مازلت ملكة فى بيت أبى
___________________
الحلقة السادسة:- بقلمى #كوثرمحمد
_____________
بعد ما صفاء اختارت الاسوارة رامى اختار الدبلة وكانت كبيرة وشكلها شيك اوى ولسه صفاء هتعترض
صفاء:- دى غالية اوى يا را
رامى:- هششش قولت مافيش حاجه تغلا عليكى انا لو اطول اجيبلك المحل كله هجيبه
صفاء:- بخجل.... ربنا يخليك
رامى:- ويخليكى ليا يا نبض قلبى......... ممكن تقيسى الدبلة علشان نكتب عليها
صفاء:- حاضر....... وتاخد صفاء الدبلة تقسها وتطلع مقاسها بالظبط وتعطيها ل رامى تانى
رامى:- تمام كدا ممكن تكتب عليها اسم رامى وتاريخ النهارده
الصايغ:- تمام 10 دقايق وتكون جاهزة
رامى:- ورينا بقا الخواتم
صفاء:- كفاية كدا يا رامى ….…… حلوة الدبلة والاسورة
رامى:- عمرك شفتى شبكة عروسة دبلة واسورة بس
صفاء:- تنظر له وتسكت
….…… ويأتى اليهم الصايغ بمجموعة خواتم تختار منهم صفاء واحد خفيف
رامى:- اختارى واحد غير دا
صفاء:- ليه دا حلو وعجبنى
رامى:- دا شكله خفيف جدا ……… ولا اقولك انا هختار
……… ويختار رامى واحد تانى
رامى:- خد دا اوزنه مع الدبلة
الصايغ:- تحت امرك
رامى:- عندك دبلة فضة بالمرة
الصايغ:- للاسف مش عندى....... لكن فى محل فضة على اول الشارع اذا حابب تجيب منه
رامى:- تمام انا هروح اجيبها على ما تخلص
احمد:- خليها واحنا ماشين نجبها
رامى :- انا هجبها بسرعة واجى علشان يكونوا مع بعض فى علبة واحدة
احمد :- خلاص اللى تشوفوا
........ ويروح رامى يجيب الدبلة الفضة
ولاء:- ايه يا صافى مافيش حاجه فى نفسك عايزة تجيبيها
صفاء :- لا يا قلبى كدا تمام
ولاء:- شوفى انتى عايزة ايه وملكيش دعوة بابا مدينى فلوس اجبلك اللى انتى عايزة
صفاء :- خلاص خليها يوم تانى ننزل انا وانتى نجيب حاجه كدا فى دماغى
ولاء:- خلاص يا قلبى اللى يريحك
رامز:- ها يا صفاء الحاجة عجبتك
صفاء:- اه يا ابيه حلوة اوى
رامز:- ماشى يا حبيبتي تتهنى بيها
....... ويكلم الصايغ على جنب (هنعرف بعدين)
........ وياتى رامى بعد وقت قصير ويعطى الدبلة للصايغ
رامى:- خد دى كمان اكتب عليها صفاء ونفس التاريخ
.......... وياخدها الصايغ ويكتب عليها كما طلب رامى ................. ويضعهم مع بعض فى علبة قطيفة وينتهى رامى من الحساب.......... وبسعادة تزغرط منار و ولاء........ ويهنئ الجميع رامى وصفاء ........... ويتجه الجميع الى السيارة
رامى:- ايه رايكم انا عازمكم نروح نشرب اى حاجه فى اى كافي
احمد:- الله عليك يا عريس
منار:- طيب انا اركب تاكسى وامشى لانى مش هينفع اتاخر اكتر من كدا
رامز :- ليه بس كده يا انسة منار خليكى معانا
منار :- انا اسفة والله لكن انا ما قولتش لوالدتى انى هتاخر كدا
ولاء:- وانا كمان لازم ارجع ل بابا زمان مكة جننته
احمد:- اه صحيح دا انا نسيتها خالص
رامى:- خلاص نخليها بكرا قبل الاجازة بتاعتى ما تخلص
احمد :- طيب ما تروح انت وصفاء ورامز ومدام هالة
رضوى:- وانا كمان
رامز :- انا بقول نسيب رامى وصفاء لوحدهم ونروح احنا مع بعض
احمد :- والله انت بتفهم يا ابو نسب
هالة:-بغيظ ……… طيب وهو ينفع نسبهم لوحدهم عمى عبد الرحمن هيضايق كدا
رامز:- انا هتصل بيه واستاذن منه............. ويتصل رامز بعمه ويستاذن منه وعبد الرحمن يوافق
......... ويذهب الجميع بسيارة احمد ........... ويذهب رامى وصفاء لوحدهم الى احد الكافيهات
-------------------------------------------
فى احد الكافيهات
رامى:- بعد ما طلب عصير ………… ايه بقا
صفاء:- ايه 😚
رامى:- مش هتقولى حاجه
صفاء:- اقول ايه
رامى:- اى حاجه ……..... اغنيها يعنى
صفاء:- انت بتعرف تغنى
رامى:- يعنى اوقات بدندن مع نفسى
صفاء :- وبدندن ايه بقا قديم ولا جديد
رامى :- بدندن اللى يمشى مع حالتى
صفاء:- يعنى ايه مش فاهمة
رامى:- يعنى اما اكون فرحان او زعلان او بفكر مثلآ فى اللى بحبه كل دى حالات
صفاء :- ومين بقا اللى بتحبه
رامى:- واحدة كنت خايف تكون لحد غيرى لكن الحمد لله بقت ليا
صفاء:- وهى مين دى
رامى:- يعنى مش عارفها
صفاء:- تؤتؤ مش عارفها
رامى:- بجدية ………… صفاء انا بحبك وبحبك من زمان اوى ……… وكنت بموت كل ما اعرف ان جايلك عريس ……… وروحى بترجعلى اما اعرف انك رفضى العريس ……. وكنت خايف تروحى منى …… واول ما حسيت انى اقدر اتكلم …… اتكلمت عالطول وفرحت جداً اما عرفت انك موافقة …… حسيت انى طاير فى السما وان الارض كلها مش سيعانى من الفرحة ……… ومش عايز حاجه من الدنيا غير انك تكونى معايا العمر كله
صفاء:- يااااا يا رامى كل دا حب ليا مخبيه ……… ومقولتش ليه من زمان ايه اللى كان مسكتك الوقت دا كله
رامى:- ماكنتش لسه كونت نفسى واول ما بدأت اكون ولقيت فى ايدى فلوس قولت الحقك قبل ما تضيعى منى
صفاء :- عمرى ما كنت هضيع منك
رامى:- بتصنع عدم الفهم……….… ازاى يعنى مش فاهم
صفاء :- بخجل……… اصل ااانا
رامى:- انتى ايه
صفاء :- اناااا اناااا عايزة اروح ……… وتقوم علشان تمشى🚶🏃
رامى :- طيب استنى ادفع الحساب ……… ويدفع رامى الحساب ويحصلها 🏃🏃
رامى:- وهو يمسكها من ايديها ……… استنى يا بنتى فى ايه
صفاء :- بعيون دامعة ……… انا اسفة
رامى :- اسفة على ايه بس. ……… ادا انتى بتعيطى ……… ليه كده
صفاء :- ببكاء . ……… علشان مش قادرة اقولك الكلمة اللى انت عايز تسمعها
رامى :- بضحك.……… هههههههههه يا مجنونة انتى بتعيطى علشان كده انتى فاكرة انى زعلان
صفاء:- تهز راسها بمعنى اه
رامى:- وهو يمسح دموعها….…… يا حبيبتى انا اكتر حاجه بحبها فيكى هى خجلك ……… يا صفاء انتى رغم انك عديدى سن المراهقة لكن بحس دايمآ كل اما اشوفك انك لسه البنوته الصغيرة اللى بتتكسف منى اما اجى اتكلم معاها .….… ويا ستى مش عايز اسمعها منك دلوقتى انا عايز اسمعها اما تكونى معايا فى بيتى وتكونى حلالى
صفاء:- تنظر له نظرت حب وتسكت
رامى:- بابتسامة هادية. ……… طيب يلا نمشى احسن عمى يقيم علينا الحد
صفاء :- تبتسم وتمشى بجواره
يوقف رامى تاكسى ويركبوا ويرجعوا الى البيت
----------------------------------------------
فى بيت عبد الرحمن
-------------------------
ولاء:- شكلهم هيتاخرو ....... احنا نقوم نروح
عبدالرحمن:- ومستعجلة ليه ما لسه بدرى....... وراكى ايه
احمد:- عندنا شغل الصبح يا عمى
عبدالرحمن:- طيب رن عليهم شوفهم فين
………ولسه احمد هيرن ……… باب الشقة اتفتح
صفاء ورامى:- السلام عليكم ورحمة الله
الجميع:- وعليكم السلام ورحمة الله
ولاء:- اتاخرتوا كدا ليه
رامى:- ابدآ الطريق كان زحمة اوى
عبدالرحمن:- الف مبروك يا ولاد
صفاء:- وهى تحضنه.…….… الله يبارك فيك يا حبيبى
رامى:- الله يبارك فيك يا عمى
ولاء:- وهى تحضن صفاء ……… الف مبروك يا حبيبتى
صفاء:- الله يبارك فيكى يا قلبى عقبال مكة
ولاء:- ياااااه احنا فين ومكة فين
عبدالرحمن:- حالآ تغمضى عين وتفتحى عين تلقيها بقت عروسة زى القمر ……… البنات بتكبر بسرعة
احمد:- الله يطمنك يا عمى ….…… يلا نستاذن احنا علشان مشوارنا بعيد …….… الف مبروك يا صفاء مبروك يا رامى
صفاء ورامى:- الله يبارك فيك
.………… وبعد السلامات الكتير ترحل ولاء وزوجها وبنتهم
رامى:- استأذن انا كمان
عبدالرحمن:- رايح فين مشوارك بعيدانت كمان
رامى:- لا ابدآ انا بقول علشان ترتاحوا يعنى
عبدالرحمن:- حد قالك اننا فراخ وبنام من المغرب ……… تعالى اقعد نتكلم شوية
رامى:- تحت امرك ياعمى
عبدالرحمن:- اعملنا شاى يا صفاء
صفاء:- حاضر يا بابا
……… وتدخل صفاء تعمل الشاى
رامى:- خير يا عمى
عبدالرحمن:- خير ان شاء الله
………… ونسبهم يتكلموا براحتهم
-----------------------------------------------
ونكمل بكره ان شاء الله
عايزة تفاعل شوية واعرف رأيكم ايه
مع تحياتى كوثر محمد
