مازلت ملكة فى بيت أبى
-----------------------------
الحلقة الثانى عشر
--------------------- بقلمى #كوثرمحمد
هالة بعد ما رامز طلقها كلمت عادل وبعت لها الصور
هالة:- اتفرجوا ..... اتفرجوا اهو وشوفوا بعنيكم اهو الدليل اهو
...... الناس فضلت تتفرج وتتعجب على اللى بتشوفوا
عم محمد:- انتى كدابة والصور دى مش حقيقية
رضوى:- لا يا عم محمد الصور حقيقية........ بس ابلة صفاء مكنتش فى وعيها....... والست هالة والاستاذ عادل كانوا مخدرنها
هالة:- انتى كدابة والصور دى حقيقة وانا اللى شفتهم بعنيا.......... وكانت فى وعيها ياختى وبمزاجها
رضوى:- والله انتى صدقتى كدبتك ولا ايه........ على العموم الناس تشوف وتسمع وتحكم بنفسها
وتبداء رضوى فى تشغيل الفيديو اللى على تليفون صفاء وتفرج الناس عليه
رضوى:- ايه رايكم مين اللى صادق ومين اللى كداب........ واهو كله صوت وصوره........ وانتوا احكموا بنفسكم
ام حسن:- صفاء دى تربيتى انا ومش ممكن تعمل حاجه زى كدا ابدآ
احدا السيدات اللى فى الشارع....... وهما هيصوروها كدا ليه الا اذا فى حاجه حصلت فعلن
سيدة اخرى معاكى حق ياختى اكيد فى ان فى الموضوع
....... وتداول الكلام ما بين من يدافع عن صفاء وبين من يصدق كلام هالة..... ويعطى لنفسه الف سبب وسبب
عبدالرحمن:- بعد صمت طويل..........وبنفعال............ خلاااااص كل واحد عنده كلمة يلمها انا بنتى اشرف بنت فى الحتة كلها......... وقادر ربنا يكشف الحقيقة ومصير الحق يبان ........ وحسبنا الله ونعم الوكيل فى اللى ظلم بنتى
عم محمد:- خلاص يا حج عبدالرحمن...... هدى نفسك وزى ما قولت ربنا هيكشف الحقيقة......... ويلا كل واحد يدخل بيته ونفضيها سيرة.......... وانتى ياست هالة روحى الله يسهلك بعيد عننا........... وربنا يكفينا شرك يلا اتكلى من هنا
هالة:- وهى تنظر له من فوق لتحت........ براحة على نفسك شويه............انا اصلن ماشية........ ميشرفنيش انى اعيش فى البيت دا تانى
رضوى:- يلا غورى فى ستين داهيه............. داهية لا ترجعك يامصيبة
........ وبعد ما ذهبت هالة......... وكل واحد راح لحاله.............. طلع عبدالرحمن على شقته........ وطلع معه كل من رضوى وعم محمد وزوجتوا الست ام حسن
------------------------------------------------------------
ام حسن:- وهى تحتضن صفاء....... وتمسد على شعرها......... اهدى يا حبيتى.. اهدى قادر ربنا ينتقم منهم وينصرك عليهم
رضوى:- يارب يارب ان شاءالله ربنا يجبلهم مصيبة من عنده
صفاء:- ببكاء.......... انا مش عارفة انا عملتلهم ايه علشان يعملوا فيا كدا
ام حسن:- نفوس سودة بعيد عنك وعنا........ انا من زمان مش بحب مرات رامز ابدآ ....... طول عمرها شايفة نفسها على الناس........ على ايه مش عارفة...... على شوية البياض اللى فيها ولا الحلاوة
رضوى:- البياض على الحيطان والحلاوة عند البقال ههههههههههه
ام حسن:- ههههههههههه يجازى شطانك يا رضوى...... والله انتى احلى منها بكتير
صفاء:- بأبتسامة خفيفة................. فقر من يومك
ام حسن:- ايو كدا اضحكى محدش واخد منها حاجه........ قومى يا رضوى اعملنا حاجه نشربها
رضوى:- وهى تقوم....... انا هقوم اشوف ابيه رامز...... انا عارفة انك بتوزعينى
......... وتخرج رضوى وتتركهم
ام حسن:- ذكية اوى رضوى
صفاء:- خير يا خالتى....... عايزة تقولى ايه
ام حسن:- بصى كدا من غير لف ودوران...... انا بعتبر نفسى امك انا اللى مربياكى من وانتى لسه فى اللفة
صفاء:- اكيد طبعآ انا عارفة كل دا
ام حسن:- طيب الحمد لله........ هسألك سؤال وتجوبى بكل صراحة
صفاء:- اتفضلى
ام حسن:- انتى حصلك حاجه
صفاء:- وقد فهمت ما تلمح له ام حسن............... انا الحمدلله تمام وبخير ومافيش حاجه حصلت من اللى فى دماغك
ام حسن:- طيب يا بنتى الحمدلله.......... ربنا كبير اوى اوى......... طيب اسيبك ترتاحى وتنامى شوية
صفاء:- ماشى
ام حسن:- يلا سلام عليكم
صفاء:- وعليكم السلام ورحمة الله
...... وتخرج ام حسن من عند صفاء تطمن عبدالرحمن وتذهب الى بيتها مع زوجها
-----------------------------------------------------
..... هالة بعد ما راحت على بيت اهلها حكت لهم كل حاجه متفقة هى وعادل عليها
ام هالة وهى سيدة من السيدات التى تحب النميمة
ام هالة:- طبعا تلاقيهم مع بعض من زمان وانتى يا خيبة لسه اللى واخدة بالك
هالة:- اه ياما كانت مقرطسانة
....... اخو هالة واسمه عصام
عصام:- استغفر الله العظيم ......... انتى متاكدة يا هالة من اللى بتقوليه دا
هالة:- بقولك شيفاهم بعنيا ومصورهم على التلفون كمان
ام هالة:- طيب فرجينا كدا يابت
عصام:- حرام ياما كدا
ام هالة:- اسكت انت يا عم الشيخ
عصام:- انا همشى واسيبكم ربنا يهديكم......... هروح اشوف رامز واتكلم معه
هالة:- بسرعة......... وتروح ل رامز ليه
عصام:- مش لازم اسمع منه زى ماسمعت منك ولا ايه ؟
هالة:- يييعنى انا هكدب عليك يعنى
عصام:- بشك............ بردوا لازم اروحلو............ ولا انتى خايفة من حاجه
هالة:- وااانا ههخاف من ايه............ خلاص روح ومليش دعوه لو قل ادبه عليك ولا شتمك
عصام:- لا رامز صاحبى وطول عمره محترم
......... ويتركها عصام ويذهب الى رامز
--------------------------------------------------------
فى شقة رامز
رامز:- اهلا وسهلا يا عصام........... طبعا عرفت باللى حصل
عصام:- اه عرفت ومش مصدق ولا كلمة منهم........ حتى الصور مردتش ابص عليهم
رامز:- لا صدق كل كلمة قالتهالك اختك صح والصور كمان صح
عصام:- معقول....... معقول صفاء يطلع منها كل دا
رامز:- لأ طبعا صفاء متعملش حاجه زى كدا ابدآ.......... كله من اختك والكلب اللى اسمه عادل
عصام:- انا مش فاهم حاجه خالص.......... ايه دخل هالة فى الكلام دا كله
رامز:- اختك هى والكلب عادل عاملوا......... وحكى رامز كل شئ ل عصام.............. وعلشان كدا انا طلقتها
عصام:- ياولاد الك....... حقك تعمل اكتر من كدا الا اعراض الناس............. واختى تستاهل اكتر من كدا.................. طيب وعمك وصفاء عاملين ايه دلوقتى
رامز:- عمى يمكن يكون حاله احسن من صفاء اللى ساكتة ومابتتكلمش خالص
عصام:- لا حولا ولا قوة إلا بالله......... حسبى الله ونعم الوكيل ........... طيب انا عايز انزل اتكلم مع عمك كلمتين يمكن يريحوا
رامز:- تعالى وربنا يسهلها من عنده
......... وينزلوا الاتنين عند عبدالرحمن
-------------------------------------------------------
عند رامى فى البحر الأحمر
يعلن فون رامى عن وصول رسايل على الواتس أب
رامى:- بفرحة.................. اخيرآ يا صفاء............. ويفتح الفون يجد رسالة من هالة........... الله يخربيتك عايزة منى ايه دى............. يفتح الرسالة يجدها صور ل صفاء مع عادل فى اوضاع مختلفة............ لالالا مش ممكن مش معقول........ اكيد فى حاجه غلط........ مش ممكن........... مش ممكن صفاء تعمل كدا.......... اكيد.. هى... هى هالة....... هى مافيش غيرها............. بس ازاى ازااااااى......... وبدأ فى تكسير كل ما هو موجود امامه............ ااااااااااه يا صفاء ليه كدا ليه........... اااااااااااه
-------------------------------------------------------
فى شقة عبدالرحمن............... بعد ان نزل لهم رامز وعصام
عصام:- عامل ايه يا عم الحج
عبدالرحمن:- الحمد لله على كل حال......... انت عامل ايه يا عصام
عصام:- الحمد لله بخير من عند الله
عبدالرحمن:- يارب دايما بخير يابنى
عصام:- ياعمى انا عارف ان الكلام اللى هقوله مش هكفر عن اللى عملته اختى.............. بس والله ربنا يعلم انا بحترمك وبحترم الانسة صفاء اد ايه................ ولا يمكن اصدق اى كلمة من اللى اتقال
عبدالرحمن:- ربنا يكرمك يا بنى
عصام:- انا يا عمى يشرفنى انى اطلب منك ايد الانسة صفاء
عبدالرحمن ورامز ينظران الى بعضهم البعض
عبدالرحمن:- هو انت يا بنى ما تعرفش ان صفاء مخطوبة
عصام:-😲 بزهول........... انا اسف والله ما كنت اعرف
رامز:- طبعآ ما الهانم مكنش فى دماغها غير انها تخرب حياتها وبس
عصام:- انا مش فاهم حاجه............. هانم مين وحيات مين
رامز:- الهانم اختك..... وحيات صفاء
عصام:- بتفهم............ وهو خطيب صفاء عرف بالموضوع دا
رامز:- ربنا يستر ومايعرفش دلوقتى على الاقل
عصام:- هو مين خاطبها
رامز:- رامى اخويا
عصام:- ماله
رامز:- ماله ايه.............. هو خطيب صفاء
عصام:- اااااه طيب الحمد لله......... اكيد هيقدر الظروف ويفهم الموقف كويس
عبدالرحمن:- ان شاءالله يا بنى.................. رامى عاقل ومخه يوزن بلد
عصام:- ربنا يصلح لهم الحال ويبعد عنهم ولاد الحرام
رامز وعبدالرحمن........اللهم امين يارب
عصام:- طيب استاذن انا وسلامى ل رامى
رامز:- تستاذن ايه انت هتطلع معايا نلم حاجات اختك ونجيب عربية تشيلهم
عصام:- مش وقته يا رامز ابقا لمهم انت وابعتهم فى اى وقت
رامز:- لا والله ابدا ما يحصل............. لازم تكون موجود علشان كل واحد ياخد حقه
عبدالرحمن:- استهدا بالله كدا يابنى.............وابعتهم بعدين
رامز:- لا معلش يا عمى هى طلعت فى دماغى دلوقتى يعنى دلوقتى
عصام:- خلاص يا رامز اللى يريحك انا تحت امرك............ يلا بينا
.............. ويطلع عصام مع رامز الى شقته ليجمع الاشياء التى تخص هالة
-------------------------------------------------------------
وتنتهى حلقتنا واشوفكم على خير
مع تحياتى #كوثرمحمد
