مازلت ملكة فى بيت أبى

11

مازلت ملكة فى بيت أبى
-----------------------------
الحادية عشر بقلمى #كوثرمحمد
--------------------------------------
بعد ما رضوى طلعت تجيب تليفونها
هالة:- وهى تضع يداها فى وسطها......... ما تتعبيش نفسك........ الدليل اللى كنتى بتزلينى بيه خلاص بح راح خلاص
رضوى:- وهى تنظر لها بثقة.......... ليه هو حد قالك عليا انى هبلة ولاعبيطة علشان اسيب التليفون وانا عارفة ومتأكدة انك هتمسحى اللى عليه............ انا كنت سايبة التليفون قصد وعارفة انا بعمل ايه كويس
هالة:- بغيظ.......... انتى تقصدى ايه يا بت انتى
رضوى:- البت اللى مش عجباكى دى هى اللى هتكشف حقيقة كل اللى بتعمليه واللى عملتيه.......... ولسه كمان اما ابيه رامز يعرف كل حاجه من طقطق ل سلام عليكم
هالة:- انتى بتهددينى يا مقصفت الرقبة
رضوى:- تؤتؤتؤ......... كدا ازعل واجيب ناس تزعل......... والناس اللى هجيبها زعلهم وحش اوى انتى مش قادهم..........  وتبعت لها قبلة فى الهواء........... سلام يا... يا حلوة 😙
........ وتنزل رضوى على شقة عمها
هالة تتصل ب عادل
عادل:- ايو ايه الجديد
هالة:- البت بنت ال....... بتهددنى
عادل:- انتى مش مسحتى كل حاجه
هالة:- ايو مسحت كل اللى على التليفون
عادل:- احسن برضو............. اطمنى وماتخفيش لو اتكلمت نص كلمة…….… هنطلع صور صفاء......... وانتى اول ما جوزك يجى قولى ان صفاء ورضوى طلعوا ضربوكى
هالة:- خلاص ماشى...... يلا سلام
عادل:- سلام
  ---------------------------------------------------
بعد ما رضوى نزلت عند صفاء
صفاء:- ها ورينى التليفون
رضوى:- للاسف مسحت كل اللى على التليفون
صفاء:- بعياط😭😭 يعنى مافيش اى دليل دلوقتى على برأتى من المصيبة اللى  انا فيها دلوقتى
رضوى:- وهى تغمز لها😉.......... مش عيب عليكى يا ابلة معاكى ضاضا وتقولى كدا
صفاء:- تقصدى ايه؟
رضوى:- ثوانى بس اعمل مكلمة وانتى تفهمى كل حاجه
........... وتتصل رضوى بإحدا صديقاتها
رضوى:- مساء الفل يا قلب قلبى
سما:- مساء العسل ياعسل....... ايه الاخبار
رضوى:- كله تمام يا كابيرة.......... عايزة التسجيلات اللى معاكى والفيديو
سما:- هى قدرت تمسحهم القادرة
رضوى:- زى ما خططنا بالظبط يا كابيرة
سما:- قشطة يا حبى........ هبعتلك على الواتس
رضوى:- لأ مش انتى معاكى رقم مس صفاء
سما:- ايوا معايا
رضوى:- خلاص ابعتى عليه عالطول......... وهبقا اكلمك بعدين
سما:- اوك يا قلبى........ سلام يا قلبى
رضوى:- سلام يا حبى
........ وتقفل رضوى الفون وتجد كل من صفاء وعبدالرحمن ينظر لها بتعجب 😲😲
رضوى:- اظن كدا فهمتوا
عبدالرحمن:- انتى عمالتى كل دا بالاتفاق مع صحبتك
رضوى:- مش سما بس دى الشلة كلها صورت صوت وصوره كمان........... ووقت ما تحب تقول زيع نزيع 😉
صفاء:- الحمدلله ليك يارب........ الحمدلله
رضوى:- بس فى مشكلة
عبدالرحمن وصفاء:- مشكلة ايه
رضوى:- الصور اللى على تليفون عادل
صفاء:- ااااااه يانى انا عارفة مش هخلص من المصيبة دى
عبدالرحمن:- هو مافيش حد يعرف يجيب الصور دى منه
رضوى:- للاسف مش اعرف......... بس ان شاءالله تتحل
صفاء:- هتتحل ازاى يعنى ماهو ممكن يستغل الصور دى ومش عارفة هيعمل بيها ايه
رضوى:- مش عارفة والله يا ابلة بس الاكيد انه مش هيعمل حاجه فى الوقت الحالى
عبدالرحمن:- وانتى تعرفى منين
رضوى:- والله يا عمى من خبرتى اقول انه هيسيب الصورة لوقت عوزا
عبدالرحمن:- وايه هو وقت العوزا يا خبيرة
صفاء:- اكيد وقت خطوبتى........... 😱 رامى........ رامى لو عرف هيعمل ايه......... 😭😭😭 اكيد هيسبنى
عبدالرحمن:- ربنا يسترها من عنده
رضوى:- المهم دلوقتى هنعمل ايه........... هتقول ل ابيه رامز ولا ايه ؟
عبدالرحمن:- والله يا بنتى ما انا عارف........... دا رامز ممكن يطلقها فيها
صفاء:- لازم يعرف
رضوى:- وانا مع رأى ابلة صفاء
  --------------------------------------------------------
فى شقة رامز.......... يصل رامز من العمل..
........ ويجد هالة تبكى
رامز:- ببرود.......... خيررر يا هالة ايه اللى حصل بتعيطى ليه
هالة:- بدموع التماسيح........ اختك وبنت عمك
رامز:- اشمعنا
هالة:- بغيظ.............. هو ايه اللى اشمعنا
رامز:- وهو يخلع حذائه............ ما تنجزى يا هالة......... عمالوا ايه
هالة:- ضربونى وشتمونى ومرمتوا بكرمتى الارض
رامز:- بعدم تصديق........... لا والله امممم.......... ورضوى فين
هالة:- وهى مازالت تتصنع البكاء........... نزلت تحت عندها
رامز:- طيب انا هنزل اشوف الحكاية دى ايه
……… وينزل رامز تحت عند عم
   ------------------------------------------------------
فى شقة عبدالرحمن كانت رضوى بتفكر تقول ل رامز حكاية هالة ازاى
وهنا دق جرس الباب................. وذهب عبدالرحمن ليفتح الباب
عبدالرحمن:- اهلا وسهلا ازيك يا رامز
رامز:- اهلا بيك يا عمى ازى حضرتك
عبدالرحمن:- الحمدلله بخير ونعمة من الله
رامز:- يارب دايما بخير يا عمى............... امال فين رضوى وصفاء
عبدالرحمن:- صفاء تعبانة شوية ورضوى معاها جوا
رامز:- الف سلامة عليها خير مالها
عبدالرحمن:- بلجلجة............ ابدآ يا ابنى شوية تعب بسيط
رامز:- طيب يا عمى ممكن ابص عليها
عبدالرحمن:- اه طبعا يا بنى.......... ثوانى بس اقولها
.............. ويدخل عبدالرحمن يبلغ صفاء بوجود رامز وانه عايزة يدخل يشفها
صفاء:- انا هطلعلو واتكلم معه
عبدالرحمن:- هتقولى على كل حاجه
صفاء:- ايو يا بابا هقول على كل حاجه
رضوى:- وانا جايه معاكى يا ابلة
............ وتخرج صفاء مع والدها ورضوى
صفاء:- ازايك يا ابيه
رامز:- الحمدلله بخير............ الف سلامة عليكى خير مالك
صفاء:- اتفضل استريح الاول........ انا بخير الحمدلله وربنا ساترها معايا الحمدلله
رامز:- فى ايه يا صفاء انتى بتتكلمى كدا ليه
صفاء:- شوف الاول الفيديو دا وبعدين نتكلم
.......... وتبداء صفاء فى تشغيل الفيديو............ ورامز يشوف هالة وهى بتتكلم مع عادل وكل اللى حصل فى شقة عمه
رامز:- 😲هو اللى بيحصل دا بجد ولا ايه......... هى دى هالة ودا عادل ولا دا فتوشوب ولا ايه انا مش فاهم حاجه خالص ............ وبعدين هما هنا فى شقتكم ليه ومن امته وهالة بتنزل عندكم
عبدالرحمن:- طيب اهدا يابنى واقعد علشان تفهم
رامز:- طيب هو انتى ازاى صورتى وانتى اصلن  موجودة فى الفيديو
رضوى:- انا اللى صورت انا واصحابى .......... ولما انا نسيت تليفونى   فوق طلعت اجيبه لقت ابلة هالة مسحت كل حاجه عليه............ وهى ما تعرفش ان مصورين بتليفونات اصحابى.......... واتصلت بواحدة من صحباتى وخلتها بعتت الفيديو على فون ابلة صفاء
رامز:- طيب هما عملوا كدا ليه......... واتلموا على بعض ازاى........... وهيستفادوا ايه من كدا
عبدالرحمن:- اتلموا على بعض هنا فى شقتكم اما بيجى يدى الدرس ل رضوى……… ومراتك بتكره صفاء علشان اتخطبت ل رامى
رامز:- وهى مالها يتخطبوا ولا لأ............ يهمها فى ايه؟
عبدالرحمن:- ما هى............ استغفر الله العظيم........ عينها من اخوك
رامز:- بصدمة........... عينها من اخويا ازاى يعنى
عبدالرحمن:- ماتفهم يبنى............. بتشاغله يعنى......... بس اقسملك بالله العلى العظيم  ان اخوك كان بيصدها وبينزل يحكيلى على كل حاجه وانا اللى مش بخليه يحكيلك علشان خايفين عليك من الصدمة
رامز:- 😞😞 من غير حلفان يا عمى انا مصدقك………… انا السبب فى انها تكون كدا
عبدالرحمن:- انت السبب فى ايه يا بنى
رامز:- بحزن على نفسه.............. علشان انا مش بخلف وهى ساكتة
عبدالرحمن:- لا حولا ولا قوة إلا بالله........... بس يا بنى لو انت فعلن مش بتخلف مراتك دى مش هتفضل معاك ولا يوم واحد......... اكيد فى غلط فى الموضوع دا
رامز:- فى غلط ولا مافيش ......... هى بعد اللى عملته واللى حصل.......... وكمان بتمثل عليا وتقول أن صفاء ورضوى ضربوها وبهدلوها............... انا هطلقها ولا تعيش يوم تانى على زمتى.......... بس المهم دلوقتى نعرف نجيب الصور اللى مع الحيوان دا
عبدالرحمن:- مع ان الواحد مش بيحب خراب البيوت.............. بس هى تستاهل
رامز:- بكل هدوء......... طيب انا هطلع اشوف المصيبة اللى فوق دى مش لازم تفضل اكتر من كدا فى البيت
.......... ويطلع رامز بدون ما ينتظر رد من حد
عبدالرحمن:- الله يكون بعونك يا بنى
صفاء:- بغيظ......... شوفتوا بتتبلة علينا ازاى............. بنى ادمة حقيرة فعلن
رضوى:- انا نفسى اطلع اجبها من شعرها والله
عبدالرحمن:- ممكن تهدوا انتو الاتنين مش عيزين فضايح
   ---------------------------------------------------------
فى شقة رامز
........ رامز اول ما دخل الشقة شاف هالة فى وشه
رامز:- بكل هدوء......... من غير ولا كلمة لمى هدومك وتنزلى على بيت اهلك......... ومش عايز اشوفك هنا تانى
هالة:-بصوت عالي........... اه هما طلعونى انا اللى غلطانة وسخنونك عليا كمان
رامز:- كان خلاص جاب اخره............. ضربها قلم جامد بكل اللى جواه........... انا مشفتش حد فى بجحتك.......... بعد كل اللى عملتيه لسه ليكى عين تتكلمى وتعلى صوتك كمان.......... اوعى تكونى فاكرة علشان انا عالطول ساكت ومش بتكلم يبقا هتقدرى تضحكى عليا بدموع التماسيح بتعتك دى........... اصحى كدا انا من زمان اوى وانا فهمك وعارف كل حاجه ......... وواخد بالى اوى من اللى كنتى بتعمليه مع رامى........... واللى كان مسكتنى انى عارف اخلاق اخويا كويس اوى........ لكن انتى واحدة واطية وزبالة وعمرك ما هتكونى بنى ادمة ابدآ............. انتى طالق طالق طالق بالتلاتة...... ( رامز كان مع كل كلمة بيقولها بيضرب فيها لحد ما بقا وشها كله دم من كتر الضرب)........ ومسكها من دراعها وطلعها برا الشقة وقفل الباب بغل........ غورى فى ستين داهيه اوعى اشوف وشك تانى
.......... ودخل رامز رما نفسه على اول كرسى قبل ما يقع على الارض
  ------------------------------------------------------
فى شقة عبدالرحمن تقريبآ الصوت كان واصل عندهم
رضوى:- بزعل............. انا صعبان عليا ابيه رامز اوى. ……… دا غلبان وطيب اوى
صفاء:- انا كمان صعبان عليا...... بس كان لازم يعرف
عبدالرحمن:- الحمدلله على كل حال....... ربنا يعوض عليه باللى احسن منها
رضوى وصفاء:- يارب
   -----------------------------------------------------
هالة بعد مانزلت للشارع فضلت تزعق بصوت عالى وتسب وتلعن فى صفاء
هالة:- بصوت عالى............... اسمعوا يا عالم وشوفوا الست الابلة اللى عاملة نفسها شريفة وعفيفة بعد ما كشفتها على  حقيقتها.……… خربت بيتى وطلعتنى ظالمة................. شوفوا.... شوفوا ياناس الست صفاء عاملة ايه.......... شفتها بعينى مع الاستاذ عادل فى شقتهم........... تعالوا شوفوا......... وفى الاخر تتبلا عليا انا..... انا الطاهرة الشريفة اللى عمرى ما ازيت حد ولا عملت حاجه وحشة فى حد
....... الشارع كله اتلم عليها........ وفى منهم اللى مش مصدقها........ وفى اللى شمتان....... وفى اللى فرحان.......... وكل واحد بكلمة على مزاجه
عم محمد:- استغفر الله العظيم............ وايه دليلك على الكلام دا......... عندك دليل
هالة:- طبعآ........ طبعآ عندى الدليل امال انا هتبلا عليها
رضوى:- بعد ما نزلت على صوتها مع عبد الرحمن........... انا كمان معايا دليل على كدبك دا كله
هالة:- نشوف يا ست رضوى اللى عندك ولا اللى عندى الناس هى اللى تحكم
  -------------------------------------------------------
نشوف ايه هيحصل فى الحلقة الجاية
فى انتظار توقعتكم
اشوفكم على خير
مع تحياتى #كوثرمحمد