مازلت ملكة فى بيت أبى
----------------- بقلمى كوثر محمد
الحلقة 29
_______________________
وتمر الايام سريعآ ويأتى يوم الحنة فى شقة عبد الرحمن جميع البنات مع صفاء اخواتها ولاء ووفاء (التى استطاعت ان تأتى فى اخر لحظة بدون اولادها) وكانت ايضآ منار ورضوى وبعض اصدقاء صفاء ورضوى وبعض الجيران من السيدات والفتيات..... وجميع البنات يرقصو على انغام الموسيقى الشعبى الا منار وولاء ف منار حامل فى شهورها الاولى وولاء فى اواخر حملها وعلى وشك الولادة فى اى وقت..... وفى المطبخ تقف سهير ومعها ام عزت زوجة خال منار وام حسن زوجة عم محمد صديق عبد الرحمن يجهزان عشاء للجميع
اما فى شقة رامز.... يوجد الشباب مع رامى وليد صديقه الوحيد والذى يعتبره مثل رامز.... ومعهم رامز طبعاً واحمد زوج ولاء.... وعزت وعلي اخوه (خطيب رضوى) وحسن ابن عم محمد وبعض الشباب من الجيران والأصدقاء
اما عبد الرحمن فهو يجلس فى الشارع امام المنزل مع صلاح خال منار وعم محمد وبعض الرجال من الجيران والمعارف
والكل فى حالة من الفرح والسعادة
-----------------------------------------------------
رجل من الجيران يكلم عبد الرحمن على انفراد
الرجل:- بقولك ايه يا حج عبد الرحمن
عبد الرحمن:- خير يا حج حسين
حسين:-ان شاء الله ربنا يتمها على خير.... ومتأخذنيش يعنى.... يوم الدخلة لازم الناس تشوف المنديل
عبد الرحمن:- منديل ايه لا مواخذة
حسين:- المنديل الابيض يا حج
عبد الرحمن:- بعد ما فهم..... اااااه.... وليه بقا ان شاء الله
حسين:- علشان الناس اللى كانت بتتكلم تتخرص خالص
عبدالرحمن:- وهى الناس لسه بتتكلم بعد اللى حصل يوم كتب الكتاب
حسين:- اهو علشان نخرصهم وخلاص
عبدالرحمن:- والله يا حج حسين انا واثق فى بنتى وميهمنيش اى حد واللى عايز يتكلم....خليه يتكلم المهم جوزها هو اللى يكون مطمن مش مهم حد تانى .... واذا كان فى حد بيتكلم هيفضل يتكلم حتى لو وريتهم بنتى بنفسها وهى فى السرير..... ولو سمحت قفل على الكلام دا
حسين:- براحتك يا حج... اعمل اللى يريحك
الحج محمد بعد ما سمع كلامهم
محمد:- والله يا حج حسين الحج عبد الرحمن بيتكلم صح وانا سامع كلامك من الصبح ومش عايز ادخل..... لكن بصراحة كلامك معجبنيش..... وكلام الحج عبد الرحمن كله صح........... وكدا كدا الناس هتتكلم هتتكلم..... يبقا ملوش لازمه الكلام فى الموضوع ده خالص..... وكلنا عارفين صفاء كويس... والراجل جيه واعترف بكل حاجه عايز ايه تانى...... اللى مصدقش من اللى سمعه يبقا عمره ما هيصدق حاجه خالص.... وخلص الكلام على كدا
وعما الصمت بينهم
وبعد وقت قليل ارسلت لهم سهير مكة ابنت ولاء ليصعدوا لتناول العشاء ( عادات فى الاحياء الشعبية ب مصر يوم الحنة يقوم اهل العروسة او العريس بعمل وليمة ويطعموا جميع الضيوف) ويصعد عبد الرحمن ومعه جميع من كان يجلس معه ويفوموا بواجب الضيافة معهم......وتصعدا رضوى لنداء رامز ورامى ليأخذوا كمية من الطعام للموجودين معهم
وصفاء ووفاء ورضوى يتعاملون مع الفتيات التى معهم بعد انتهاء عبد الرحمن ومن معه
----------------------------------------------------------
فوق عند رامى
وليد:- ايو يا هتاكل انت من الاكل الحلو دا اسبوع بحاله ويمكن اكتر من كدا
رامى:- اعوذ بالله من عينك يا اخى.... هتقر على اليومين اللى الواحد هيرتاح فيهم من اكل العك اللى بيعملوا هناك....... خلى الواحد معدته ترتاح شويه ...... وبطل نبر بقا واتنيل اطفح وانت ساكت
الجميع يضحك عليهم
عزت:- الله يكون بعونكم بتفكرونى بايام الجيش كان الاكل كله عك وجيبين ناس متعرفش تسلق بيض حتى
رامز:- بالعكس بقا والله انا ايام الجيش كان معانا شيف بيعمل كل يوم اكل شكل غير اللى قبله وكان بيتفنن فيه
عزت:- يا بختك يا عم انا كنت بستريح من اكلهم فى الاجازات وامى الله يخليها كانت بتعملى اكل يكفينى شهر.... بس كان معايا وحوش بيخلصوا عليه فى دقيقة هههههههه
الكل بضحك..... جربنا والله هههههههه
وينتهى اليوم بالهزار والضحك. بجانب فرحتهم...... وكل واحد يذهب الى منزله على امل اللقاء غدآ بالفرح
ونفس الكلام عند البنات وظلت رضوى ومنار مع صفاء واخواتها وسهير
اما عبد الرحمن فصعد الى شقة رامز لينام معهم اليوم
وينعموا ببعض الراحة ف بالغد امامهم يومآ شاق وطويل
ويذهب الجميع الى النوم فى انتظار الغد حتى تكتمل فرحتهم
---------------------------------------------------------
وفى صباح اليوم التالى يستيقظون البنات جميعهم حتى يذهبون الى البيوتى سنتر التى ستجهز بيه صفاء ومعها منار ووفاء ورضوى ولكن ولاء فضلت ان تجهز بالبيت خوفآ من ان تتعب فى اى وقت وستبقا معها سهير ومكة ابنتها
واتجهوا الاربع فتيات الى البيوتى سنتر حتى وقت الانتهاء..... وبعد فترة ذهب رامى ومعه رامز ووليد وعلي الى الحلاق حتى يجهزوا أيضاً
ويمر الوقت وتنتهى صفاء ومن معها...... وتنتظر وصول رامى ومن معه على احر من الجمر
.... وبعد وقت قليل كان طويل على صفاء سميعوا اصوات كلاكسات السيارات وبدأت صفاء بالارتجاف
منار:- وهى تمسك يداها..... ايه يا حبيبتي مالك
صفاء:- مش عارفة خايفة كدا ومتخداة
منار:- بضحك..... خايفة من ايه بس لسه شويه على الخوف..... لسه هنروح القاعة الاول ونرقص ونهيص وبعد كدا الخوف اما تكونوا لوحدكم..... وبعدين انتى خايفة ليه هو رامى هيكلك
صفاء:- يعنى مش عارفة خايفة من ايه
....... وهنا يدخل رامى ويقف يتأمل صفاء فى فستانها الأبيض وهى أيضاً تتأمله فى حليته السوداء
.... صفاء طويلة وجسدها رشيق وفستنها منحوت عليها من على الصدر الى بعد الخصر وينزل على واسع شوية..... وحجابها يعطيها طلة جذابة وعليه تاج من الفل الابيض مع حبات اللؤلؤ التى تعطيه لمعان وجاذبية......وميكب خفيف يظهر جمال عنيها السوداء ونغزاتها
..... اما رامى يرتدى بدلة سوداء لامعة وقميص ابيض ورابطة عنق ابيض فى اسود بشكل زجزاج ويوجد بأعلى الرابطة حباية لؤلؤ واحدة بحجم صغير وشعره الاسود اللامع مع جمال عينه الرمادى وكان وسيم جداً
اقترب رامى من صفاء وقبلها فى جبينها
رامى:- بسم الله ماشاء الله تبارك الرحمن.... احلى عروسة شفتها فى حياتى....ايه الجمال دا كله يا قلبى
صفاء:- بخجل وهى تنظر الى الارض.... ربنا يخليك ليا انت كمان حلو اوى
رامى:- وهو يقبل يداها ويضعها فى يداه...... طيب يلا بينا
صفاء:- برجفة.... على فين
رامى:- وهو يرتب على يداها.... مالك يا حبيبتي خفتى كدا ليه..... هنروح الفرح طبعاً... الناس مستنيانا فى القاعة
ويأخذها ويذهبوا جميعاً الى السيارات.... رامى وصفاء ووفاء بسيارة وليد.... ورضوى ومنار ورامز مع علي وعزت بسيارة عزت....ويذهبوا جميعاً الى القاعة والجميع فى انتظارهم
______________________________________
واشوفكم على خير فى الحلقة الجاية
استودعكم الله الذي لاتضيع ودائعه
التزيموا بيوتكم ازال الله عنا وعنكم الوباء
آسِتٌغُفُر آلََلََهّّ آلَعٌلَيَ آلَعٌظُيَمً وٌآتٌوٌبً إلَيَهّ عٌدٍدٍ خِلَقُهّ وٌرضآ نِفُسِهّ وٌزٍنِهّ عٌرشُهّ وٌمًدٍآدٍ کْلَمًآتٌهّ آسِتٌغُفُر آلََلََهّّ لَيَ وٌلَکْمً
مع تحياتى كوثر محمد
