كنا صلينا سوا
رامى:- انا اصلآ لسه صاحي من شويه.... وكمان بصحيكى من بدرى وانتى اللى كنتى بتاكلى رز مع الملايكة
صفاء:- طيب خلاص مرة تانية تصحينى معاك..... وتذهب للصلاة
تسريعآ للاحداث
بعد الانتهاء من الفطار وتوضيب المطبخ وقضاء وقت اخر بعالمهم الخاص... فى اخر اليوم صعد اليهم الجميع
عبد الرحمن وسهير ووفاء وولاء وزوجها أحمد ومكة ورامز ومنار ورضوى........ وبعد المباركات وقضاء وقت جميل فى الضحك والهزار..... مع شوية تريقة من أحمد ورامز على رامى..... وبعد الأطمئنان على حال صفاء واسئلة اخواتها...... رحل الجميع وانتهى اليوم على ذالك
وبعد مرور اول اسبوع من الزواج...... اخذا رامى صفاء وسافروا لقضاء ما تبقا من شهر العسل فى اجمل اماكن بمرسى مطروح
______________________________________
وتنهى حلقتنا واشوفكم الحلقة الجاية على خير
مع تحياتى كوثر محمد
