#رغم_الظروف
#البارت_الرابع
#نصيبي
صابرين دخلت للمدرسة وخطمت من جنب حبيبة بدون ماتنتبهلها لانه حبيبة لابسة خمار و صابرين معرفتهاش
حبيبة ترعش وخايفة اتشوفها او تعرفها صبت طلعت برة المدرسة ووقفت جنب سيارة احلام وهيا خايفة من صابرين تعرفها
مر الوقت وحبيبه مقعمزة علي حيطة جنب سيارة احلام واتراجي فيها
احلام انزلت من الفصول وادور بعيونها علي حبيبة ملقتهاش
احلام طلعت برة المدرسة وجت فتحت سيارتها حبيبة صبت من وراء السيارة
احلام :بسم الله كنك قاعدة هنا في الشمس
حبيبة:لالا عادي قلت انراجيكي هنا خير
احلام قربت منها وفتحت لها الباب بس خطيرة الشمس قوية توا تمرضي
حبيبة:لا انشالله لا😊وركبت
احلام تكت علي مراد وقفت السيارة مراد قرب حبيبة افتحت تبي تنزل
مراد:خليكي توا نركب وراء
حبيبة انزلت:لالا والله ماصارت اركب لقدام وركبت وراء ومراد ركب وعدو
وصلو للحوش ونزلو ركبو وحبيبه قالت للاحلام جيبي العيال
احلام خشت ومراد مصبي
مراد:ححبيبة انتي كم عمرك
حبيبة 😳:اانا اانا عمري 20 سنة
مراد:معقولة مزلتي صغيرة شكلك تزوجتي بدري
حبيبة:اهو نصيب😔
مراد:حبيبة عندك تلفون
حبيبة:😳ااه لالا
مراد:غريبة توا مفيش وحدة بلا تلفون
حبيبة:اهو لقيت وحدة بلاه 😁
مراد:لا بجد نحكيلك انتي ضروري اديري تلفون
حبيبة 😳:وعليش
مراد:ااا ماهو مرات لاسمح الله الواحد يريح او يمرض فيرن علي حد ايجيه
حبيبة:بس انا معندي حد 😔علي منو بنرن يعني
مراد:رني عليا
حبيبة 😳
مراد:ققصدي يعني انا واحلام وامي 😅تبي حاجة تستحقي حاجة رني مفيش مشكلة
حبيبة:اانشاء الله اول ماناخد اول راتب اندير تلفون وناخد ارقامكم 😊
مراد:ااوكي انشاء الله 😅
احلام طلعت هيا ومعاذ ومجد :حبيبة قتلك ماما كنتي خليتيهم ايتغدو
حبيبة:لالا والله خلاص اكيدة نفخولها راسها
احلام:بلعكس والله غيرولها جوها قالتلي ملو عليا الحوش قبل اتكسد في الصبح ابروحها
حبيبة:انشالله تزوج مراد ويملالها الحوش بصغاره
احلام:انشالله
حبيبة:هيا تعالو وخدت اعيالها وخشت ومراد ماحولش اعيونه من عليها لعند سكرت الباب
احلام شلطاته:كنك انت شنو قصتك اها
مراد:كني😳
احلام:تحسابني صدقت انه سيارتك مافيهاش بنزينة وتوا واقف هنا سرحان في البنت لعند وترتها تحشم المراة ارملة وبعيالها
مراد:كنك شنو اتشوفي فيا درتلها هيا هيا خشي قدامي وفكينا من افكارك الخبيثة وخش وسيبها
احلام 😤
.......................
صفوان نزل من فوق وخش علي امه
صفوان:يامي وينك
نعيمة طلعت من المطبخ :كنك ياوليدي
صفوان:ديريلي قهوة راسي بينفجر
نعيمة:لا حول الله 😔مش منه راسك من هالعفن الي تشرب فيه وخشت
صفوان:اووف
صابرين فتحت الباب وخشت:السلام عليكم
صفوان :اووف وفاتح نقاله
صابرين:رد خير ع الملائكة راه 😒
صفوان:سكري فمك راه انكسرلك راسك معنديش راس ولا خلوق لحد
نعيمة طلعت بسفرة القهوة وحطتها له
صابرين:مفيش اخبار علي حبيبة
صفوان:كان فيه راني قاعد احداك توا راكي توا حاضرة عزاها ال 🤬
صابرين خشت وتمتم:شنو الي خلاها اتهج منك ومن وجهك الا عمايلك السود خزيه😒
أنت تقرأ
رغم الظروف
Short Storyمجموعة قصص قصيرة تحت عنوان #رغم_الضروف كل قصة ابروحها ملهاش صلة بلاخرى لو لقيت تفاعل سمح حنبدا انزلهن 😘😘😘😘
