مازلت ملكة فى بيت أبى
..................................
الحلقة التاسعة
...................... بقلمى #كوثرمحمد
صفاء نزلت على المدرسة وهى داخلة من باب المدرسة قابلت المدير استاذ يحيى
صفاء:- سلام عليكم يا استاذ يحيى
يحيى :- وعليكم السلام يا استاذة صفاء.
........ عندك تأخير 10 دقايق يا استاذة
صفاء:- اسفة جدآ جدآ اخر مرة
يحيى:- انا هكتفى بلفت نظر المرة دى....... لانى عارف انها اول مرة وكمان انك معندكيش الحصة الاولى
صفاء:- متشكرة لحضرتك وان شاء الله تكون اخر مرة
يحيى:- اتمنى........ اتفضلى
صفاء:- عن اذنك.......... وتتجه صفاء الى غرفة المدرسين........ ولا يوجد بها غير منار وعادل
صفاء:- صباح الخير
منار وعادل:- صباح النور
منار:- بصوت هامس........... ايه اللى اخرك يا صفاء
صفاء:- بنفس الهمس.......... ابدآ صحيت متاخرة شويه
منار:- ما انا رنيت عليكي اول ما صحيت نمتى تانى ولا ايه ؟
صفاء:- لأ بس رامى رن عليا وعطلنى شويه
منار:- وهو لازم سى رامى يكلمك قبل ما تنزلى........ ما يكلمك بعد ما تنزلى
صفاء:- مش بيحبنى اتكلم وانا ماشية فى الشارع
منار:- عينى يا عينى على الحب وسنينه
صفاء:- بس بقا اسكتى حد يسمعنا
………… وكان عادل يستمع الى حديثهم……… وخرج ليتحدث فى الهاتف
عادل:- الو
هالة:- الو
عادل:- اعملى حسابك هنفز اللى اتفقنا عليه النهاردة
هالة:- ايه.... النهاردة النهاردة
عادل :- امال النهاردة بكرا....... ظبطى امورك على ما اجى
هالة:- طيب طيب ماشى....... يلا سلام
عادل:- سلام……… وبعد ان اغلق الهاتف مع هالة …نظر على صفاء وهو يقول …… خلاص هانت يا جميل بكرا مافيش لا رامى ولا غيره فى عادل وبس
.......... وبعد انتهاء اليوم الدراسى تذهب صفاء الى المنزل
--------------------------------------------
توصل صفاء الى المنزل وتدخل المحل عند والدها....... وكان يجلس مع والدها جاره الحج محمد
صفاء:- السلام عليكم يا حج عبده
عبدالرحمن:- وعليكم السلام ورحمة الله يا استاذة
صفاء:- اذى حضرتك يا عم محمد
محمد:- الله يسلمك ويحفظك يابنتى......عاملة ايه يا ابلة صفاء
صفاء:- الحمدلله بخير....... وخالتى ام حسن عاملة ايه
محمد:- الحمدلله بخير بتسلم عليكي
صفاء :- الله يسلمك ويسلمها....... سلملى عليها
محمد:- يوصل يا بنتى ان شاءالله
صفاء :- طيب عن اذنكم انا طالعة
محمد:- اذنك معاكى يا بنتى …… ربنا يسترها معاكى دنيا واخره
عبدالرحمن:- اللهم امين يارب
صفاء:- امين يارب …… يلا سلام عليكم ……… وتصعد صفاء الى شقتهم
محمد:- ربنا يفرحك بيها يا عبدالرحمن
عبدالرحمن:- قريب ان شاءالله
محمد:- خير ان شاءالله فى عريس جديد ولا ايه
عبدالرحمن :- ههههه اه رامى ابن اخوايا اتقدم لها وهى وافقت وهنعمل الشبكة وكتب الكتاب او ما رامى ينزل الاجازه الجاية
محمد :- على خيرة الله......... الف مبروك وربنا يتمم بخير وتفرح بعوضها يارب
عبدالرحمن :- الله يبارك فيك وعقبال اولادك يارب
محمد:- دى ام حسن هتفرح اوى بالخبر دا............ انت ما تعرفش هى بتحب صفاء اد ايه
عبدالرحمن :- طبعا عارف مش هى اللى مرابيها مع حسن واخواته …… ربنا يفرحكم بولادكم يارب
......... ونسيبهم مع بعض ونروح نشوف هالة بتعمل ايه؟
-------------------------------------------------
...... .... من بعد ما عادل كلم هالة وهى بتفكر تعمل ايه وتنزل عند صفاء بحجة ايه وهى اصلن مش بتنزل عندهم
هالة:- بصوت عالى......... يا رضوى
رضوى:- نعم يا ابلة هالة
هالة:- حضرتى حاجة المستر
رضوى:- بحضر فيهم اهو
هالة:- طيب روحى
....... وتذهب رضوى.........
هالة:- بتوتر ........ وبعدين اعمل ايه دلوقتى......... الله يخربيتك يا عادل...... اعمل انا ايه دلوقتى........ اه انا اتصل بيه واقوله بلاش انا مش هعارف انزل عندها
........ وتتصل هالة بعادل
عادل:- الو
هالة:-الو
عادل:- ها جهزتى كل حاجه
هالة:- بقلق......... اصل اصل انا
عادل:- اصل ايه وفصل ايه انجزى يلا
هالة:- انا مش هعرف انزل عندها
عادل:- بزعيق.......... يعنى ايه انتى بتستهبلى ……… كل حاجه لازم تخلص النهاردة............. والا انتى عارفه انا ممكن اعمل ايه
هالة:- خلاص خلاص انا هحاول
عادل :- مافيش حاجه اسمه هحاول فى هنفز وبس........ ويغلق دون أن يسمع منها رد
هالة:- اعمل ايه بس يا رب منك لله ياعادل
.......... وبعد وقت قليل يأتى عادل ليعطى ل رضوى الدرس وقبل انتهاء الدرس بوقت قليل طلب عادل من رضوى كوب ماء ( وكان هذه كلمة السر بينه وبين هالة لتبدأ بتنفيز الخطة)
هالة نزلت عند صفاء وهى متوترة
هالة:- تخبط على الباب
صفاء :- وهى تفتح الباب 😲 خير يا هالة........ فى حاجه رضوى كويسة
هالة:- بتوتر............ لا رررضوى كويسة الحمدلله...... ااااصل انا كنت جايبة ازازة ريحة ل ل رامز وكنت يعنى عايزة اخد رأيك فيها اصل مش بفهم فيهم وخايفة تطلع حريمى يعنى
صفاء:- اخدت بالها انها متوترة ........ (وظنت انها كدا بسبب سوء المعاملة اللى بينهم)............ مافيش مشكله هاتى اشوفها
....... وتعطيها هالة الزجاجة وصفاء تشوفها
صفاء:- اه دى رجالى ونوعها كويس
هالة:- طيب ما تشميها وتشوفى ريحتها حلوة ولا لأ
صفاء:- حاضر يا ستى نشمها مافيش مشكله............ وتشم صفاء الزجاجة وبعد ثوانى تبدأ الرؤية تتلاشة من امامها
.........و تسندها هالة
هالة:- بخبث............ ايه مالك عندك حساسية ولا ايه............ وتدخل بصفاء الى غرفتها وتبدل لها ملابسها الى ملابس لانچيرى.......... وتنيمها على السرير
هالة:- اوف اخيرآ اما الحق اندها عادل علشان نخلص من اليوم دا
........... وتصعد هالة الى شقتها لتبلغ عادل انها انهت كل المتفق عليه
-------------------------------------------------
وبكرا نكمل ونشوف هيحصل ايه مع صفاء؟
وايه اللى مستنيها؟
اشوفكم على خير
مع تحياتى #كوثرمحمد
