رغم الظروف

نصيبي

#رغم_الظروف

#البارت_الاول

#نصيبي

مروان:اوعي ياخرا وقت علشغل ونزل مسكها من شعرها وكرها لعند المطبخ
حبيبة ماسكة يد مروان الي ماسكة في شعرها واتالم وتبكي

مروان عزقها:عارفة توا الساعة كم الساعة8 وانتي مزلتي منخمدة
حبيبة صبت تجري ترعش وتحل في اعيونها بلغصب :حاضر ياخويا هيا توا انوتيه بسرعة
مروان:خزيه الشكل المعفن 😒وطلع

حبيبة ادير في الفطور وتبكي
خش عليها عادل
عادل:مش كان وعيتي بدري خيرلك من هالبهدلة الي خديتيها
حبيبة:والله امس الليل كله وانا مرقدش انحددله في دبش العسكرية 😭قديش بيا انا ياربي
عادل:غير هيا سقدي الفطور وطلع

حبيبة:ااه 😭ياربي لعند امتى بنعيشها المعيشة السودة 😭

حبيبة عمرها 17 سنة بنت جميلة بكل امها وباتها توفو وقعدت تحت رحمة خوتها ال3
مروان الكبير انسان متسلط وحقير
خليل المتوسط انسان في حالة وشخصيته ضعيفة لا يحل لا يربط في الحوش هوا حنون صاح لكن ميقدرش ايدير شي للظلم الي اتشوف فيه اخته
عادل الصغير انسان اناني وميحبش الا نفسه وميهمه حد ماشى علي قانون روحي روحي

حبيبة حطت الفطور وكلمت خوتها يفطرو
خليفة:تعالي افطري كنك مريضة
حبيبة:لالا مش مريضة
عادل:خدت طريحة علصبح من مروان
خليفة:لا حول الله باهي كنتي توعي اديريله فطوره حتى انتي اتفكينا من شره
حبيبة :والله امس الليل كله وانا انحدد في دبش العسكرية وخدتني نومة في الصبح 😭
مروان جا وقعمز:تشكي لخوكي قاعدة اتبكبكي
خليفة:استغفر الله وصبا وطلع
عادل:مروان عطيني السيارة نبيها
مروان:شنو تبي فيها فكني من لم السنكح والصياع وتمشي اتذوحلي بيها اها
عادل:ذلني علي هالسيارة بلاش منبيهاش هيا سلام وطلع
مروان:عليك حالة والله ورد ياكل

حبيبة حاطة يدها تحت خدها وشبه راقدة
مروان شافلها بخبث وخدا كباية المية وكبها لها علي وجهها
حبيبة:ااه اه اه حرام عليك كنك
مروان:صبي فزي انروح نلقاكي اموتية الغداء فاهمة وصبا طلع
حبيبة:ااه ياربي 😭والله اول واحد ايجيني انوافق عليه ولا هالهم الي عايشته
صبت ظمت ودارت الغداء وطلعت سيقت الجنان
روحو الشباب تغدو وكل واحد راقد في داره يقيلو

حبيبة كملت الحوسة وقعمزت اتريح اتقلب في القنوات واتفرج
حبيبة اتقلب في القنوات جت لقطة حلوة رومانسية في مسلسل تركي
حبيبة اتفرج صاح لكن بشروط ولو حد فطنلها اتفرج علي مسلسل تركي ياويلها
مروان طالع من الدار اتجي في عينة حبيبة حاطة علي مسلسل تركي واتفرج
مروان ايجيها كيف الثور الهايج يمسكها من شعرها وينزل فيها ضرب
مروان يضرب ويعيط:ياصايعة اتفرجي علسخافة يامسخة تي والله انربيك يا🤬

حبيبة تبكي واتالم من ضربه:والله مانتفرج انقلب في القنوات بس 😭ااه ااخ
مروان يضرب ويعيط طلعو عادل وخليفة من ديارهم
خليفة فكها من تحت مروان:خلاص راك تقتلها كنك انت
مروان:حول غادي الساقطة اتفرجلي علمسلسلات التركية
حبيبة:والله منتفرج انقلب علقنوات بلصدفة حطيت عليه😭
عادل:خليه ايربيها المسخة وانتم متخلو واحد يرقد متريح وحك راسه وخش للحمام
مروان طفا التلفزيون وحول الجهاز وعزقه كسره
حبيبة:😱لا حرام عليك ليش هكي😭
مروان:بيش اتفرجي مرة أخرى باهي وخش وسيبها
حبيبة تبكي واتالم:ااه😭 ياربي حرام عليكم ياريتك يابابا حي 😭
خليفة:خلاص صبي اغسلي وجهك وخشي لدارك تريحي اشوية
حبيبة صبت بالم وخشت للدارها بكت لعند راسها تنفخ ورقدت
............................
مروان:السلام عليكم شباب شجو
الشباب:السلام ورحمة الله
مازن:تي وينك يا راجل معش بنت
مروان:اهو مشاغل الواحد ايلم علي حالة خلاص ماعش فيها الواحد بيزوز علي حالة
مازن:اي والله معاك حق
صابر:خطرها علزواج عندي خويا الكبير اندوروله مفيش بنية هكي ولا هكي
مازن:قول ولية مش ابنية تي ياراجل خوك عمره 46 تبوه ياخد ابنية 😂
صابر:اسمع الراجل مايعيبه شي توا اتشوف ياخدها الا صغيرة الراجل ايعيبه جيبه بس وخويا الحمدلله عنده وزيده ربي من خيره