رغم الظروف

#رغم_الظروف

#قارب_الهجرة

#البارت_الثالث

عمر طلع بسيارته عالجامعة رن علي ابتهال وخبرها ونبها انها متجيبش سيرة للدعاء وانه هوا توا يعرف كيف ايخبرها

طلعن البنات وركبن في السيارة وابتهال تبكي ودعاء مش عارفتها كنها
لكن ابتهال قالتلها بطني توجع فيا
دعاء:اول ماتروحي ديري كمون اكويس
ابتهال :😭باهي حبيبتي
عمر ساكت ووجهه اسود مش عارف كيف يخبرها
عمر وقف علبحر دعاء استغربت

عمر :هيا انزلن شمن هواء اشوية
دعاء:صاح ياابتهال هيا ننزلو توا معدتك اتهفت اشوية
نزلو وابتهال تباعدت عليهم وقعمزت ابروحها
دعاء بتلحقها عمر مسكها :خليها توا اتوقف ابروحها
دعاء شافت للعمر:شغلتني كانت جوها سمح مافيها شي فجاءة قعدت تبكي ابروحها قالت بطنها
عمر :تعالي خليها وتمشو اشوية ووقفو عالبحر ويشوفوله
دعاء:عارف ياعمر في شنو خاطري
عمر شافلها:شنو
دعاء:خاطري نسافر لماما
عمر:😕
دعاء:لكن بابا السبب الي يخليني انرد في كلامي
عمر😔
دعاء:لاني عارفته ميتحملش بعدي انا لولاه اصلا مستحيل انتحمل اسماء ونادية
عمر:ليش متقوليلها حني
دعاء:هه انقوللها حني بيش تقتلني
عمر:اوف لهدرجة
دعاء هزت راسها:واكثر هيا منبهة عليا منقوللهاش حني لانها من وانا صغيرة متحبنيش
عمر:ومنو قالك متحبكش
دعاء:هيا ديما اتقول فيها ليا واتقولي يابنت الكافرة 😔

عمر يسمع في دعاء تشكي وقلبه يتقطع مش عارف كيف يخبرها علي باتها
عمر جابها للبحر لانه عارفها معندهاش قلب حنون في الحوش علي شان تبكي امعاه فقرر يحكيلها وخليها اتواجه الخبر معاه ومع ابتهال احسن
عمر :دعاء
دعاء شافتله
عمر:دعاء انتي مؤمنة بقضاء الله وقدره صاح
دعاء باستغراب :ووعليش تسال طبعا الحمد الله مؤمنة
عمر:يعني انتي عارفة انه الانسان مكتوبله ايموت في اي لحظة
دعاء قلبها نغزها:عمر جيب من الاخير احكي شنو فيه
عمر شافلها:دعاء باتك عطاك عمره دار حادث اليوم الصبح

دعاء مصدومة واعيونها امتلن ادموع وساكتة
عمر مسكها من اكتوفها:البركة في را
دعاء قصت عليه:لالا ياعمر لالا متقولهاش 😭لالا بابا ماماتش 😭لالا ياعمر لالا
عمر ماسكها من اكتوفها :وحدي الله يادعاء كلنا ميتين
دعاء تضرب فيه عليه صدره وتبكي بهستيريا :لالا متقولهاش بابا لالا ياعمر لالا 😭ااه ااه ياربي وطاحت علي ركبيها
ابتهال شافتهم جتها تجري ظمتها وتبكي امعاها
عمر التفت وتما يبكي
دعاء:ااااه بابا يابتهال بابا 😭اااه
ابتهال:خلاص ياعمري ادعيله بل رحمة الله غالب
دعاء :اااه😭 انا منو يحن عليا توا يابتهال منو الي يخاف عليا انا منوووو واتخبط في وجهها وابتهال ماسكتلها ايديها
ابتهال:متخبطيش يادعاء حراام عليكي اتعذبيه خلاص
دعاء :اااه 😭وانهارت في حظن ابتهال تبكي
.....................
الحوش استقبلو الخبارة السودة كيف الحلم الدنيا شالت اعياط وبكاء
اسماء ونادية وخالاته واهل اسماء والجيران كلهم التمو في لحظات
سراج مقعمز يبكي واصحابه ايهدو فيه
وصلو اصحاب المرحوم والجيران دارو خيمة والعزاء قام😔
......... ........
عمر خلاها لعند اتفش عبرتها
دعاء بكت لعند قالت بس في حظن ابتهال
عمر امقعمز جنبهن وساكت
دعاء هدت اشوية وتحكي وهيا في حظن ابتهال:انا وين انعدي توا يابتهال 😭
ابتهال 😳:كيف وين اتعدي روحي لحوشك
دعاء:معنديش حوش بلا بابا 😭انا غريبة وهوا مش قاعد 😭كيف بنعيش من غيره كييف😭
ابتهال:ااخ الله غالب هضا عمره يادعاء خلاص ربي امكتبله ايموت اليوم انتي ادعيله بلرحمة وربي انشاالله ايخفف عليكي ويعطيكي الصبر
دعاء:ااا😭
عمر:هيا خلونا نمشو
دعاء شافتله بعيون مليانات ادموع صبت ومشت بخطوات مكسورة
ابتهال قربت من عمر:احسن حاجه جبتها هنا وقلتها لها لو كان روحت وانصدمت بلخبر مفيش قلب حنون عليها ايصبرها غادي😔
عمر ايشوف للدعاء:فعلا الله ايعينها عالايام الي بتشوفهن
وطلعو ومشو للحوش
............................
روحت دعاء للحوش شافت الخيمة زادت انهارت اخرى في السيارة
عمر:ابتهال انزلي معاها متخليهاش ابروحها بكل
ابتهال:حاضر وانزلت هيا ودعاء وخشن للخيمة