فتيات من جحيم

البارت السادس عشر

ګفِّيِّ فِّرأّقِ ......لَأّ مَعٌنِيِّ لَلَحٌيِّأّةّ بِدِوِنِګ يِّأّ مَعٌذّبِتّيِّ ....روِحٌيِّ ذّأّقِتّ عٌذّأّبِ بِعٌدِګ ....مَتّيِّ َّستّعٌوِدِيِّنِ أّلَيِّ أحٌضّأّنِيِّ ....بِهِمََّس أّلَشٍوِقِ أّشٍتّأّقِ لَګيِّ ...مَعٌشٍوِقِتّيِّ 💓💓

            ★*★*★*★*★*★*★*★*★

نزلها ....كانت تلك الكلمة التي نطق بها كريم عند رؤيته لباسل وهو يحمل أريام علي ظهره ....

باسل وهو يفغر فاهه: هاه ...
كريم بغضب: بقولك نزلها ....ايه مش سامع أنا بقول ايه
باسل برفع حاجب:  الكلام ده ليا أنا ....

جويرية لهمس: همس روحي جيبي فشار وتسالي بسرعة ....
همس بعدم استيعاب: ها....
شعاع: دي هتعمل زي باسل...
همس:  ليه....
جويرية: روحي هاتي وأنت هتشوفي هتحصل معركة طحن دلوقتي بين بيبو وكيمو، يلا بسرعة

جويرية لكريم وباسل: استنوا متبدأوش دلوقتي ...لما البت تجيب تسالي ابقوا كملوا ..

كريم:  ليه شيفانا في مسرح والا ايه...

شعاع: لا بس انتم تمثيلكم هايل الصراحة ...

همس وهي آتية ومعها بعض التسالي: أنا جيييت
لتجلس بجانب الفتيات ويأكلن التسالي
بينما كاميليا وفريدة ينظرن لما يحدث بملل،

كاميليا بملل: ممللين ...
فريدة بملل هي الأخري: تافهين أوي....

كريم بغضب أكبر: بقولك نزلها ايه مش بتسمع..
باسل ببرود: مش منزلها أنت مالك...
كريم بغضب لأريام: ما تنزلي يا خاجة والا أنت عجبتك القعدة فوق ....
حازم وهو يجلس بجوار الفتيات بجانب نوران بالأخص:  حمش ياض كمل
كريم وهو يلتفت له ويعطه قبلة في الهواء: حبيبي يا برنس شجعني بقي ...
حازم بتصفير: يلا يا كيمو...

باسل: ولا انت عايز ايه...
كريم ببرود:عايزك تنزلها ....
باسل بغضب: وأنت مالك ...هو انت بارد كده لمين طبعا هقول البرود ده جايبه منين طبعا ما أنت زيها، النسخة المصغرة من أريام

أريام:  لا يا راجل ....ومالها بقي أريام يا أستاذ باسل
باسل متناسي انه يحملها:  باردة وغبيةوحمارة وحاجة كده عليها كمية برووووووووود تلاجة تلاجة ايه دي القطب الشمالي والجنوبي مع بعض،آااااااااه

فقد قامت أريام بإمساكه من أذنه، مما جعله يتأوه ،وجعل قلب تلك المسكينة يهوي أرضا،

أريام : بقي أنا باردة وغبية وحمارة يا حمار من غير ديل

باسل بتذمر: طب سيبي ودني طيب انت اللي جبتيه لنفسك

ليقوم بتركها لتقع أرضا، لتتأوه بألم، أما كريم فتح عينيه بصدمة لينظر له باسل باستغراب، لينظر الي أريام، ليجحظ عينيه

كريم وهو يلطم علي وجهه مثل النساء الكبيرة:يا فضحتي ..يا فضحتي ...يا خسارة شرفك اللي يا كيمو ...هتحط عينك في وش الغريب إزاي يا كريم...