مازلت ملكة فى بيت أبى
-----------------------------
الحلقة السادسة عشر
--------------------------بقلمى #كوثرمحمد
فى المدرسة عند صفاء ومنار
منار:- ايه يا صفاء مالك.......... انتى زعلتى ولا ايه
صفاء:- لا يا حبيبتى وازعل ليه.......... انا بس اتفجئت
منار:- انا اسفة يعنى لو كنت فكرتك ب رامى
صفاء:- بأبتسامة خفيفة.............. رامى ايه وبتاع ايه سيبك من الكلام دا وقوليلى....... مين العريس دا وعرفتيه منين وفين وجيه امته وازاى معنديش خبر من الاول وهو مين و
منار:- استوووووب بس ايه بلاعة واتفتحت ايه يا ماما براحة شوية على نفسك
صفاء:- طيب يلا قولى
منار:- اقول ايه هو انا اعرف عنه حاجه
صفاء:- نعم يا ختى دا اللى هو ازاى يعنى
منار:- انا هحكيلك بصى يا ستى امبارح وانا قاعدة بحضر حصص انهارده لقيت خالى صلاح جيه عندنا
صفاء :- اختصرى يا منار وجيبى من الاخر عندنا حصة يا ماما
منار:- مش بقولك اللى حصل
صفاء:- طيب انجزى
منار:- المهم بعد السلامات والكلام الكتير خالى صلاح قالى ان فى واحد صاحبه بيدور لابنه على عروسة وهو رشحنى ليه وهيجى يوم الجمعة الجاية يشوفنى
صفاء:- يعنى فى الاخر هتتجوزى جواز صالونات يا منار
منار:- يعنى عيزانى اعمل ايه ما اللى اتنيلت على عينى وحبيته طلع متجوز
صفاء:- بخبث..... واهو طلق
منار:- وبعد ما طلق يعنى هروح اقوله تعالى اتجوزنى والنبى
صفاء:- لا يا ستى هو اللى هيجى لوحده
منار:-يا شيخة روح........ ايه انتى بتقولى ايه
صفاء:- بضحك......... بقولك هو هيجى لوحده
منار:- احلفى..... قولى واللهي
صفاء:-واللهي
منار:-لأ انا مش فاهمة حاجة واحدة واحدة كدا وبشويش واحكيلى اللى حصل بالظبط وماتفوتيش كلمة
صفاء:- بضحك....... والعريس اللى هيجى يوم الجمعة
منار:- لاااااا عريس مين وبتاع مين.......... مافيش خلاص اعتبريه راح لحال سبيله........... احكى بقا واخلصى
صفاء:- طيب يا ستى اسمعى....... (وتحكى لها صفاء كل ما دار بينها وبين رامز بدون ذكر الكلام اللى يخصها فلا داعى لذكره)........... ودا يا ستى كل اللى حصل بالظبط
منار:- بصوت عالى.......... عاااااااا بجد والله
صفاء:- يا مجنونة وطى صوتك كويس ان مافيش حد معانا
منار:- طيب طيب....... قولى بقا هيجى امته
صفاء:- بخبث........... الله مش لما تشوفى العريس التانى الاول
منار:- بلا تانى بلا تالت انا هتصل بماما تقول لخالى يزحلقه خلاص
صفاء:- فى مدرسة محترمة تقول يزحلقه
منار:- بقولك ايه بلا مدرسة بلا محترمة قال سيبك وقوليلى هيجى امته
صفاء:- شوفى المعاد اللى يناسبكم وقوليلى وانا ابلغه
منار:- بسرعة كبيرة......... النهارد يجى النهاردة
صفاء:- النهارد ايه يا متخلفة انتى مش لما تقولى لطنط سهير الاول وتظبطى الدنيا مع خالك دا
منار:- انا هتصل بماما دلوقتى اقولها وهى تخلص مع خالى............... وتهم بمسك الفون
صفاء:- وهى تمسك منها الفون.......... مش وقته بعد ما تخلصى الجرس ضرب والحصة التانية هتبداء.
منار:- طيب خلاص اشوفك بعد الحصة
صفاء:- وهى تتجه الى فصلها......... لا انا عندى حصتين ورا بعض اشوفك فى الفسحة بقا سلام
منار:- اوك سلام
وتتجه كل واحدة الى فصلها ___________________________________________
نروح البحر الأحمر عند رامى هو وصديق له واسمه وليد
وليد:- ايه يا رامى مش ناوى تنزل الاجازة دى كمان ولا ايه ؟
رامى:- ببرود......... لأ مش ناوى
وليد:- ايه يابنى اللى حصلك............ دا انت اكتر واحد فينا بتكون فرحان بالاجازة....... واخر اجازة ليك كنت راجع طاير من الفرحة علشان كنت هتخطب بنت عمك ........ ايه بقا اللى حصل بعد كدا
رامى:- محصلش حاجه
وليد:- بأسرار...... لأ حصل وحصل حاجه كبيرة كمان.......... احكيلى يا صحبى يمكن نلاقيلها حل
رامى:- بتنهيدة جامدة...... ملهاش حل
وليد:- وهو يرتب على كتفه........ مافيش حاجه فى الدنيا ملهاش حل .... احكيلى انت بس كل اللى فى قلبك وربنا ان شاءالله هيحلها
رامى:- انا فعلن كنت فرحان ومبسوط من اخر اجازة لان اخيرآ قدرت افاتح عمى فى جوازى من بنته وهو وافق وهى كمان وافقت وكنا اتفقنا على كل حاجه ونزلنا جبنا الشبكة كمان وطلبت من عمى اننا نكتب الكتاب ووافق واتفقنا ان الاجازة الجاية هتكون الخطوبة وكتب الكتاب......(ويسكت رامى)
وليد:- كل دا حلو اوى وبعد كدا حصل ايه
رامى:- بتنهيدة اخرى........ بعد كدا خلصت اجازتى بعد ما اتفقنا على كل حاجه ورجعت على هنا وانا وصفاء كل شوية نكلم بعض فى الفون والحياة كانت حلوة وتمام التمام....... وفات اكتر من اسبوع من اجمل الايام اللى مرت عليا
وليد:- ها وبعد كدا حصل ايه
رامى:- وهو يتذكر الصور...... فى يوم كنت راجع من الموقع والوقت دا بتكون صفاء بتبعتلى ماسچ تشوفنى خلصت شغل ولا لسه...... لقيت صور مبعوتة على الواتس... انا فكرتها صفاء
وليد:- امال طلع مين
رامى:- طلعت من مرات اخويا
وليد:- بأستغراب....... مرات اخوك
رامى:- ايوا بعتالى صور لصفاء مع مدرس زميلها فى اوضاع زبالة
وليد:- انت اهبل يابنى ولا ايه....... هى مش مرات اخوك دى اللى كانت بتشغلك
رامى:- ايو هى
وليد:- استغفر الله العظيم...... يا بنى ادم من غير مخ ماهى واضحة زى عين الشمس اهى..... دا العيل الصغير يفهمها لوحده
رامى:- هى ايه يا فالح
وليد:- اللعبة اللى اتلعبت عليك وانت زى الحمار شربتها
رامى:- ما تلم نفسك يا جدع انت عمال تشتم من الصبح وانا سكتلك
وليد:- انا اسف..... بس يعنى ما كلامك اللى يغيظ بصراحة
رامى:- وانت فكرك انا ما فكرتش فى الكلام اللى بتقوله دا
وليد:- وايه اللى طلع معاك فى الاخر يا فالح
رامى:- انا فى الاول قولت انها لعبة من الزفتة دى وبعدين فضلت ابص فى الصور لقتها فى شقة عمى
وليد:- يا صلاة النبى....... ودا بقا اللى يأكد انها لعبة
رامى:- ازاى بقا يا فالح بقولك فى شقة عمى
وليد:- انا اول مرة اعرف انك غبى اوى كدا
رامى:- وليييييد
وليد:- خلاص يا عم . . . . بس بالمفهمية كدا لو هى فعلآ عملت كدا....... تقدر تقولى مين اللى صورهم. ..... .. ايه جابت مصور ولا هى جهزت كاميرات تصور نفسها علشان تفضح نفسها......... ولا هو بقا قالها استنى اما نتصور للذكرى
رامى:- طيب انا معاك فى كل الكلام دا تقدر تقولى دخل الشقة ازاى ووصل كمان لاوضتها وعلى سريرها وباللبس اللى هى كانت لبساه
وليد:- الرد على سؤالك دا عندها هى تقدر تسألها وتستفسر منها
رامى:- اسأل مين
وليد:- خطبتك
رامى:- بعد ايه ماخلاص
وليد:- هو ايه اللى خلاص
رامى:- يسكت
وليد:- انت عملت ايه
رامى:- اتصلت بيها وشتمتها وفسخت الخطوبة
وليد:- بصوت عالى ................. الله يخرب بيتك انت مخك دا فى ايه
رامى:- كنت عايزنى اعمل ايه كانت الصدمة مقصرة عليا
وليد:- وهو يرتب على كتفه........... خلاص اهدا وربنا يحلها من عنده
رامى:- ازاى بس دا انا عكتها على الاخر
وليد:- سيبها على الله وعليا
رامى:- ونعم بالله...... طيب هتعمل ايه
وليد:- هقولك تعمل ايه مش انا اللى هعمل ايه
رامى:- طيب قول
ويبدأ وليد يقوله الخطة
---------------------------------------------------------
فى منزل منار بعد رجوعها من المدرسة
منار:- انا جيت يا ماما
سهير:- وهى تخرج من المطبخ . . . . . . . حمدلله على السلامة يا حبيبتى
منار:- وهى تقبلها من خدها... .. ... الله يسلمك يارب... .. ها عملنا اكل ايه يا ست الكل
سهير:- عملة (-----و-----)
منار:- الله عليكى يا سوسو يا عسل...... هروح اغير واجيلك هوا
سهير:- وانا هحط الاكل على ما تيجى
......... وبعد ان انتهت منار من تبديل ملابسها اتجهت الى السفرة
منار:- بعد ما بدأت بالطعام.......... ماما كنت عايزه اقولك على حاجه
سهير:- خير يا حبيبتي
منار:- بصراحه كدا انا مش موافقة على العريس اللى جايبه خالى صلاح
سهير :- وهى تضرب على صدرها. ... .... . يالهوى ليه يابنتى ماانتى كنتى موافقة ايه اللى غير رأيك اتكلمتى مع مين غير كلامك كدا
منار:- يا ماما ادينى فرصة اتكلم وافهمك
سهير :- اتفضلى اتكلمى هو انا منعتك
منار:- بصراحة كدا ومن غير لف ودوران
سهير :- اممممممممممم
منار:- بصراحة فى واحد تانى وانا موافقة عليه (قالت الجملة بسرعة)
سهير:- امممممممم هى الحكاية كدا بقا....... . . ودا يبقا مين بقا ان شاءالله . . . . . . . واحد زميلك فى المدرسة
منار :- لالالالالا يا ماما دا يبقا ابن عم صفاء
سهير :- اخص عليكى يا منار بقا بعد ماساب صفاء عايزة تخديه انتى...... لالالا يا بنتى انا مربتكيش على كدا
منار:- ايه يا ماما الكلام دا انتى فهمتى غلط . . . . . . دا اخوه الكبير رامز
سهير:- اخوه الكبير ازاى هو مش اخوه دا متجوز البت اللى طلعت الاشاعة ايها على صفاء ولا ليه اخ غيره
منار:- لا يا ماما ملهوش اخ غيره
سهير :- يا لهوى يا منار عايزة تتجوزى واحد متجوز ومراته كمان استغفر آلَلَهّ آلَعٌظُيَمً
منار:- لا يا ماما هو طلقها من وقت الحكاية دى . . . . وكمان انا معجبة بيه من زمان
سهير :-يعنى يا بينتى يوم ما تفرحينى واقول خلاص هفرح بيها تتجوزى واحد مطلق
منار:- يا ماما وفيها ايه يعنى هو عيب ولا حرام وبعدين رامز انسان محترم جدا جدا ووقف جمب صفاء واخدلها حقها وكمان هو مناسب جدا وشغال شغلانة كويسة جدا
سهير :- يا حبيبتى انا عايزة مصلحتك وبس واهم حاجه عندى انك تكونى سعيدة فى حياتك
منار:- وانا متاكدة يا ماما ان رامز هو الانسان اللى هيسعدنى
سهير :- طيب يا بنتى اللى يريحك انا عايزة ايه يعنى غير سعتك وهناكى وانى اشوف عيالك قبل ما اموت
منار:- وهى تحضنها..... ... بعد الشر عليكى يا سوسو يا عسل انتى ربنا يخليكى ليا يارب
سهير :- خلاص انا هكلم خالك اقوله يفركش العريس اللى جايبه بقا
منار:- ايوا كلميه وقوليله يجى يوم الجمعه برضو علشان رامز هيجى الجمعه
سهير :- دا انتوا مستعجلين اوى بقا
منار:- 😚😚😚😚😚
سهير :- ماشى يا ست منار هقوله يجى الجمعه ممكن بقا نكمل اكل ولا ايه
منار:- اه طبعاً يا ماما بالهنا والشفا يا رب
ونسيبهم يكمله اكلهم __________________________________________
ونكمل الحلقة الجاية ان شاءالله
مع تحياتى #كوثرمحمد
