اولا السلام عليكم ورحمة الله وبركاته
اخباركم اين وحشتوني بجد، والله انتم وحشتوني، هي هيا ايه اللي بقوله ده، المهم كنت حابة اتكلم معاكم شوية بخصوص الرواية،
1-حمزة وكاميليا: حمزة حب كاميليا حب جنوني وحب تملك، الراجل لما يحب ويعشق بجنون ويتخلي عن حاجات كتير ويضحي بيستني الحب والعشق انه يكون المقابل، حمزة بيكره الخيانة، لما لقي كاميليا في حضن راجل غريب، لقي اللي حبها بتخونه يبقي رد فعله هيكون ايه، اكيد الغضب، كاميليا لما هربت ورجعت بأريام، زود الشك في قلبه، ولما قالتله انها بنته طبيعي انه يثور ويغضب، فكان من حقه انه مش يصدق خصوصا ان اللي شافه يمنعه انه يصدقها، ولما رمي اريام في الميتم فده بسبب انه مقدرش يأذيها، واللي عمله في كاميليا بسبب انهم بخوا السم في ودنه بكلامهم السام ليه، الراجل اكره ما عنده انه يحب واحدة ويكون جزاته الخيانة، ودا اللي مفروض نركز عليه
2-شعاع وزين وراسل وجويرية: حبوا بعض من وهما صغيرين بس اللي حصل دمرهم، زين مصدقش شعاع زمان رغم انه عارف ان باباه ومامته بيكرهوها بس مصدقش كلامها وخصوصا انها ذكرت جدها عادل، عادل كان بيحب شعاع كتير اكتر واحدة في أحفاده علشان هي اللي باقية من ابنه، واللي هوضحه في البارت الجاي السبب اللي يخلي عادل يبيع شعاع اعضاء♡♡♡♡♡جويرية وراسل حبوا بعض بس اللي هدم الخب ده اللي حصل مع جويرية من نائل، وكمان هو كان مصدوم من كلام باباه وانها معتش بنت، فدا اللي خلاه يبعد عنها، الشباب لما اكتشفوا الحقيقة ندموا وعرفوا غلطهم وصلحوه واعتذروا منهم
3-*أريام وإياس: اياس حب اريام من اول مرة شافها في الحفلة عيناها اسرته، وطول الرواية شفنا غيرته عليها، ويوم الحفلة وضحت ان اريام ابتدت تنجذب لاياس ويوم جبل المقطم لما كانوا هناك برضو كان في بداية انجذاب بينهم، اياس حب اريام من عينها بس تجربة حمزة اللي خلاه يخاول يهدم مشاعره ويدفنها، ودي حكاية هنعيشها في روايتي الجديدة سجينة الغرام، اريام زي اي بنت بتحلم بحبيب وحب وانها تعشق، ولما اياس اتقدملها بطريقة رومانسية، هي مقالتش انها بتحبه هي اتشتت لما اتقدملها بطريقة رومانسية، وتحت الضغط والحاح الجميع وافقت وهي كانت متشتتة،
واكيد طبعا شوفته الرومانسية مع باسل وهمس، وجنون حازم ونوران، يا جماعة اللي شايف ان الرواية مش حلوة يقولي، علفكرة انا ممكن اكتب فيها اكتر من كده، هي فاضل فيها بارتين، انا لولا المدرسة والدراسة وضغط المدرسين والمنهج الطويل العريض القصير الطخين الرفيع ده، والله انا عندي ضغط كبير اوي الاسبوع اللي جاي عندي فيه امتحانات كتير ادعولي،وكمان انا لسه في البداية انا لسه في بداية الكتابة يعني ممكن اقصر في خاجة فدا غصب عني، واللي شايف ان الرواية قصص الحب مش واخدة حقها او اي حد عنده اعتراض يقولي واللي مش عاجبه الرواية انا مش هقول متقرأش لا انا هنقول انا كده وروايتي كده
الكاتبة /اميرة عمرو
أنت تقرأ
فتيات من جحيم
General Fictionالحياة مليئة بالصعاب والآلام تجمعوا ثلاثتهم وكان هدفهم واحد وهو الانتقام من أشخاص اغتصبوا طفولتهم بطريقة بشعة منهم من ظلم والدتها بأبشع ما يكون ومنهم من لم يرأف بها عائلتها ومنهم من اتهموها بأبشع اتهام من ظلمهم جميعا لم يكن سوي أقرب الناس إليهم كانت...
