مازلت ملكة فى بيت ابى
-----------------------------
الحلقة الثالثة:- بقلمى #كوثرمحمد
--------------------------------
بعد ما رامى اتكلم مع رضوى وعرف كل اللى عاملته هالة ........... ذهب الى غرفته وظل يفكر ماذا يفعل مع هالة حتى غلابه النعاس
---------------------------------------
اما عند صفاء
عبد الرحمن:- رامى طلب منى انه يبنى شقة فوق وانى اشرف انا على البناية
صفاء:- طيب يا بابا هو عايز يبنى ليه
عبد الرحمن:- علشان عايز يتجوز
صفاء:- ايه يتجوز ........ يتجوز مين
عبد الرحمن:- بخبث ......... مش عارف ..... بس بيقول انها طيبة وحنينة وانه بيحبها من زمان
صفاء:- بزعل....... ربنا يوفقه ...... مبروك
عبد الرحمن:- مبروك على ايه ........ مش لما العروسة توافق
صفاء:- والدموع بعينها تمنعها من النزول ........... وهى ماتوافقش ليه ........ هتلاقى احسن من رامى فين .......... دا احسن بنت تتمناه
عبد الرحمن:- بخبث ........ يعنى تفتكرى توافق عليه
صفاء:- وهى تحاول مع دموعها الا تنزل ......... لو بتحبه هتوافق عليه
عبد الرحمن:- يعنى انتى موافقة عليه
صفاء:- انا ...... انا مالى
عبد الرحمن:- ما انتى البنت اللى رامى بيحبها وعايز يتجوزها
صفاء:- مش عارفة تقول ايه ....... ولا تعمل ايه ....... تضحك ولا تبكى ...... انا ........ انا مش عارفة ......... انا ......... انت ...... انت فاجئتنى ....... انا ....... انا مش عارفة .......عن اذنك ...... وتدخل صفاء جرى🏃 على غرفتها
عبد الرحمن:- بضحك ........ البت اتجننت ومش عارفة تجمع ...... ربنا يفرحنى بيكى يا بنتى
..........................................
وينتهى اليوم بفرحة وسعادة
ويأتى الصباح المشرق على الجميع ينتظرهم مفاجئات كثيرة
..........................................
فى شقة رامى
يستيقظ رامى على خبط على الباب
رامى:- بنعاس ......... ادخل
..... تدخل رضوى
رضوى:- صباح الخير يا ابيه
رامى:- وهو ينظر لها بنصف عين ...... صباح الخير هى الساعة كام دلوقتى.
رضوى:- الساعة 9. ونص
رامى:- وانتى ما روحتيش المدرسة ليه لحد دلوقتى
رضوى:- مدرسة ايه يا ابيه صح النوم انهاردة الجمعة انت ناسى ولا ايه وكمان انا مش بروح المدرسة
رامى:- وهو يحدفها بالمخدة ........ ولما هو الجمعة بتصحينى ليه يا زفتة
رضوى:- تصدق انا غلطانة ........ ابيه رامز عايزك
رامى:- وهو يقفز من على السرير ........ مش تقولى كدا من الصبح ....... اوعى من وشى. ويتركها ويخرج
..... ويذهب الى الحمام
رضوى:- بتعجب ......... هو ايه الجنان دا وتخرج الى الصالة
فى الصالة هالة مع رامز
هالة:- يلا يا رضوى نحضر الفطار على ما رامى يخلص حمام
رضوى:- حاضر يا ابلة
هالة:- بحب مزيف ........ ولا اقولك ادخلى ذاكرى شوية وانا هخلص وانده عليكى
رضوى:- لأ يا ابلة انا هحضر معاكى ........ وبعد الفطار ابقا اذاكر براحتى
هالة:- ماشى يا حبيبتى اللى يريحك
رضوى:- فى سرها ........ سبحان الله ....... ربنا يهدى
وتذهب رضوى مع هالة الى المطبخ لتحضير الفطار
رامى:- وهو يخرج من الحمام ........ وهو يضع المنشفة على راسه ......... ولابس تيشرت بحملات رفيعة وبنطلون قطن ......... صباح الخير يا رامز
رامز:- صباح الخير يا رامى
رامى:- وهو يجلس بجواره ........ خير كنت عايزنى
رامز:- اه عايزك بس بعد الفطار ........ ادخل البس الاول
رامى:- ماشى اللى يريحك .......... ويدخل رامى يلبس تشرت نصف كم ويمشط شعره ........ ويخرج يفطر مع اخواته
........ بعد الفطار دخلا رامى ورامز غرفة الصالون
رامى:- خير يا رامز عايزنى فى ايه
رامز:- بص يا رامى الموضوع اللى هكلمك فيه مهم اوى
رامى:- ما تتكلم عالطول ألقتنى فى ايه خير
رامز:- لا اطمن خير ان شاء الله ........... انا فكرت فى حاجة مهمة ولازم اخد رائيك فيها
رامى:- حاجة ايه
رامز:- انا بفكر ابيع ناصبنا لعمى واشترى بيت لينا بعيد
رامى:- ليه يا رامز عايز تبعد عن عمك ....... هو حد زعلك فى حاجة
رامز:- ما فيش حاجة ....... بس البعد اريح للكل ........ وانت بتسافر طول الشهر وما بترجعش غير يومين وتسافر تانى
رامى:- وانت بدل ما تعيش فى وسط اهلك عايز تبعد عنهم
رامز:- انا مخنوق وعايز ارتاح
رامى:- وانت فاكر لما تبعد هترتاح ..... تبقا غلطان ....... دا انت هتتعب اكتر ........ ومش هتلاقى حد جنبك
رامز:- انت هتكون معايا ورضوى وهالة
رامى:- بعيظ بيداريه من سيرة هالة ......... انا مش هبيع ...... ورضوى لسه صغيرة ......... دا انا لسه مكلم عمى امبارح علشان ابنى شقة ليا فوق واتجوز فيها ...... تيجى انت النهاردة تقولى نبيع ....... لا انا اسف مش هبيع ........ عن اذنك الحق صلاة الجمعة
....... ويتركه رامى ويذهب الى الجامع دون ان يسمع منه رد
.......................................
بعد ما رامى ساب رامز ونزل ...... دخلت اليه هالة
هالة:- ها عملت ايه كلمته
رامز:- بحزن ...... ايو كلمته
هالة:- وقالك ايه
رامز:- رفض طبعآ زى ما توقعت ...... وكمان كلم عمى علشان يبنى شقة فوق
هالة:- ايه يبنى فوق ليه هو معه فلوس يبنى
رامز:- معرفش هو قال كدا
هالة:- بخبث ...... طيب مدام هو معه يبنى يدينا الفلوس احنا نمشى وهو ياخد الشقة دى
رامز:- بنظرة غيظ منها ....... انا مش همشى واسيب اخويا
هالة:- اخوك هو اللى مش عايزنا ........ وهو اخوك عايز يبنى ليه هو اصلن بيقعد هنا
رامز:- بيقول عايز يتجوز
هالة:- بخضة ....... ايه عايز يتجوز ..... ودى مين ان شاء الله
رامز:- وانتى مالك اتخضيتى كدا ليه
هالة:- لالا ابدا وانا هتخض ليه ...... انا انا بس خايفة يجيب واحدة اى كلام ومتكونش كويسة
رامز:- لأ اطمنى ....... رامى بيفكر كويس اوى فكل حاجة بيعملها مش هيفكر فى اللى هيتجوزها
هالة:- يمكن واحدة تضحك عليه باسم الحب
رامز:- وهو ينهض ....... رامى ما فيش واحدة تعرف تضحك عليه
هالة:- انت رايح فين
رامز:- وهو يخرج من الصالون ...... نازل اصلى
...... ويتركها وينزل
هالة:- مع نفسها ........ ويا تراه مين دى اللى عايز تتجوزها يا سى رامى ....... علشان كدا مش عايز تعبرنى ....... ماشى انا وراك والزمن طويل ....... واما نشوف مين دى كمان اللى كلت عقلك
. .......... ونسبها تاكل فى نفسها شوية
......................................
قبل وقت ليس بقليل فى شقة عبد الرحمن
عبد الرحمن:- يا صفاء اصحى يا بنتى النهاردة الجمعة
صفاء:- وهى تخرج من غرفتها ....... انا صاحيه من بدرى يا حبيبى وكنت بصلى الصبح ...... صباح الورد يا عبودى
عبد الرحمن:- وهو يقبلها من جبنها ....... صباح الفل يا قلب عبودى ........ يلا علشان نفطر سوا
صفاء:- انت برضه اللى عملت الفطار ....... مش متفقين ان الجمعة والسبت انا اللى هعمل الفطار
عبد الرحمن:- انا بكون مبسوط وانا بعمله .......... وبعدين ما انتى بتعملى الغدا والعشا كل يوم....... ويلا علشان الحق الصلاة
صفاء:- يلا يا حبيبى اقعد وانا هعمل الشاى واجى
....... وتذهب صفاء لعمل الشاى ...... ويرن جرس الباب
...... ويقوم عبد الرحمن ليفتح الباب
عبد الرحمن:- بعد ما فتح الباب ....... اهلا يا رامى اتفضل
رامى:- صباح الخير يا عمى
عبد الرحمن:- صباح النور. ..... ادخل يابنى افطر معانا
رامى:- شكرآ يا عمى سبأتكم ........ هستناك تحت نروح الجامع سوا
عبد الرحمن:- ماشى يا بنى اللى يريحك
رامى:- عن اذنك
عبد الرحمن:- اتفضل ....... وينزل رامى ويدخل عبد الرحمن
صفاء:- كنت بتكلم مين يا بابا
عبد الرحمن:- بتوهان ...... دا رامى
صفاء:- ودقات قلبها تكاد تسمع ....... ومدخلش ليه
عبد الرحمن:- مرضيش
صفاء:- وكان عايز ايه
عبد الرحمن:- كان عايزنى علشان الصلاة ......... وبيقول هيستنانى تحت
صفاء:- طيب يلا نفطر علشان تلحق الصلاة
عبد الرحمن:- وهو يجلس على السفرة ....... ياترا فيك ايه يا رامى
صفاء:- بتقول حاجه يا بابا
عبد الرحمن:- لا يا حبيبتى ما تشغلش بالك انتى
........ وبعد ان انها عبد الرحمن فطاره توضاء ونزل ل رامى ليذهبا سويآ للصلاة
....... واتجهت صفاء لتنظيف الشقة قبل خطبةالجمعة
------------------------------------
عند عبد الرحمن ورامى فى طريقهم الى المسجد
عبد الرحمن:- خير يا رامى مالك
رامى:- سلامتك يا عمى ماليش
عبد الرحمن:- انت هتخبى عليا ولا ايه .... هو انا مش عارفك
...... ولسه رامى هيتكلم يسمع صوت رامز ينادى عليه
رامز:- يا رررامى استنونى ...... ويلحق بيهم رامز
رامز:- صباح الخير يا عمى
عبد الرحمن:- صباح النور يا رامز ...... اتاخرت ليه
رامز:- معلش يا عمى رامى اللى نزل بدرى
عبد الرحمن:- طيب يلا مد رجلك انت وهو علشان نلحق نوصل قبل الاذان
ويذهبا الثلاثة الى المسجد
---------------------------------------
اما عند هالة ورضوى
هالة:- انتى يا ست رضوى
رضوى:- نعم يا ابلة هالة
هالة:- يلا يا هانم علشان ننضف البيت قبل اخواتك ما يرجعوا من الصلاة
رضوى:- طيب وانا مالى بالتنضيف. ...... انا عندى مذاكرة
هالة:- مذاكرة ايه يا ختى .......... يلا قدامى نخلص قبل ما اخواتك يرجعوا
رضوى:- يا ابلة ......تقطع كلامها هالة
هالة:-بصوت عالى ........ بلا ابلة بلا زفت ....... يلا قدامى
رضوى:- بخوف .......... حاضر حاضر
.......... وتذهب رضوى مع هالة لانهاء تنظيف الشقة وهى مجبرة
-----------------------------------------
......... فى شقة صفاء
بعد ما صفاء انهت تنظيف الشقة اتصلت بصديقتها منار
منار:-يا مساء الانوار
صفاء:- مساء الحب يا قلبى
منار:- الله الله دا احنا باين علينا مبسوطين اوى
صفاء:- بفرحة تبان على وشها ......... طبعآ لازم اكون فرحانة مش عروسة.
منار:- ايه مين ..... . هو انا سمعت صح ولا بيتهيئلى
صفاء:- بضحك ......... ايو سمعتى صح
منار:- اللى هو ايه بقا
صفاء:- انتى اتهبلتى يا بت ولا ايه
منار:- لأ ما انا لازم افهم ........ دا انا سيباكى بالليل ايه اللى حصل فى سواد الليل
صفاء:- رامى طلبنى من بابا
منار:- عاااااااااا ..........
صفاء:- يخربيتك .....طبلة ودنى اتخرمت
منار:- احلفى كدا ...... وحيات ابوكى
صفاء:- وحيات ابويا
منار:- لأ بقولك ايه مش هينفع كلام فى التليفون ......... انا مسافة السكة واكون عندك ....... سلام
صفاء:- طيب اسمعى الاول ....... قفلت السكة المجنونة دى
... ........ وبعد وقت وصلت منار
وحكت لها صفاء كل ما قاله لها والدها
منار:- وانتى عملتى ايه
صفاء:- دا انا كنت هموت من الفرحة ...... ومعرفتش ارد على بابا وجريت على الاوضة
منار:- طيب هتردى على باباكى امته
صفاء:- لما يسألنى تانى هقوله موافقة
منار:- وهى تحضنها وتقبلها ......... الف مبروك يا قلبى
صفاء:- الله يبارك فيكى عقبالك
منار:- من بؤقك لباب السما يارب
صفاء:- يالهوى عليكى هتموتى وتتجوزى ههههههه
.........ويظل الصديقتان يضحكان
----------------------------------------
وتنهى حلقتنا اليوم.
انا عارفة ان الاحداث بطيئة
بس علشان ما فيش حاجة تقع منى
اشوفكم الحلقة الجاية على خير
ويارب الحلقة تعجبكم
ويارب يكون فى تفاعل مع الحلقات
مع تحياتى #كوثرمحمد
