كانت تنظر لهم ببرود فهي قد كشفت جزء لما حدث بالماضي وبالأخص هي ،ولكنها لم تكشف ماحدث لشقيقتها فهي تعلم ما يحدث لهم عند ذكر ما حدث لهم لتقوم بكل برود وخلفها الفتيات لتقول أريام ببرود :
كاميليا خط أحمر بالنسبة ليا واللي هيفكر بس مجرد تفكير إنه يإذيها صدقوني نهايته هتكون علي إيدي ،أنا لسه معاقبتش علي اللي عملتوه في كاميليا زمان ،صدقوني مش هيكفيني بس إني أحرق القصر ده بأصحابه لأنه شئ عادي بالنسبة ليا والقتل مش جديد عليا بس أقسم بربي اللي دماغه بس تفكر انها تأذي كاميليا نهايته علي إيدي أنا ممكن أكون دلوقتي هادية ومعملتش حاجة بس أنتم متتوقعنيش لأني بقدر أخدع غيري من غير ما يحس وألاعبه وهو بيكون بيساعدني فده (قالت آخر جملة بغموض ) لتقول بعدها: وأنت أكتر واحد جربت يا عاصم يا رواي إن طفلة قدرت تخدع عاصم الراوي قالتها بسخرية وضحك لتغمز له وتصعد ومعها الفتيات
ليصعد خلفها الجميع وهم غير مستوعبون ما حدث منذ قليل، فكاميليا الراوي مازالت حية وما زاد الأمر سوءاً هو ابنته التي لا يستطيع أحد خداعها فهي ذكية جدا فقد استطاعت خداعهم طوال تلك السنوات من دون أن يعلم أحد ،ظلت تستعد للانتقام وهم لا يعلمون ولكن ليس عاصم الراوي من يهزم أبدا ،ليتبقي عاصم الرواي وحمزة ابنه في المكان
حمزة ببرود: اللي قالته أريام صحيح وأن اللي حصل لكاميليا ده تخطيط منك
عاصم ببرود: كذب
حمزة بغضب: كدب إزاي أنا عايز اعرف، إصرار كاميليا انها مش خاينة ،بنت كاميليا اللي رجعت وبتنتقم لها ولحد دلوقتي منعرفش هي ناوية علي ايه سكوتها للدلوقتي وراه حاجة ،أنت ليه مش راضي تريحني كاميليا خاينة والا لاء
عاصم: علي ما أظن انك كنت موجود وشايف قدامك الصور اللي انبعتت ليك ،دا غير طبعا لما شوفناها في الحقيقة وهي نايمة في حضن الحقير إياه ،جاي دلوقتي تصدق كلام البنت دي
حمزة بتوهان: أنا مش عارف اصدق مين فيكم أصدق اللي حصل زمان واللي شوفته بعيني ،والا أصدق كاميليا وبنتها وانهم مش هيسكتو ،والا أصدق عاصم الراوي أبويا اللي أنا عارفه ممكن يضحي بالعيلة كلها لأجل ما الامبراطورية دي تفضل قوية وموجودة و ان احنا م مهمين ،أنا مبقتش عارف أصدق مين فيكم
عاصم : صدق عقلك واللي شوفته واللي عقلك استوعبه زمان .
حمزة : فعلا لازم أصدق عقلي هو دا منطق عاصم بيه ،وألغي قلبي اللي لسه بيوجعني علي اللي عملته في كاميليا زمان واني سبت نفسي اصدق اللي حصل ،بس قسما بالله لو كاميليا طلعت بريئة وان اللي حصل زمان ده كان تخطيط منك أو من حد تاني أي كان صدقني أنت بنفسك هتصحي الشيطان وهو الاي هيهدم امبراطورية الراوي بنفسه زي ما كان هو السبب في بنائها هيكون السبب في هدمها والمرة دي هسمع بنصيحتك وهلغي قلبي واسمع للعقل
أنت تقرأ
فتيات من جحيم
General Fictionالحياة مليئة بالصعاب والآلام تجمعوا ثلاثتهم وكان هدفهم واحد وهو الانتقام من أشخاص اغتصبوا طفولتهم بطريقة بشعة منهم من ظلم والدتها بأبشع ما يكون ومنهم من لم يرأف بها عائلتها ومنهم من اتهموها بأبشع اتهام من ظلمهم جميعا لم يكن سوي أقرب الناس إليهم كانت...
