مازلت ملكة فى بيت أبى
------------------------------ الحلقة 27
رامز:- بقلق ما تحكى وتخلصى يا صفاء انا قلبى هيقف من القلق
صفاء:- بعد الشر عنك.... حاضر هحكى..... انا بعد ماجينا من المدرسة وطلعت منار على شقتكم حضرت الغدا ورنيت على بابا علشان يطلع عادى زى كل يوم وطبعاً كالعادة عم محمد كان قاعد مع بابا ومن الزوق ان بابا يعزم عليه انه يطلع يتغدا معه
رامز:- اختصرى يا صفاء انا على اعصابى
عبد الرحمن:- يا بنى اهدا شويه.... الراجل طبعاً بعد الحاح منى وافق انه يطلع معايا واحنا طالعين داخ على السلم والحمد لله لحقته قبل ما يقع بس فى نفس الوقت كان اغمى عليه ومحسش بنفسه..... ندهت على صفاء تلحقه معايا.... وركبنا توك توك واخدنه على العيادة اللى فى الشارع اللى ورانا.... والدكتور قال انه عنده جلطة فى القلب ولازم يروح مستشفى حالآ... هو اسعفه ببرشامة تحت اللسان وحقنة اللى بتدوب الجلطة دى
صفاء:- وبعد كدا احنا اخدنه فى تاكسى على مستشفى التأمين بسرعة علشان نلحقه واول ما دخل طبعاً بعد ما طلعوا عنينا على ما اخدوه دخلوه الرعاية المركزة علشان يكون تحت الملاحظة.... وبعد كدا بابا اتصل على حسن ابنه وجيه هو وخالتى ام حسن واحنا بعد ما اطمنا عليه مشينا وبس هو دا اللى حصل
رامز:- لَٱ حًوٌلَ وٌلَأّ قُوٌةّ إلَأّ بًأّلَلَهّ ربًنآ يَشُفُيَهّ وٌيَعٌآفُيَهّ يَآربً.... طيب وانتى مكنتيش بتردى على التلفون ليه
صفاء:- علشان انا اللى كنت واقفة مع الدكاترة علشان اعرف الحالة كويس واقدر افهم اهله..... ومعرفتش ارد عليك غير اما طلعت برا المستشفى.... واسفة على القلق اللى حصل
رامز:- الحمد لله انكم بخير واطمنا عليكم
عبد الرحمن:- الحمد لله يا بنى على كل حال
صفاء:- بس انت عرفت ازاى اننا مش موجدين
رامز:- اه صحيح احنا عرفنا لما رضوى زغرطت وانتى مطلعتيش تشوفى فى ايه
صفاء:- خير ورضوى كانت بتزغرط ليه ايه الجديد
رامز:- بفرحة فى عنيه.... اصل انا هبقا بابا
صفاء:- بعد استوعاب.... بجد والله الف الف مبروك يا رامز..... وتحضن منار..... مبروك يا قلبي ❤ ربنا يكملك على خير يارب
عبد الرحمن:- وهو يحضن رامز..... مبروك يا رامز الف مبروك يا غالي.... مبروك يا منار الف مبروك
رامز ومنار:- الله يبارك فيكم
صفاء:- احكولى عرفتوا ازاى بس بالتفصيل
عبد الرحمن:- لأ نتغدا الاول وبعدين يحكوا ولا ايه
رامز:- انا والله الفرحة مشبعانى ونسينا الاكل والله
صفاء:- تعالى يا رضوى معايا نحضر الاكل.... وتقوم هى ورضوى
سهير:- اجى معاكم يا بنات
صفاء:- لا يا ماما خلى حضرتك مرتاحة.... انا اسخن عالطول
.... وبعد ما خلصوا الاكل واتغدوا.... وحكتلهم منار ورضوى كل اللى حصل واطمنوا على منار..... استأذنت سهير انها تمشى.... وبعد الحاح كتير من منار انها تفضل معاها وتبات معاها النهاردة... وافقت سهير فى الاخر ....... وبعد وقت كتير..... اخد رامز عيلته وطلع شقتهم..... ودخلت صفاء تكلم رامى كالعادة بعد ما اتفقت مع رامز انها مش هتقول ل رامى على حمل منار وهو اللى يقوله.... ودخل عبد الرحمن غرفته علشان ينام بعد ما كلم حسن واطمن على عم محمد الاول.....
وينتهى اليوم على خير بحلوه ومره..... ويبدأ يوم جديد على الجميع
------------------------------------------------------
تانى يوم وصفاء بتجهز علشان تنزل على شغلها وجدت والدها سرحان ومهموم
صفاء:- وهى تجلس بجواه..... مالك يا حبيبي فيك ايه
عبد الرحمن:- أبداً يا حبيبتي مافيش
صفاء:- على صفصف حبيبتك بردو... دا انت من ساعة ما صحيت وانت مسهم كدا وسرحان..... قولى مالك بقا بتفكر فى ايه
عبد الرحمن:- بفكر فى عمك محمد.... الراجل كان زى الفل وبيضحك ويهزر وفجأة كدا يقع من طوله...... ولوا ساتر ربنا ولحقنه الله اعلم كان حصله ايه
صفاء:- الحمد لله ربنا سترها واهو بقا كويس ويعملوا عملية توسيع شراين والدعامة وهيبقا كويس آنِ شُآء آلَلَهّ.... واما ارجع من المدرسة نروح نزوره..... تمام
عبد الرحمن:- تمام يا أستاذة
صفاء:- وهى تقبل جبينه..... وارتاح شوية ومش مهم تنزل تفتح المحل النهارده..... وانا آنِ شُآء آلَلَهّ مش هتاخر
عبد الرحمن:- خلاص ماشى.... وانا فعلاً مش هقدر انزل
صفاء:- تمام يلا سلام عليكم
عبد الرحمن:- مع السلامة
..... وتذهب صفاء الى عملها بدون منار ( حامل بقا)
وبعد ما ترجع تذهب مع والدها لزيارة عم محمد...... وبعد رجعهم تذهب صفاء لرؤية منار والأطمئنان عليها...... وبعد السلامات والأطمئنان.... طلبت صفاء من منار انها تتكلم معاها فى موضوع مهم...... اخدتها منار ودخلوا غرفة منار
منار:- وهى تجلس...... خير يا صفاء فى حاجه
صفاء وهى تفرك يداها بتوتر:- بصى كدا يا منار من الاخر كدا ومن غير لف ودوران انا عايزة اجوز بابا لمامتك..... قولتى ايه.....(قالت الجملة كلها فى نفس واحد)
منار بعدم استوعاب:- فى ايه
صفاء:- فى اللى انا قولته
منار:- هو انتى بتتكلمى جدا
صفاء:-وهى دى حاجه فيها هزار
منار:- وباباكى هو اللى طلب كدا
صفاء:- لأ انا اللى بطلب منك الاول علشان لو انتى وافقتى هتقدرى تقنعى مامتك وانا اقنع بابا
منار بتفكير:- طيب انتى ايه اللى يخليكى تفكرى فى كدا
صفاء:- بصراحة كدا منظر عمى محمد وهو لوحده صعب عليا اوى ومارتحتش اللى ام مراته وابنه جم.....وتخيلت لو بعد الشر بابا حصل معه كدا وهو لوحده مين هيلحقه......انا نص اليوم بكون برا واما برجع يا دوبك احضر الغدا واقعد معه شوية وبعد كدا ميشوفش وشى غير تانى يوم الصبح.... وكل يوم نفس الكلام...... غير بقا ان انا كلها شهرين تلاتة واتجوز..... اه ممكن اعدى عليه كل يوم واشوف طلباته لكن مش هبات معه ولا هقدر احس بيه لو بعد الشر حصله حاجه
منار:- طيب نفرض ان ماما موافقتش..... هتعملى ايه... ولو ماما وافقت وبابكى ماوافقش هيبقا ايه العمل
صفاء:- هنفضل وراهم لحد ما هما الاتنين يوافقوا
ويدخل رامز على غفلة
رامز:- هما مين دول
منار وصفاء بخضة:- اااااااااع
صفاء:- حرام عليك يا اخى اى دا حد يدخل كدا من غير استأذان
رامز:- اولا..... هو انا هستأذن وانا داخل اوضة نومى...... ثانيآ.....بقا انا معرفش ان فى حد هنا
منار:- ليه هما ماما ورضوى مش برا
رامز:- لأ مافيش حد برا..... انا فكرت انكم نزلتوا تحت او تكونوا مع رضوى بتتكلموا معها على سى علي
منار:- وهو علي حكاية هنحكى فيها ما خلص الكلام ومستنين رأى رامى ونخلص
رامز:- ماتخدونيش فى دوكا وتقولولى كنتوا بتتكلموا على مين
منار:- على مين فى ايه
رامز:- مناااااار مش عليا
منار:- منار مين انا مش منار انا هنام
صفاء:- بضحك..... تعالى يا رامز وانا اقولك..... الموضوع وما فيه ان انا عايزة اجوز بابا لحماتك ايه رأيك
رامز:- والله عمرك اطول من عمرى.... انا كنت عايز اقولك كدا وقولت اخد رأيك انتى واخواتك الاول قبل ما اتكلم مع عمى
صفاء:- تمام وادى تانى واحد معايا
رامز:- ومين بقا الاول.....رامى
صفاء:- لأ ولاء.... كلمتها وانا فى المدرسة ووافقت وقولتلها تكلم هى ابلة وفاء
رامز:- واشمعننا ولاء تكلمها ما تكلميها انتى
صفاء:- ما انت عارف وفاء تبع حزب المعارضة... ما شفتش يوم كتب الكتاب عملت ايه فى رامى..... دا اكنه اجرم لما طلب ايدى
رامز:- هو رامى بس دا مسكتنى انا كمان وتقولي ايه.....
فلاش باك
وفاء:- انت يا خويا زى القرع تمد لبرا ما كنا قدامك احنا التلاته مخترتش مننا ليه ولا احنا مش عجبينك... قول صفاء صغيرة عليك طيب ما انا كنت قدامك وسيبتنى اما روحت من ايدك وبعد منى كانت ولاء..... احنا مش اولاه من الغرب.... مش كنت تلم لحمك احسن من الغريب .... ولا احسن من الشحطتة اللى الواحدة فيها كان زمانى جمب ابويا واخواتى
رامز:- دا كلام فات اوانه خلاص وكل واحد بياخد نصيبه واللى ربنا كتبهوله....
واهو الحمد لله رامى اخد صفاء..... وكل شئ قصمة ونصيب
وفاء:- اه يا خويا وانا بقا اللى نصيبى يجيلى مع واحد بيحب الغربة ومن يوم ما اتجوزت وانا عايشة فى شقا معه
رامز:- آسِتٌغُفُر آلَلَهّ آلَعٌظُيَمً..... يا بنتى يعنى هو بيعمل كل دا لمين مش ليكى ولعيالك..... وبعدين يعنى انتى كان مين اللى كان اجبرك ما انتى اللى وافقتى عليه وصممتى كمان..... وانا فاكر كويس اما عمى كان رافض وانتى اللى اصريتى عليه.
وفاء:- كنت غبية...... كنت فاكرة نفسى بغيظك علشان تتحرك وتتقدم ليا...... لكن انا اللى طلعت بحارب فى جبهه خصرانة..... وانا اللى خسرت فى الاخر
رامز:- انتى مخسرتيش حاجه..... بالعكس بقا ربنا عوضك بزوج الكل بيحلف باخلاقه....... واولاد بًسِمً آلََلََهّّ مًشُآء آلَلَهّ غيرك بيتمنى ضفرهم ومش طايل..... احمدى ربنا على كل اللى يجيبه....... وانسى.... انسى علشان تقدرى تعيشى..... عن إذنك........ وتركها ويمشى
انتهاء الفلاش باك
صفاء بدموع:- كل دا وفاء شيلاه وساكتة
رامز:- انتى هبلة يا بت انتى.... شيلة ايه ونيلت ايه.... اختك بتتبتر على النعم اللى فى ايدها ومش حاسه بيها
منار:- يعنى طلعت بتحبك فى الاخر.... يبقا مش هتوافق على ماما
رامز:- عنها ما وافقت تتفلق
صفاء:- وايه علاقة دا ب دا
منار:- اه طبعآ ليه علاقة...... مش انا متجوزة رامز الراجل اللى بتحبه..... وكمان امى تاخد ابوها الراجل الاول اللى حبته
صفاء:- اه صحيح طيب والعمل
رامز:- ولا عمل ولا معملش... مش انتى وولاء موافقين... خلاص المهم عمى وحماتى يوافقوا وخلاص ونجوزهم وهى تبقا تعرف بعدين......
هى كدا كدا مش بتنزل غير اخر السنة شهر ولا اتنين وترجع ساعتها بقا تكون امام الامر الواقع
صفاء:- اه كدا احسن.... طيب انا هنزل اشوف بابا واتكلم معه...... وانتى يا منار كلمى ماما وربنا يسهل الحال من عنده
رامز ومنار:- آنِ شُآء آلَلَهّ
وتنزل صفاء شقتهم وتكلم والدها....... ومنار تكلم والدتها...... ونشوف مين هيقبل ومين هيرفض
____________________________________
وكدا تنتهى حلقتنا على خير
اشوفكم الحلقة الجاية على خير يارب
مع تحياتى كوثر محمد
