رغم الظروف

#رغم_الظروف

#قارب_الهجرة

#البارت_الخامس

مالك يغطس ويطلع ويدور علي دعاء تحت المية في كل مكان والريح زادت والموج زاد يتعلى
مالك حس بروحه خلاص معش يقدر يستمر اكثر من هكي دعاء مش باينة في ولا مكان
سبح واستمر بلسباحة لعند البحر طلعه علي جزيرة لامبيدوزا في ايطاليا
مالك ومعضم الي نجو معاه في القارب طلعهم البحر علجزيرة هذي
عمر يمشي ويدور في دعاء او مالك لمح مالك طايح عالشط وتاعب من السباحة وداهش
عمر جاه يجري وقف ويشوف للمالك ويدور بعيونه علي دعاء الي مش باينة
مالك رفع اعيونه لعمر 😠وصبا يدف فيه بيديه علي صدره ويعيط:بنت ياعمر اتجيب معاك بنت
عمر 😳:دعاء وينها ويعيط علي مالك احكي دعاء وينها
مالك:مش عارف البحر هاج علينا وانفلتت من يدي 😔
عمر مسكه من دبشه ويعيط عليه:كيف كيف تفلت من يدك كيف  طلق مالك وبيرد يخش للبحر اخرى
مالك امسكه:دورتها اقسم بالله دورتها
عمر طاح علي ركبيه وقعد يبكي :كله مني ياريتني ماوافقت انجيبها معايا
مالك قعمز جنبه وحط يده علي كتفه:اسمع بلكي نقذها حد متنساش خفر السواحل والبواخر اكيدة توا يلقوها ادعيلها ربي ينجيها انت بس
عمر شافله واعيونه مليانات ادموع:انا كان منلقهاش انموت لانه كله مني ياريتني ماجبتها

مالك:ااخ احكيلي عليش جبتها ومنو هيا وشنو قصتها
عمر:.......
........................
ابتهال وعت لقت جنبها ظرف استغرباته خداته وفتحاته وقراته
(ابتهال حبيبتي سامحيني عديت وسيبتك لكن والله غصب عني من العذاب الي عايشة فيه قررت نمشي لامي باي طريقة وبعد عمر قالي بنمشي لايطاليا حسيت باب الفرج انفتحلي وترجيته علي شان نمشي معاه
ابتهال انا مستحيل ننساك مجرد منوصل لامي حنتواصل امعاك انحبك ياعز واحن اخت وصديقة في العالم
دعاء )
ابتهال 😳:دعاء ووعممر وصبت تجري طلعت وفتحت دار عمر لقتها فاضية
مبروكة شايلة صفرة الحليب :كنك يافرخة تجري بسم الله
ابتهال :عمر ياماما عمر هاجر لايطاليا
مبروكة اطيح منها سفرة الفطور 😱
....................
اسماء وعت وخشت للمطبخ مالقتش الفطور واتي
سراج طلع من داره لابس :هيا وين الفطور الواحد وراه امتحان كنكم متفهموش ازف
اسماء 😠:المنجوهة الكلبة مازالت متمرقدة مداراتش الفطور ومشت خشت لدار دعاء فتحتها بلقوة وتفاجات سريرها مرتب والدار فاضية
اسماء طلعت ادور فيها واتهزب:انتي يافرخة ياخرا
نادية طلعت من الدار:كنك اتعيطي عالصبح
اسماء:الفرخة دعاء مش لاقيتها في الحوش
سراج 😳
نادية:😠كيف مش قاعدة
وبرمو الحوش كله ومفيش لا حس دعاء لا شي
اسماء 😱:طيح سعدها المعفنه شكلها اهربت من الحوش
نادية:حسيتها انا من الاول قتها له عروقها يجبدن بنت الكافرة طيح سعدها
سراج 😠:كيف تهرب من الحوش مفيش راجل اتخاف منه ولا شنو وطلع وطربق الباب
اسماء:تعال هنا انت شنو دخلك اااخ توا شنو دخله هوا بيها تهرب ولا تقعد اصلا انا مصدقت تفكيت من وجهها 😒
نادية:اهو خوها وغاير عليها لكن خليه انشالله يمسكها ويقتلها اجعنها مترد
اسماء:ااخ لو نمسكها بس بين ايديا الفاجرة
نادية:عدي ديريلنا فطور خلينا نفطرو وخشت للحمام
...................
عمر ومالك مازلو متحركو من عالجزيرة املا في حتى جثتها تطلع
جاهم واحد من الي كانو في المركب وقاللهم لمو جثث وشالوهم وعطاهم العنوان
مالك:هيا ياصاحبي توكل علي الله وهي
عمر يبكي :اااخ انشاالله منلقوهاش امعاهم ياربي
مالك :انشالله لا هيا صبي
صبو وعدو علعنوان ايشوفو في الجثث وفتشوهم وملقوش دعاء في وسطهم