مازلت ملكة فى بيت أبى
------------------------------
الحلقة السابعة:- بقلمى #كوثرمحمد
------------------------------------------
بعد ما صفاء دخلت تعمل الشاى
عبدالرحمن:- ان شاءالله اما ترجع الاجازة الجاية احنا هنكون مجهزين كل حاجه وهنعمل ال شبكة وكتب الكتاب مع بعض زى ما اتفقنا ……… وان شاءالله هنزل من بكرا اشوف البنا واتفق معه على كل حاجه علشان نخلص الشقة بسرعة
رامى:- اللى تشوفه يا عمى ……… الفلوس مع حضرتك واعمل كل اللى انت عايزه وفى جمعية كبيرة هقبضها بعد شهرين نكمل بيها الباقى
عبدالرحمن:- خلاص على خيرت الله ..……… انا مش هوصيك على صفاء يا رامى
رامى:- دى فى قلبى قبل عنية يا عمى اطمن وربنا يقدرنى واقدر اسعدها
عبدالرحمن:- ان شاءالله انا مطمن طبعآ
………وهنا تاتى صفاء بالشاى
صفاء:- اتفضلوا الشاى
وبعد ما شربوا الشاى استاذن رامى وصعد الى بيته
عبدالرحمن:- يلا يا عروسة تصبحى على خير
صفاء:- وانت من اهله يا قلبى
وكل واحد اتجه الى غرفته
وبعد التعب الجميل طول اليوم ذهبت صفاء فى سبات عميق ( وعقبال كل البنات)
-------------------------------------------------
تانى يوم فى شقة رامى
__________________
رامز يدخل غرفة رامى
رامز :- صباح الخير يا رامى
رامى:- صباح الخير يا رامز
رامز:- اتفضل
رامى:- وهو ينظر إلى ما معه ……… ادا
رامز :- خاتم
رامى :- ما انا شايف انه خاتم ……… بتاع مين دا
رامز :- دا هدية منى ل صفاء
رامى :- اهيك قولتها منك ل صفاء
رامز :- تقصد ايه
رامى:- يعنى انت اللى تديها ل صفاء
رامز :- ما انا وانت واحد
رامى :- اكيد طبعآ انا وانت واحد …… لكن اما تيجى منك انت احلى وبعدين صفاء اختك الصغيرة ولا ايه
رامز:- بضحك ……… ايه 😂 خلاص انا هديهولها يوم الشبكة
رامى :- اللى يريحك اعمله
رامز:- يلا اسيبك تكمل لبسك ويلا علشان نفطر ……… ويتجه رامز للباب
رامى:- رامز
رامز :- فى حاجه يا رامى
رامى :- وهو يحضنه ……… ربنا يخليك لينا
رامز :- وهو يحضنه ……… ويخليكم ليا ……… يلا بقا انا عصافير بطنى بتعيط
رامى :- هههههه حاضر وراك عالطول
---------- ويخرج رامز ويكمل رامى لبسه ويخرج ليفطر معهم
______________________________
بعد الفطار رامى نزل يقضى شويه مشاوير
ورامز نزل على شغله
ورضواى دخلت غرفتها علشان تذاكر شويه الامتحانات قربت
وهالة دخلت غرفتها تتكلم فى الفون
هالة:- الو
......:- الوز ايه يا قلبي ايه الاخبار
هالة:- اخبار زفت
......:- ليه بس كدا ايه اللى حصل
هالة:- رامى ارا (قراء) فتحته على صفاء امبارح
......:- الله يخربت اخبارك على الصبح.... ازاى دا حصل وانتى ما قولتيش من بدرى ليه
هالة:- انا اصلن اتفاجئت بالموضوع وسمعت الزغاريط ولا كنت اعرف
......:- ورضواى ما كنتش تعرف
هالة:- لأ مكنتش تعرف كانت معايا هنا اما سمعنا الزغاريط
......:- طيب واتفقوا على اى حاجه ولا ايه
هالة:- ايوا هيعملوا شبكة وكتب كتاب اما رامى ينزل الاجازة الجاية
...... :- كمان كتب كتاب....... وايه تانى يا وش السعد
هالة:- هو دا كل اللى اعرفه........ اه ونزلنا امبارح اشترينا الشبكة
.......:- لا كتر خيرك والله
هالة:- وانا مالى كنت هعمل ايه يعنى
......:- لا يا ختى انتى ما تعمليش حاجه انا اللى هعمل
هالة:- هتعمل ايه؟
.......:- بعدين هتعرفى............ قوليلى رامى هيسافر امته على شغله
هالة:- النهاردة بالليل......... ليه هتعمل ايه....... اوعاك تكون هتأذى رامى....... انت عارف انا بحب رامى اد ايه
........:- انا مليش دعوه ب رامى خالص ولا هقرب منه....... وبعدين انتى شيفانى قتال قتلة
هالة:- امال هتعمل ايه
......:- هقولك هنعمل ايه علشان انتى هتسعدينى
هالة:- انا...... وانا هسعدك ازاى بقا
...... :- اسمعى اللى هقولك عليه ويتنفذ بالحرف الواحد
.......... ويبدأ يشرح لها ما سوف تعمله
......:- ها فهمتى هتعملى ايه
هالة:- طبعآ فهمت بس هجيب الحاجه دى منين
.......:- انا هجبهالك واجيبها معايا وانا جى عندكم بكرا
هالة:- ماشى.......... وانا هستناك. ....... يلا سلام
.......:- سلام يا حلوة
_______________________________
فى شقة عبد الرحمن
صفاء :-صباح الفل يا عبودى
عبد الرحمن :- صباح الفل يا قلب عبودى .......... صحيتى بدرى يعنى
صفاء :- اصل جرس الباب رن وصحيت على صوته
عبد الرحمن :- ومين اللى جيه الصبح كدا
صفاء :- دا كان رامى
عبد الرحمن :- خير كان عايز حاجه
صفاء :- لأ دا كان بيصبح عليا....... اقصد عليك..... وبيقولك هيروح مشوار فى السريع ويرجع عالطول
عبد الرحمن :- يرجع بالسلامه انشاء الله
صفاء :- بهمس... يارب
عبد الرحمن :- بتقولى حاجه
صفاء :- سلامتك يا حبيبي... .... يلا علشان نفطر انا حضرت الفطار
عبد الرحمن :- تسلم ايدك يا قمر
.......... وبعد الفطار ينزل عبد الرحمن الى المحل........ وبعد وقت قليل يأتى رامى ويدخل المحل يتكلم مع عمه
-----------------------------------------------
وبعد وقت يطلع رامى على شقتهم ويدخل غرفته
رامى:- انتى بتعملى ايه عندك
هالة:- بخضة....... ياااام........ خضتنى
رامى:- بقولك بتعملى ايه هنا فى اوضتى
هالة :- ه ها هكون بعمل ايه يعنى بروق الاوضة
رامى:- انا مش قولتلك قبل كدا مليون مرة ماتدخليش اوضتى طول ما انا هنا
هالة:- وهى تقرب منه....... مالك بس يا رامى انت مش طايقنى ليه
رامى:- بقولك ايه امور السهوكة دى تعمليهم على حد غيرى......... وما تفتكريش انى هسكت على عاميلك دى كتير........ واللى فى دماغك دا ابعدلك من نجوم السما.... انتى فاهمة ولا لأ ……… ويلا غورى من وشى.......... (ويشدها من دراعها خارج الغرفة)
رضوى :- فى ايه يا ابيه صوتك عالى كدا ليه؟
رامى :- مافيش حاجه……… ويدخل غرفته ويغلق الباب جامد فى وش هالة
هالة :- بغيظ وبهمس........ ماشى يا رامى اما وريتك مابقاش انا هالة
رضوى:- بغيظ من هالة.......... هو ايه اللى حصل
هالة :- وانتى مالك انتى يلا غورى على اوضك
......... وتذهب كل منهم الى غرفتها
-------------------------------------------------
عند صفاء بعد ما طلع عبدالرحمن
عبدالرحمن :- تعالى يا صفاء انا عايزك
صفاء:- خير يا حبيبي
عبدالرحمن :- خير يا حبيبتى ان شاء الله ……… رامى كان قاعد معايا تحت وبنتفق هنعمل ايه فى شقتكم
صفاء:- ماشى يا بابا وايه المطلوب منى
عبدالرحمن :- هو ايه اللى مطلوب منك دا ……… هى مش شقتك يا بنتى
صفاء:- ما انت عارف يا بابا انا مش بفهم فى مواضيع البنا والكلام دا كله
عبد الرحمن:- يابنتى هو انا بقولك تعالى ...... انا بقولك لو ليكى اى طلابات فى دماغك
صفاء:- انا مافيش حاجه حالين فى دماغى......... اما افكر فى حاجه معينة هقولك
عبدالرحمن:- طيب رامى كان بيقول عايز يعمل حمام داخل اوضة النوم........ دا غير الحمام الخارجى طبعآ
صفاء:- تمام ...... حلو الكلام دا....... كنت هفكر فى كدا
عبدالرحمن:- طيب الحمدلله........ كمان المطبخ هيعمله مقفول مش مفتوح كدا زى بتاع مرات رامز
صفاء:- ههههههه......... تقصد امريكانى
عبدالرحمن:- ايو هو دا........... رامى قالى على اسمه بس انا نسيت
صفاء:- ولا يهمك ياقلبي انت تقول اللى انت عايزو
عبدالرحمن:- يعنى اتوكل على الله واتكلم مع الصنيعية
صفاء:- ونعم الوكيل........ ماشى يا حبيبي اللى تشوفه
عبدالرحمن:- على خيرت الله ……… ربنا يكملكم على خير يارب ……… ربنا يدينى العمر لحد ما اشوفك عروسة بالفستان الابيض
صفاء:- ربنا يخليك لينا يارب وتجوزنى وتشوف عيالى وعيال عيالى كمان
عبدالرحمن:- يااااه........ عيال عيالك كمان
صفاء:- اللى عند ربنا مش بعيد……… ربنا يخليك ليا وميحرمنيش منك ابدا ………انا من غيرك ولا حاجه ……… انا من غيرك معرفش اروح ولا اجى ……… انت ضهرى وسندى فى الدنيا بعد ربنا ……… انا من غيرك اضيع
عبدالرحمن :- بعد الشر عنك من الضياع يا حبيبتي ……… ربنا يخليلك رامى..……… رامى راجل بجد وجدع ويعتمد عليه ……… وان شاء الله يكون احسن منى كمان ……… ويكون ضهر وسند ليكى ……… وانتى كمان تكونى سنده فى الدنيا
صفاء:- عمر ما فى حد فى الدنيا هيكون زيك ابدآ........... انت كل حياتي ودنيتى ربنا ما يحرمني منك ابدآ ابدآ يارب
عبدالرحمن:- ولا يحرمنى منك ابدآ يا حبيبتي….…. عبدالرحمن وهو يمسح دموعه ……… وبعدين معاكى بقا ……… احنا مش هنتغدا النهاردة ولا ايه؟
صفاء:- وهى تمسح دموعها……… لا حالآ الغدا هيكون جاهز……… وتذهب صفاء لتحضير الغداء
....... وينتهى اليوم ويسافر رامى بعد ما يودعهم الى موقع عمله فى البحر الأحمر
____________________________
وتنتهى حلقة اليوم واشوفكم فى الحلقة الجاية على خير ان شاءالله
عايزة تفاعل مع الحلقة
مين اللى بتكلمه هالة؟
وايه اللى ناوين عليه؟
وايه اللى هيحصل؟
مع تحياتى #كوثرمحمد
